TAIGÜTHUM 15:13 - Cho Bible Common Language 2016

¹³ Kheihnai ciah chang cu ak khei a khan kawn ah hnüüp chih ung a om cang vai. Cun kawn ah asui am su vai, tuici lawng ung angsi vai, cun ung ani cu theingthap ciah kyak khai.

TAIGÜTHUM 15:13 Referans Kwoze

TAIGÜTHUM 14:8

Cun ah bik ciah chang naw a sui m’su ne, alu k’teiu ne, tui angsi vai. Cun kawn ah ani cu theingthap khai. Ani cu pigaw kyong ah lut law hning ci, cun ung phi ani cu a shaum pigaw ah akpung ah hnüüp chih a om cang vai.

TAIGÜTHUM 8:33

Phyutheh nak nami bi nak kä a khüm pha ah chuih, khaw hnüüp chih ung Phung ung valuh nak ungka kä nami hteh en vai.

TAIGÜTHUM 15:28

A chashui ang pyi kawn ah ani cu hnüüp chih ung a om cang vai, cun kawn ah ani cu theingthap ciah kyak khai.

TAIGÜTHUM 15:5

Ani ah a ih nak tawn ci phung, kä cung

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

JAMES 4:8

Khanpughi ah pei ah nami law vai, cun ung nangmi ah pei ah Khanpughi lawk khai. Cheishoh ciah chang gui! Nami kut m’si vä. Thuvi ciah chang gui nami m’lung theing sak vä!

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

JEREMIAH 33:8

Kei na hnungtuk püi ne ami katnak gui cu ka m’si pe gui khai, ngami ah ami katnak la ami hnungtuk nak cu kei naw ka m’gein sei gui khai.

KHEI NAK 12:14

Bawipa naw, “Ani cu apa naw a hmai ung am thui ah a kyak ung ani cu hnüüp chih ung a thüisei nak om khai. Cun ah kyasei ani cu hnüüp chih ung Shaum pigaw ah akpung ah nami om sak vai, cun kawn ah akyong ah nami law püi ba vai.

TAIGÜTHUM 14:10

A hnüüp cheit ung api ah phi kä kheihlik ne, kum ät lüng ciah htomehta akhla hnih la akhik tumat a law püi vai. M’htut den pie thum, olive situi awn k’caw la oliv situi k’am ah bum thum a ät a law püi vai.

TAIGÜTHUM 9:1

Phyutheh nak kümsei ami bi nak ah a hnüüp cheit hnüüp Moses naw Aaron la a hta gui la Israel ng’vai gui cu khü gui ci.

PHYAWN NAK 29:37

Shin cu a hnüüp tä hnüüp chih ung na bi vai. Cun kawn ah sonkiang cu akbe ah theingciim khai, a cun tawn ciah chang, tawn ci phung cu acun ah theingcim ciah huham naw theing sak khai.

PHYAWN NAK 29:35

Aaron la a hta gui phyisä nak gui cu, kei naw ka ning pyen nak gui ah mäih ah khaw hnüüp chih ung akcang ah bi vai.