TAIGÜTHUM 14:4 - Cho Bible Common Language 2016

⁴ taigü naw thukbäi khai, theek ciah kha hnih, acun awn a täng ah cedar sing k’peen hta, gui asen la sing lim a law püi vai.

TAIGÜTHUM 14:4 Referans Kwoze

KHEI NAK 19:6

Ani naw cedar-sing, hissop sing toi la pyai asen cu la neta mei ung ak htawm vai.

HEBRU 9:19

Akhtükbäih ung Moses naw thukhän om ci gui phung cu chang gui-am ng’shäu ne m’thein gui ci. Cun kawn ah me ah si la sei ah si cu la ne tui awn k’caw netah, hissop singban la htomu a sen awn, thukhän ca-uk la chang gui cu k’peh gui ci.

TAIGÜTHUM 14:6

Ani naw kha a hei tumat cu la ne, cedar sing ni, gui sen ni, singlim ni awn a täng ah a ngawn ah kha ah asi ung phung khai.

SAM 51:7

Ka katnak na k’seh pe ä, kei cu ka theing khai; Na m’si ä, khüi ah ta ka bawk pi khai.

PHYAWN NAK 12:22

Hisop sing hnah pawk ät cu la ne, htome ah si ami hmoh ah khawk ung yuk hniim neta, nami im m’kawt la m’kawt khan gui cu si awn nami hluk vai. A ngawi ung khaw ngawi güt kä lut law ne nami om vai.

KHEI NAK 19:18

Ak htük bäih ah theingthap ciah chang tumat naw hissop sing toi cu la ne tui ung yuk phung net, Shaum cu akpeh vai. Cun ah kyong ah om ci päng la cun ah kyong ah om ciah chang avan cu, akpeh vai. A hnih vei nak ah theingthap ciah chang tumat naw kä theingthap ciah chang cu acun ah tui awn aksi ah guh la ng’cim hmun tawn ciah chang gui cu ak peh vai.

TAIGÜTHUM 12:8

Hnumi naw htome cu kä a m’hnüt law hning ah a kyak ung, ani naw mümkha hnih baw, mümbawk hnih baw a law püi vai. Tumat cu m’khih ne douthak nak vai, tumat cu katphyawn douthak nak vai ah kyak khai. Taigü naw ani ah kä theing nak cu k’täm ne nawt heng pek khai, ani cu akcang ah theingthap khai.

TAIGÜTHUM 5:7

Cun ah chang naw htome baw, me baw kä am hnüt hlawt ah a kyak ung, ani naw akatnak ah phäh ah Bawipa am a pek vai ah, müm kha hnih, käcung mümhta hnih a law püi vai. Tumat cu katphyawn ne douthak nak ah kyak khai, tumat cu m’khih ne douthak vai ah kyak khai.

TAIGÜTHUM 1:14

Chang tumat naw m’khih ne douthak ah kha a douthak law ah a kyak ung cun cu mümkha käcung müm bawk ah kyak khai.

TAIGÜTHUM 14:5

Cun kawn ah kha tumat cu tuici lawng ungka ami kei ah, m’dek am ah khan ung ami ngawn vai ah taigü naw bäi gui khai.