TAIGÜTHUM 14:10 - Cho Bible Common Language 2016

¹⁰ A hnüüp cheit ung api ah phi kä kheihlik ne, kum ät lüng ciah htomehta akhla hnih la akhik tumat a law püi vai. M’htut den pie thum, olive situi awn k’caw la oliv situi k’am ah bum thum a ät a law püi vai.

TAIGÜTHUM 14:10 Referans Kwoze

TAIGÜTHUM 2:1

Chang tumat naw Bawipa am htang douthak nak abi ah a kyak ung, ani naw khui khai ah a den ma vai. Situi luh ne ang ui a shum vai.

LUKA 5:14

Bawipa Jesuh naw, “Shin ah mawng cu a u-am kä nam thein-en vai nei, taigüpa ah yäih ne hteit ne, na pumsa na teng sak vai, cun ung chang van naw na gai ah mawng hmat tuk khai gui. Cun kawn ah Moses ah thukhän ah mäih ah peit taak nak na bi vai nei” ci ne pyen nak ci.

MAKUH 1:44

“Shin ah a mawng cu a u-am kä nam thein-en vai, taigü ng’vai ah ang ghit ah hteit ne na pumsa cu na vam hnuh vai. Cun kawn ah na theek gai ah mawng chang gui naw ami hmat vai ah Moses ah thukhän ah mäih peitnak cu na bi vai” cine m’cäi ne tüi ba ci.

MATTHE 8:4

Bawipa Jesuh naw, “Shin ah mawng cu a u-am kä nam thein-en vai, cun ung phi taigü ng’vai ah hteit ne na pumsa cu nam hnuh vai, cun kawn ah na gai nak ah mawng ang dang vai ah Moses ah thukhän ah mäih ah peit taak nak na bi vai,” cine pyen nak ci.

TAIGÜTHUM 14:21

Chang tumat cu douthak ne a i kä a pek hning ah a kyak ung, ani naw ang ng’gängsei nak vai ah thung ba douthak ah htome hta tumat bäng a law püi vai. Cun cu taigü ah phäh ah Bawipa am aktung ah m’cümhnah ah kyak ci. Ani naw htang douthak ah oliv situi awn k’caw ah m’htut den a pie la oliv situi k’am ung bum thum a ät a law püi vai.

TAIGÜTHUM 14:15

Taigü naw oliv situi amshah cu la neta, amät ah eng lam kut m’ya ung kei ne,

TAIGÜTHUM 14:12

Cun kawn ah taigü naw htome hta tumat cu la ne, k’am ungka bum thum a ät situi awn a täng ah thungba nak douthak ah douthak khai. Ani naw taigü ah hmawk ah aktung ah m’cümhnah nak ah Bawipa am pek khai.

1 PETER 1:19

Htome hta ah mäih ah shetkat nak kä om ciah Bawi Khrit ah hnun gui ap nak ng’pün nak ah kyak ci.

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

JOHAN 6:33

Khanpughi ah na peit gui ah m’htut cu, khankho ah kaa kyum law ne, khomdek chang gui-am ghin nak pe gui ciah kyak ci,” ci ne m’thein gui ci.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

KHEI NAK 28:20

Bi man ah htang-douthak nak ah m’htut den olive-situi awn k’caw ne douthak vai: vantang tumat ung pie thum ci, htome tumat ung pie goi,

KHEI NAK 6:14

Kä kheihlik ciah seime thum cu Bawipa am a pek vai. M’khih ne douthak vai ah kum ät lüng ciah htome amca tumat, kat phyawn douthak vai ah kum ät lüng ciah htome amla tumat, la hmuhchum douthak nak vai ah me amca hta tumat ah kyak ci.

TAIGÜTHUM 23:13

Acun awn a täng ah m’htut den koi phli cu, olive situi awn k’caw ne nami pek vai. Shin ah douthak nak ah ang ui cu Bawipa naw yeikyai nak ci. Acun awn a täng ah sapyit tui um ät cun phi, douthak ne nami pek vai.

TAIGÜTHUM 9:1

Phyutheh nak kümsei ami bi nak ah a hnüüp cheit hnüüp Moses naw Aaron la a hta gui la Israel ng’vai gui cu khü gui ci.

TAIGÜTHUM 4:32

Chang tumat naw katnak ah phäh ah douthak vai ah htome a law püi ah a kyak ung kä kheihlik ciah akhik ah kyak khai.

TAIGÜTHUM 2:13

Htang douthak phung ung m’shii shum vai, a i ah kyasei ci ung nang la Khanpughi ah ng’lak ung thukhän cu m’shii naw dang sak ci. (Nami douthak vai phung ung m’shii nami shum kheng geng vai.)

TAIGÜTHUM 2:11

Htang douthak Bawipa am nami pek law phung cu, k’caw awn kä pyan en vai. Bawipa am douthak vai ah ei ung k’caw la khoitui kä nami shum phung vai.

TAIGÜTHUM 1:10

Chang naw a me baw, a htome baw a douthak ah a kyak ung, cun cu amca ah kyak khai, kä kheihlik en khai.

PHYAWN NAK 29:40

A htük ah htome awn a täng ah htang k’den pawng goi cu olive situi khap cawih awn k’caw ne, thak vai. Sapyit tui khap cawih phi shawi ne douthak vai.

TAIGÜTHUM 14:11

Taigü naw cun ah chang la douthak vai gui cu Bawipa ah om nak ah phung, valuh nak ung law püi khai.

TAIGÜTHUM 1:3

Ani naw sei tumat awn m’khih ne a douthak law ung api ah phi kä kheihlik ciah vantang cu a law püi vai. Ani naw Bawipa ah om nak ah Phung valuh nak ung a tha vai. Cun ung Bawipa naw ani cu dou khai.