TAIGÜTHUM 14:8 - Cho Bible Common Language 2016

⁸ Cun ah bik ciah chang naw a sui m’su ne, alu k’teiu ne, tui angsi vai. Cun kawn ah ani cu theingthap khai. Ani cu pigaw kyong ah lut law hning ci, cun ung phi ani cu a shaum pigaw ah akpung ah hnüüp chih a om cang vai.

TAIGÜTHUM 14:8 Referans Kwoze

1 PETER 3:21

Tui cicu tuhbäi nangmi ning hun gui ciah tuihniim nak ah kiak ci. Tuiniim nak cicu pumsa alelawi m’sipyou ah kä kyak ci, m’lung ngaih ni awn Khanpughi ah shaitaak nak bi ah kyak ci. Bawipa Jesuh Khrit sih nak ungka a thawh nak ba awn, tuiniim nak awn hun nak nami gah ci.

KHEI NAK 8:7

Ak ka ungka ah mäih ah gäsei nak ah nak peh gui vai. Ami pumsa avan ung amu ami teiu vai, ami suisak ami m’su vai ah namthein gui vai. Cun kawn ah ngami cu theingthap khai gui.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

2 SHONTÄP NAK 26:21

Ghangpughang Uzziah cu a natnak ah phäh ah a ghin ah chuih kä theingcim ciah kyak ci. Ani cu Taigüim ung kä lut tuba hning ci, amät ah im ung om ci, abi gui avan cu kä bi ba sei, a hta Johtam naw ami kho cu uk ci.

TAIGÜTHUM 14:20

htang douthak vai awn a täng ah sonkiang khan ah a douthak vai. A shikcha ah ani naw ng’gängsei nak cu a bi vai. Cun ung cun ah chang cu akcang ah theingthap khai.

TAIGÜTHUM 14:9

A hnüüp chih hnüüp ung ani cu alu ak teiu ba vai, am khamu, amikmu la asa ung om ciah amu phung ak teiu vai; asuisak gui m’su ne tui angsi vai, ani cu akcang ah theingthap khai.

TAIGÜTHUM 8:6

Moses naw Aaron la a hta gui cu law püi gui neta, theingthap nak tui ami ng’si vai ah pyen na gui ci.

PHYAWN NAK 19:14

Moses naw m’htung ah kaa kyum law ba neta, khawihnah ge vai ah ami om vai ah chang gui cu m’thein gui ci. Cun ah kyasei ngami cu ami suisak m’suk ci gui.

PHYAWN NAK 19:10

Bawipa naw Moses am, “Hteit ne chang gui am m’thein gui ä, Kei na khawihnah khai gui ah kyasei, tuh ngawi la ngawi ung ami ng’gangsei vai, ami suisak ami m’su vai,

TAIGÜTHUM 15:13

Kheihnai ciah chang cu ak khei a khan kawn ah hnüüp chih ung a om cang vai. Cun kawn ah asui am su vai, tuici lawng ung angsi vai, cun ung ani cu theingthap ciah kyak khai.

KHEI NAK 6:9

Ani Nazirit ah kya ne ang ap yah ung a pei ah chang ang ghit ah asih ah a kyak ung ani ah ang ap nak ah lusam cu lelawi ci. Cun ah kyasei ani naw hnüüp chih ung ngäng neta a lusam la am khamu cu ak teiu vai. Cun ung ani cu theingthap ciah kya ba khai.

THULÄÄN NAK 21:12

Ani cu na im ah na hteh püi vai. Acu ah ani naw alu teiu ne am htin teiu ne