TAIGÜTHUM 14:34 - Cho Bible Common Language 2016

^34-35 kheilei ah ng’pe nak ah im gui ah a mawng cu shicha ah thungyo cu pe goi ci. (Shin gui cu Bawipa naw ami khäm vai ah a pek law gui vai ah Kanaan khaw ah ami luh kawn ah, Israel chang gui naw ami bi vai ah kyak ci.) Bawipa naw khei nak cu a im ung yuk chah sei chang tumat naw a hmuh ah a kyak ung, ani naw taigü am hteit ne am thein vai.

TAIGÜTHUM 14:34 Referans Kwoze

THULÄÄN NAK 32:49

“Moab khaw, Abarim htung ah hteit ä, Cun cu Jerikho mang gaw awn ng’ga dang ci. Nebo M’htung ah hang kai neta, Kei naw Israel chang gui am ka pek law gui vai ah Kanaan khaw cu na dan vai.

ATÜNNAK 17:8

Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

KHEI NAK 32:22

khaw ung khawh gui phi ami lak vai. Cun kawn ah nami hteh ba vai, nangmi naw Bawipa ung nami bi vai la nami Israel paw gui ung nami bi vai cu nami kümbe sak vai. Cun kawn ah Jordan tui ah a kiangtäng cu nangmi ah ka ah kyak ciah Bawipa naw k’bäi khai.

MIKHAH 6:9

Cüivai ci naw Bawipa cu kyih aa ci. Ani naw mang gaw khü ne, ngai vä, nami mang gaw ung ng’bum ci gui nei!

AMOS 6:11

Bawipa naw ng’thu a pyen law ung im kawm, im yaw ng’phye ne maih khai.

AMOS 3:6

Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?

ISAIAH 45:7

Kei naw akdei la a hmüp cu ka tüisho ci, Hriham la leigai cu ka law püi ci. Kei, Bawipa naw shin gui avan cu ka bik ci.

NG'THU K'THUUK~ 3:33

Bawipa naw changshe gui ah im cu plah taam ci. Cun ung phi düng ciah chang gui ah im cu hrilham pe gui ci.

1 SAMUEL 2:6

Bawipa naw hnun gui m’sih ci hnun gui m’ghin ci; ani naw chang gui sih nak ah khaw ah tüi gui ci, law püi ba gui ci.

JOSHUA 13:1

Joshua cu ang htei ah ghi lawk ci. Bawipa naw ani am, “Nang cu ang htei ah na hi lawk ci, cun ung phi lakba vai ah khaw akda om ba ci:

THULÄÄN NAK 27:3

Acun ah khan ah shin ah thukhän gui la, m’theithang gui avan cu nami guk vai. Bawipa nami pupa gui ah Khanpughi naw nangmi ung shai atak ah bühmang ne anglei nik ciah khaw ung nami luh law ung,

THULÄÄN NAK 26:1

“Bawipa nami Khanpughi naw a ning pek gui ah khaw khäm u ne, acun ah nami om kawn ah,

THULÄÄN NAK 19:1

“Bawipa nami Khanpughi naw ani naw a ning pek gui ah khaw ung chang gui amdi gui kawn ah nangmi naw ami mang gaw gui la ami im gui la u ne acun ung nami om kawn ah,

THULÄÄN NAK 12:1

Shin cu Bawipa nami pupa gui ah Khanpughi naw a ning pek gui ah khaw ung nami om ah chuih nami läk vai ah thumkhän gui ah kyak ci. Nami ngaih vai nei.

THULÄÄN NAK 7:15

Bawipa naw nat nak avan ung ning shungvong gui khai. Egypt khaw ah nami bui awt ah mäih ah nui aih ciah nat nak cu nangmi ah khan ah kä law püi khai. Cun ung phi nami ga gui ami van ah khan ah law püi khai.

KHEI NAK 35:10

Israel chang gui am a pyen nak gui vai cu: “Jordan tuinu kat ne Kanaan khaw ah nami luh law ah a kyak ung,

KHEI NAK 32:32

Ang’thumkhän ah ka ung keimi cu Kaanan khaw ung lut u ne, ng’tuk nak ung kami hteit khai nei. Cun ah kyasei keimi naw Jordan tuinu ah a kiangtäng ung khawh gui cu kami ka na lä khai nei.”

TAIGÜTHUM 25:2

Shin ah thungyo gui cu Israel chang gui am a pek gui vai ah kyak ci. Bawipa naw a ning pek gui ah khaw ung nami luh law ah a kyak ung, nangmi naw Bawipa m’tamkhah nak ah a kum chih kum päng ung khaw kä nami vawk vai. Kum chuk ung

PHYAWN NAK 15:26

Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.

ATÜNNAK 13:17

Tuhbäi hteit ne khaw hmun avan na teng vai. Shin ah khaw avan cu tuhbäi ka ning pe lawk khai nei” cine pyen ci.

ATÜNNAK 12:7

Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

TAIGÜTHUM 14:33

Bawipa naw Moses la Aaron am,

ZEKHARIAH 5:4

M’gäi ciah Bawipa naw a pyen cu, ani naw ng’phyun nak cu yuk chah lawk khai, a hleei pyen ne ng’phyun ciah im päng ung lut khai. Acun cu ami im gui ah kyong ah om neta, ngami cu akshe ah nawng gui khai.”

TAIGÜTHUM 14:55

Cun gui cu hlut, hnai, kä cung kheihlik gui; suisak la im ung om ciah kheilei nat nak gui ah kyak ci.

TAIGÜTHUM 20:24

Cun ung phi büh mang ne amdek nik ciah shin ah khaw cu, nami khäm vai ah shai ka tak ci nei, kei naw cun cu ka ning pe gui khai nei. Kei cu Bawipa nami na Khanpughi nei, kei naw nangmi cu a hei pakhui gui ungka, m’khoi ne ka ning m’düih gui khai nei.