TAIGÜTHUM 14:12 - Cho Bible Common Language 2016

¹² Cun kawn ah taigü naw htome hta tumat cu la ne, k’am ungka bum thum a ät situi awn a täng ah thungba nak douthak ah douthak khai. Ani naw taigü ah hmawk ah aktung ah m’cümhnah nak ah Bawipa am pek khai.

TAIGÜTHUM 14:12 Referans Kwoze

PHYAWN NAK 29:24

Shin gui avan cu Aaron la a hta gui ah kut ung pek gui vai. Ngami naw aktung m’cümhnah nak ah kei am ami na ap vai.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

PHYAWN NAK 29:22

“Htome ah thau, ang mei, a chi khawn ghak ciah a thau, amsin ungka akni pi, amke goi, amke ung a thau la akpat täng ak phleing cu ah na lak vai nei.

PHYAWN NAK 29:26

“Cun ah htome ah ang kyang cu la neta, aktung ah m’cümhnah nak ah kei am nami na pek vai. Cun ah asa cu nang ah kaa ah kyak ci.

TAIGÜTHUM 14:10

A hnüüp cheit ung api ah phi kä kheihlik ne, kum ät lüng ciah htomehta akhla hnih la akhik tumat a law püi vai. M’htut den pie thum, olive situi awn k’caw la oliv situi k’am ah bum thum a ät a law püi vai.

TAIGÜTHUM 14:11

Taigü naw cun ah chang la douthak vai gui cu Bawipa ah om nak ah phung, valuh nak ung law püi khai.

TAIGÜTHUM 14:19

Cun kawn ah taigü naw katphyawn douthak nak, douthak ne ng’gängsei nak a bi vai ah kyak ci. Cun kawn ah ani naw m’khih ne douthak vai ah seime cu ngawn ne,

TAIGÜTHUM 5:15

Chang tumat naw kä ngaih-tüh ah Bawipa am pek vai ah ak theing cu a pek vai a häu ah a kyak ung, ani naw thungba nak douthak nak ah kä kheihlik ciah htome baw, me baw ak hla a law püi vai. Cun cu aküikyang ah a phu ami k’bäi ah kyak ci.