TAIGÜTHUM 15:18 - Cho Bible Common Language 2016

¹⁸ Pami la hnumi cu ani ng’yaw kawn ung, ani nik hnih tui ani ng’si vai. Ngani cu khaw mühun güt ung kä theingthap ci goi ah kyak ci.

TAIGÜTHUM 15:18 Referans Kwoze

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

2 TIMOTHI 2:22

Ak hmaw chang gui ah hüithaw nak cu hlawi ne, Bawipa ah m’lungtheing awn taigü ci gui awn a täng ah düngdau nak, yum nak, m’hni nak la dimdeih nak gui cu na shui vai nei.

1 KORIN 6:18

Pletbeng nak cu nami hlawi vai. A hei katnak naw chang tumat ah pumsa cu kä di sak ci; cun ung phi ng’yawpawm pletbeng nak bik ciah chang cu amät ah pumsa m’di ciah kyak ci.

1 KORIN 6:12

Chang atumat naw, “Kei cu i phi ka bi hning ci” cine kyak ciah chang om khai. Cun ung phi, a päng avan cu nangmi ah hmawk ah kä nik khai. Kei naw a i phi ka bi hning ciah ka pyein ung phi, a i naw phi kei cu ani ah khleihtein ah kä na k’hmoh hlawt khai.

SAM 51:5

Kei cu ka ng’tüi law ge ung ka shetkat ci, ami na käu nak ge ung ka cheishoh pyi ci nei.

TAIGÜTHUM 15:5

Ani ah a ih nak tawn ci phung, kä cung

PHYAWN NAK 19:15

Moses naw ngami am, “Cituh hnüüp ah hmawk ah nami pawng ge vai, cun ah a kyong ung kä nami ng’yaw pawm en vai” cine pyen na gui ci.

TAIGÜTHUM 15:16

Chang tumat cu a patui a luh law ah a kyak ung a pum avan tui ung angsi vai, ani cu khaw mühun güt ung kä theingthap ciah kyak ci.

TAIGÜTHUM 15:17

Tahsui ah phi kia, mehvun sui ah phi kia, a patui naw a kawh phung cu tui ung amsi ge vai. Cun cu khaw mühun güt ung kä theingthap ciah kyak ci.

2 SAMUEL 11:4

David naw chang tüi ne ani cu law püi sak gui ci; ngami naw law püi u khäta ani naw m’hni ne ih püi ci. (Ani naw a cha shui cu a tuhbäi hta theing sak ciah kyak ci.) Cun kawn ah ani cu im ah hteit ba ci.