TAIGÜTHUM 14:19 - Cho Bible Common Language 2016

¹⁹ Cun kawn ah taigü naw katphyawn douthak nak, douthak ne ng’gängsei nak a bi vai ah kyak ci. Cun kawn ah ani naw m’khih ne douthak vai ah seime cu ngawn ne,

TAIGÜTHUM 14:19 Referans Kwoze

TAIGÜTHUM 14:12

Cun kawn ah taigü naw htome hta tumat cu la ne, k’am ungka bum thum a ät situi awn a täng ah thungba nak douthak ah douthak khai. Ani naw taigü ah hmawk ah aktung ah m’cümhnah nak ah Bawipa am pek khai.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

TAIGÜTHUM 5:6

Akatnak a gei nak vai ah htome ak khik baw, me baw Bawipa am douthak vai ah a law püi vai. Taigü naw cun ah chang ah katnak ah phäh ah khawihnah ne douthak pek khai.

TAIGÜTHUM 5:1

Katphyawn-douthak nak gui cu aka ah a mawng ma gui ung hlü ci. Chang tumat cu yung ah saksi khai ah k’thäh u khäta, a hmuh ang yak ah mawng cu kä pyen ne a om ah a kyak ung, acun ah akat nak cu amät naw chaw nak khai.

TAIGÜTHUM 14:14

Taigü naw htome hta ah asi amshah cu la neta, theingthap ba ciah k’bäi vai ah chang ah akpat lam hnga koi, akpat lam kutnu la akpat lam khawnu ung a tha vai.

TAIGÜTHUM 15:15

Taigü naw tumat cu katphyawn douthak nak, tumat cu m’khih ne douthak nak ah a douthak vai. Ani naw chang ah ng’gängsei nak vai cu shikcha ah a bi vai.