TAIGÜTHUM 14:3 - Cho Bible Common Language 2016

³ taigü naw ani cu pigaw pung ah hteh püi neta ng’shi thäh khai. Khei nak cu theek sak pyi ciah a kyak ung,

TAIGÜTHUM 14:3 Referans Kwoze

TAIGÜTHUM 13:46

Ani cu cun ung a gaw ah chuih kä theingthap ciah kyak ci. Chang awn ng’shawng ne shaum pigaw ah k’pung ah a om vai.

LUKA 7:22

Bawipa Jesuh naw Johan ah tüih law gui-am, “Hteit ba ne nami hmuh nami ng’yak cu Johan-am m’thein ba vä; amik m’dauh ci gui m’dei ba ci gui, akho ng’khem ci gui hteit ba thei ci gui, kheilei ung gaw ci gui theek ba ci gui, ak hnga pang ci gui ng’ya ba ci gui, sik ci gui ghing ba ci gui, dukhaih ciah chang gui naw ng’Thu Ni ng’ya pyi ci gui nei.

LUKA 4:27

Profet Elisha ah om yah ung phi Israel chang gui akda khei-lei ung gaw u sei, a u phi kä gai sak ci, Sirian ah kaa Naaman bäng gai sak ci” cine m’thein gui ci.

MATTHE 11:5

Amik m’dauh gui, m’dei ba ci gui, shumkhem ci gui hteithon ba ci gui, kheilei ah ei gui theek ba ci gui, akpang ak ang gui ng’lang ba ci gui. Aksi gui ghing ba ci gui. Chang pyaam gui naw ng’thu k’ni ng’ya pyii ci gui.

MATTHE 10:8

Akgaw gai sak vä, aksi m’ghin ba vä, kheei lei ah ei gui theek sak vä, khoshe gui k’täm vä, Khanpughi ah m’gein nak kä khleih ah nami gah ci kyasei, chang gui am a phu kä lak ah vah pe vä.

JOB 5:18

Khanpughi naw abi ah leim cu hlawp pek ci, a kut awn ning nat sak ne, a kut awn ning khan sak ci.

2 GHANGPUGHANG GUI 5:14

Cun ah kyasei Naaman cu Jordan tuinu ah hteit ne chih vei tui ung ng’hnim ci, Elisha naw a pyen ah mäih ah bik ci, ani cu akni ah gai ci. A sa cu a hmawhta ah mäih ah theek ne gai ci.

2 GHANGPUGHANG GUI 5:3

Hnüüp ät ung ani naw abawinu am, “Kei ah ka bawi cu Samaria ah om ciah prophet ah a hteh vai ka ng’ya hlük ci nei! Ani naw a gaw nak cu gai sak khai nei” cik ci.

PHYAWN NAK 15:26

Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.

TAIGÜTHUM 13:2

Chang tumat ung kheilei ah kya law hning khai ah akhei, am thak, ang gei cu avun ah khan ah a om ah a kyak ung, ani cu taigü Aaron ah ami hteh püi vai.

TAIGÜTHUM 14:48

Taigü naw law ne a teng law ung, im cu hluk ba kawn ah kheilei kä ang dang ba ah a kyak ung, ani naw im cu theingthap ci, cine ang ng’shäu vai. A i ah kyasei ci ung kheilei cu maih khai ah heng pyi ah kyak ci.