TAIGÜTHUM 15:15 - Cho Bible Common Language 2016

¹⁵ Taigü naw tumat cu katphyawn douthak nak, tumat cu m’khih ne douthak nak ah a douthak vai. Ani naw chang ah ng’gängsei nak vai cu shikcha ah a bi vai.

TAIGÜTHUM 15:15 Referans Kwoze

TAIGÜTHUM 4:26

Cun kawn ah ani naw a thau avan cu sonkiang ah khan ah am khih vai. Cun cu hmuhchum-douthak nak ah seime ah thau am khih ah mäih ah kyak ci. A shicha ah taigüpa naw uktu ah katnak ah phäh ah khawihnah nak cu a douthak vai. Ani cu m’geinsei nak gah khai.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

KHEI NAK 25:13

Ani la ani ah htangshon gui cu, angtäi sei taigü ah m’düih gui nei. Ani cu kei na küknet püi ciah khanpughi ah khan ah am lung kä sau ci. Cun ung phi chang gui ah katnak ah hmawk ah geinsei nak law püi ci” cik ci.

KHEI NAK 15:25

Taigü naw chang bum ah hmawk ah ng’gängsei nak cu abi vai, cun ung ngami cu m’geinsei gui khai. A i ah kyasei ci ung ami hma nak cu kä ngaih-tüh ne bi ah kyak ci. Ngami naw ei-douthak nak ah kat-phyawn douthak nak cu Bawipa ah law püi ci gui.

TAIGÜTHUM 12:7

Ani ah douthak nak cu taigü naw Bawipa am pek khai, cun ung ani ah kä theing nak cu k’täm ne nawt heng pek khai, ani cu akcang ah theingthap khai. Shin cu hnumi naw a hta kawn ung abi vai ah kyak ci.

TAIGÜTHUM 4:35

Hmuhchum-douthak nak ah htome ah thau lak ah mäih ah ani naw cun ah thau avan cu a lak vai. Bawipa am pek ah ei-douthak nak ah sonkiang awn ng’däih khai ah am khih vai. Ashicha ah taigüpa naw chang ah katnak ah phäh ah khawihnah nak cu a douthak vai, ani cu m’geinsei nak gah khai.

TAIGÜTHUM 4:31

Hmuhchum-douthak nak ah ngawn ah me ah thau lawh ah mäih ah cun ah thau avan a lawh vai, cun kawn ah ani naw sonkiang ung am khih vai. Cun ah kyasei cun ah ng’ui naw Bawipa cu yei sak ci. A shicha ah taigüpa naw chang ah katnak ah phäh ah khawihnah nak cu douthak sei, ani cu m’geinsei nak gah khai.

TAIGÜTHUM 4:20

Ani naw katnak-douthak nak abi ah mäih ah a shin ah vantang awn bik khai, a shin ah mäih ah chang gui ah katnak ah phäh ah ani naw khawihnah nak cu bik khai, ngami cu m’geinsei nak gah khai gui.

TAIGÜTHUM 11:24

Aka ungka ah khisa gui ah sik ciah pumsa tawn ciah chang phung cu, khaw mühun güt sei kä theingcim ci. A khawpaw mah gui avan, cun ung phi a khawpaw kä ng’kye ci gui la ei kä m’däuh ci gui cu nawng ne, phli khaw nak ciah apha mah gui avan ah kyak ci. Acun gui ah aksi pumsa phui ci phung naw asuisak am su ba ge vai, cun ung phi ani cu khaw mühun güt ung kä theingcim ci.

TAIGÜTHUM 11:31

A cun gui la acun gui aksi ah pumsa tawn ciah chang phung cu khaw mühun güt ung kä theingcim ci.

TAIGÜTHUM 11:32

Acun ah aksi gui ah pumsa naw a kyak shi phi kä theingcim ci. Shin ah thungyo naw am dang cu sing, suisak, savun, samu ah khan ah a kyak shi ung phi, kä mang düt vai, cun cu tui ung hnawm vai. Cun ung phi cun cu mühun güt ung kä theingcim ci.

TAIGÜTHUM 11:39

Ei man ah khisa a sih ah a kyak ung acun tawn ciah chang cu khaw mühun güt ung kä theingcim ci.

TAIGÜTHUM 11:40

Chang tumat mat naw cun ah pumsa api ah phi a ei ah a kyak ung, ani naw a suisak amsu ba vai, cun ung phi ani cu khaw mühun güt ung kä theingcim ci. Aksi ah pumsa sawchang ciah chang phung naw, a suisak am su vai, cun ung phi ani cu khaw mühun güt ung kä theingcim ci.

TAIGÜTHUM 12:8

Hnumi naw htome cu kä a m’hnüt law hning ah a kyak ung, ani naw mümkha hnih baw, mümbawk hnih baw a law püi vai. Tumat cu m’khih ne douthak nak vai, tumat cu katphyawn douthak nak vai ah kyak khai. Taigü naw ani ah kä theing nak cu k’täm ne nawt heng pek khai, ani cu akcang ah theingthap khai.