TAIGÜTHUM 14:21 - Cho Bible Common Language 2016

²¹ Chang tumat cu douthak ne a i kä a pek hning ah a kyak ung, ani naw ang ng’gängsei nak vai ah thung ba douthak ah htome hta tumat bäng a law püi vai. Cun cu taigü ah phäh ah Bawipa am aktung ah m’cümhnah ah kyak ci. Ani naw htang douthak ah oliv situi awn k’caw ah m’htut den a pie la oliv situi k’am ung bum thum a ät a law püi vai.

TAIGÜTHUM 14:21 Referans Kwoze

TAIGÜTHUM 5:7

Cun ah chang naw htome baw, me baw kä am hnüt hlawt ah a kyak ung, ani naw akatnak ah phäh ah Bawipa am a pek vai ah, müm kha hnih, käcung mümhta hnih a law püi vai. Tumat cu katphyawn ne douthak nak ah kyak khai, tumat cu m’khih ne douthak vai ah kyak khai.

TAIGÜTHUM 12:8

Hnumi naw htome cu kä a m’hnüt law hning ah a kyak ung, ani naw mümkha hnih baw, mümbawk hnih baw a law püi vai. Tumat cu m’khih ne douthak nak vai, tumat cu katphyawn douthak nak vai ah kyak khai. Taigü naw ani ah kä theing nak cu k’täm ne nawt heng pek khai, ani cu akcang ah theingthap khai.

NG'THU K'THUUK~ 17:5

Dukhaih ci na gaih tu ung ani tuisho ciah khanpughi na kalu nak ciah kyak ci. Chang yaica nak ung agawk ah phäh ah yeikyai ciah chang cu, m’kyuk nak gah khai nei.

2 KORIN 8:12

Nangmi naw na mi peit hlü cang ah a kyak ung Khanpughi naw, yum nakcang awn nami peit cu ning dou pe gui khai, nangmi ah kä peit nak hning cu Khanpughi naw kä ning k’thäh gui khai.

2 KORIN 8:9

Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.

LUKA 6:20

Bawipa Jesuh naw ang düihpüi gui tän ne teng gui netah, “Pyam tham ciah chang gui yeikyai vä, Khanpughi ah Uknak khaw cu nangmi ah khaw ah kya ci.

NG'THU K'THUUK~ 22:2

Bühmang ci la du khaih ci ung a shin cu atäng ah om ci, ani nik hnih cu Bawipa naw atüipian ah kyak ci.

JOB 34:19

Ani cu uktu gui täng ah kä kya tuk ci, dukhaih ci gui hnu na ne bühmang ci gui täng ah phi kä ki tuk ci, a i ah kya sei ciung ani naw chang nü cu a tüi pyan ah kyak ci.

1 SAMUEL 2:8

Ani naw dukhaih ci gui cu m’vut ung ka yu chang gui ci, cawi gha ci gui cu geinvai nak ung ka han m’tam gui ci. Ani naw mang hta ng’piang ah teihpüi ah pyang gui ne, küikyang ciah bawi mang nak m’hnawn gui ci. Khomdek ah ang düih nak cu Bawipa naw khäm ci; Cun ah khan ah ani naw khaw ng’lei han k’süm ci.

TAIGÜTHUM 14:22

Ani naw mümbawk hnih baw, mümkha hnih baw a law püi vai, tumat cu katphyawn douthak nak vai, tumat cu m’khih ne douthak nak vai.

TAIGÜTHUM 5:11

Cun ah chang naw mümkha hnih, käcung mümhta hnih kä am hnüt hning ah a kyak ung, katphyawn douthak nak ah, m’htut den a pie a law püi vai. Cun cu oliv situi awn phi kä shawi vai, ang ui phi kä shum vai, a i ah kyasei ci ung cun cu katphyawn-douthak nak ah kyak ci, htang douthak nak ah kä kyak ci.

TAIGÜTHUM 1:14

Chang tumat naw m’khih ne douthak ah kha a douthak law ah a kyak ung cun cu mümkha käcung müm bawk ah kyak khai.

TAIGÜTHUM 14:10

A hnüüp cheit ung api ah phi kä kheihlik ne, kum ät lüng ciah htomehta akhla hnih la akhik tumat a law püi vai. M’htut den pie thum, olive situi awn k’caw la oliv situi k’am ah bum thum a ät a law püi vai.

TAIGÜTHUM 27:8

Shaitak bik ciah chang cu dukhaih aih ne m’hnütbäi ah phu kä ah pek hning ah a kyak ung acun ah chang cu taigü ah hteh püi vai, taigü naw ang neim pi ah k’bäi ne pek khai ah chang ah aci ah bik khai.

EZEKIEL 46:7

Vantang tumat ci la htome hla tumat ci awn atäng ah m’htut den atawng la htome hta päng ung manghta naw a pek hlü päng cu a douthak vai. M’htut den awn atäng ah oliv-situi pit la hmakip cu douthak vai.