TAIGÜTHUM 14:7 - Cho Bible Common Language 2016

⁷ Ani naw kheilei ungka theek sak pyi ah chang ah khan ah cun ah si cu chih vei k’peh khai, cun kawn ah ani cu theingthap pyi ciah pyen ne ng’shäu khai. Ani naw kha akghing cu khaw häu ung k’phäi khai.

TAIGÜTHUM 14:7 Referans Kwoze

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

ISAIAH 52:15

Cun ung phi tuhbäi chang pakhui akda naw ani cu cäicat ne m’hlüng tai khai gui, ghangpughang gui cu cäi hmawtaw ne kä thung’htau ci gui. Ngami naw kä ami hmuh hmat man cu, hmuhmat lawk khai gui nei.”

2 GHANGPUGHANG GUI 5:14

Cun ah kyasei Naaman cu Jordan tuinu ah hteit ne chih vei tui ung ng’hnim ci, Elisha naw a pyen ah mäih ah bik ci, ani cu akni ah gai ci. A sa cu a hmawhta ah mäih ah theek ne gai ci.

2 GHANGPUGHANG GUI 5:10

Elisha naw changshäm tüi law ne, Jordan tuinu ah hteit ne chih vei angsi vai ah m’thein sak ci, cun ung a gaw nak maih yüm yüm khai nei cik ci.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

HEBRU 9:19

Akhtükbäih ung Moses naw thukhän om ci gui phung cu chang gui-am ng’shäu ne m’thein gui ci. Cun kawn ah me ah si la sei ah si cu la ne tui awn k’caw netah, hissop singban la htomu a sen awn, thukhän ca-uk la chang gui cu k’peh gui ci.

HEBRU 9:13

Mesi seisi la seipat hta awn m’kümbawh ne phyuhtheh nak naw, kä theing cim ci gui ah katnak cu, m’si ne, theingcim sak gui ciah a kyak ung,

1 JOHAN 5:6

Bawi Jesuh Khrit cu tui awn ang hnim nak la asi huk ne asih nak awn kyum lawk ciah Bawipa ah kyak ci. Ani cu tui bäng awn kyum lawk ciah kä kyak ci, tui la si awn kyum lawk ciah kyak ci. Cun ah düng ciah a mawng cu düng ciah Mumcha naw damg sak ci.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

HEBRU 9:26

Akda vei lut khai ah a kyak vai sü ung Khanpughi naw kho akhan atüi pyan ung tün ne akda vei sih nak aut khai sü ah kyak ci. Tuhbäi kho a khüt law vai khin ung ang bäng ge ah hnü ät kium law ne, a hnun gui pe ne, cheishoh nak cu nawtpet yawp pyii ci.

HEBRU 9:21

Cun ah mäih ah Moses naw, thukhän phung la khawihnah nak ung mangca gui phung cu si awn k’peh yawp ci.

JOHAN 19:34

Cun ung phi gakap tumat naw Bawipa Jesuh ah am hnaak cu k’htei awn shun khätah, acun vai-am si la tui cu lut lawk ci.

MIKHAH 7:19

Nang naw na na chimgein ba gui khai. Kami katnak cu na khaw awn leh ne, kami cheishoh nak cu tuinu ah ng’lung ung na shum yawp khai.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

SAM 51:7

Ka katnak na k’seh pe ä, kei cu ka theing khai; Na m’si ä, khüi ah ta ka bawk pi khai.

SAM 51:2

Ka shet nak gui phung na m’si pe ne, ka cheishoh nak phung na theing sak ä!

TAIGÜTHUM 16:22

Cun ah me naw ami katnak avan phui ne, chang ah kä om nak ah khaw ah hteh püi khai.

TAIGÜTHUM 16:19

A kutpyün awn si gui cu sonkiang ah khan ah chih vei ak peh vai. A shikcha ah ani naw Israel chang gui ah katnak cu ng’gängsei sak ne, theingcim nak a bi ah kyak ci.

TAIGÜTHUM 16:14

Ani naw vantang ah si amshah cu la neta, a khüm ah khan ah a kutpyün gui awn akpeh vai. Thukhän M’küm ah ama lam ung chih vei akpeh vai.

TAIGÜTHUM 14:51

Cun kawn ah ani naw cedar sing, sing lim, gui asen la ghing ciah kha cu a lak vai, cun kawn ah a ngawn ah kha ah asi ung la tuici ung ak phung vai. Cun kawn ah ani naw im cu chih vei akpeh vai.

TAIGÜTHUM 13:17

Ani naw ng’shi thäh ba mä khai. Cun ah khei cu bawk ne ng’haam ciah a kyak ung, ani cu theingthap ciah kyak ci, taigü naw theingthap ciah ang ng’shäu vai.

TAIGÜTHUM 13:13

taigü naw ang shi thäh ba mä vai. Ani naw a pumsa avan küm sei a hmuh ah a kyak ung, cun ah chang cu theingthap ciah ang ng’shäu vai. Avun avan ng’lat ne a bawk ah a kyak ung ani cu theingthap ciah kyak ci.

TAIGÜTHUM 8:11

Ani naw situi cu la ne sonkiang la pyan nak gui ah khan, la tui shawk la akung yung ah chih vei k’peh ci. Cun cu Bawipa am apnak ah bi ah kyak ci.

TAIGÜTHUM 4:17

acun ung a kutpyün yuk phum neta, yihdung ah ma ung chih vei ak peh vai.

TAIGÜTHUM 4:6

Ani naw a kutpyün gui cu cun ah si ung yuk phum neta, theing ciah yihdung ah ma ung chih vei ak peh vai.

KHEI NAK 19:12

Ani naw a hnüp thum hnüüp ung la a hnüüp chih hnüüp ung amät naw amät ng’gängsei nak abi vai. A hnüüp chih hnüüp ung ani cu theingthap khai. Cun ung phi a hnüüp thum hnüüp la a hnüp chih hnüüp ung amät naw ng’gängsei nak kä abi ah a kyak ung ani cu kä theingthap khai.