TAIGÜTHUM 13:46 - Cho Bible Common Language 2016

⁴⁶ Ani cu cun ung a gaw ah chuih kä theingthap ciah kyak ci. Chang awn ng’shawng ne shaum pigaw ah k’pung ah a om vai.

TAIGÜTHUM 13:46 Referans Kwoze

2 GHANGPUGHANG GUI 7:3

Kheilei ung gaw ciah chang phli cu Samaria gawnu m’kawt ah akpung ah om u ne ami mät ng’htau ci gui, “A i ah kyasei mikmi mi sih güt ung shin ung mi om vai ang?

2 GHANGPUGHANG GUI 15:5

Bawipa naw Uzziah cu vun-khei nak awn gaw sak sei ani cu a ghin ah chuih a cun ung gaw ci. Ani cu im tumat ung om tu hnga ci, abi vai avan cu a hta am ap sei a hta Jotham naw kho cu uk ci.

2 SHONTÄP NAK 26:21

Ghangpughang Uzziah cu a natnak ah phäh ah a ghin ah chuih kä theingcim ciah kyak ci. Ani cu Taigüim ung kä lut tuba hning ci, amät ah im ung om ci, abi gui avan cu kä bi ba sei, a hta Johtam naw ami kho cu uk ci.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

THU PHLAAN 21:27

Cun ung phi kä theingcim ci phung api ah phi, cun ah mang gaw ah kä lut tuk khai. Thui ng’aa nak vai bik ci la hleeihlak ciah chang gui phi kä lut tuk khai gui. Htomehta ah ghin nak ca-uk ung angming guk ah chang gui bäng vah cun ah mang gaw ung lut tuk khai gui.

1 TIMOTHI 6:5

gui cu ng’lih pyou sak ci. Cun ah om ih ciah chang gui cu ami lung ngaih hnga sei, thu düng caciim kä hmat ci gui ah kiak ci. Ngami naw yum nak ah lam cu bühmang nak ah lam ah ngai ci gui.

2 THESSALONIAN 3:14

Shin ah kami ning m’khäh law gui ah ca ung ning m’cäi nak gui ah ng’thu kä läk tuk ciah chang cu, m’hnüt u netah, kä ng’gui ng’pha püi ne nami nawng vai nei, cun ung ani cu lü ng’aa khai nei.

2 THESSALONIAN 3:6

Phäinau gui aw, Bawipa Jesuh Khrit ah ming awn thukhän kami ning peit gui cu, damduh ciah khritha phäi nau gui la, keimi ah m’shümthein nak kä läk tuk ciah chang gui cu, kä nami kawng ät püi gui vai.

1 KORIN 5:5

Bawipa a law hnüüp ung cun ah chang ah mümcha cu hun nak a gah tu vai ah hmawk ah, a pumsa cu, am di vai ah Satan nam nami ap vai nei.

LUKA 17:12

Pigaw tumat ung ami gawk law ung khei-lei ah ei chang sing ghaa naw Bawipa cu ana dou ci gui. Ngami cu ang shawng pi pi ah ng’düi u netah,

NG’ÄI KYAH 1:8

Ani m’tamkhah nak cu ng’pyi ci, ani cu k’plui sei a u naw a i ah kä hmu tuk ci. Ani cu ng’hlo ng’ei ne lü ng’aa ne a hmai thup ci. Jerusalem naw kyih aih vai ah akat nak awn amät naw amät lelawi sak ci.

NG’ÄI KYAH 1:1

A i ah kyasei Jerusalem a mät a omdam ang? A cau chang gui be ne om man te ci nei. Khaw ah ka ung ami m’tamkhah man, Ani cu tuhbäi hmei nu ah mäih ah kyak ci. Mang gaw gui ung chang bä pikbäih man gui cu, changshäm ah kyak ci gui nei.

NG'THU K'THUUK~ 30:12

Ami mät naw ami mät theingcim ciah ngai ciah chang gui om ci gui. Cun ung phi ngami cu lelawi ci gui.

TAIGÜTHUM 13:47

Kheinak ah kawh nak ah suisak, htomu kä cung linen,

TAIGÜTHUM 14:3

taigü naw ani cu pigaw pung ah hteh püi neta ng’shi thäh khai. Khei nak cu theek sak pyi ciah a kyak ung,

TAIGÜTHUM 23:29

Cu hnüüp ung chang tumat mat naw ei a ei ah a kyak ung, ani cu Khanpughi ah chang tumat ah kä k’bäi ba vai.

2 SAMUEL 3:29

Cun ah phäh ah m’kyuk nak cu Joab la akyongchang van ah khan ah ng’kya sä! Ang shon päng ung ani ah kyongchang m’neh ung gaw sä, kheilei ung gaw sä, hnumi bi bäng bi hning sä, ng’tuk nak ung ngawn u sä, kä tui ei hning sä!” cik ci.

NG’ÄI KYAH 4:15

Chang gui m’lau u ne, “Ahei ah hteit ä, nang na lelawi ci nei, kä na tawn en ä” cik ci gui. Cun ah kyasei ngami cu akhui khaw päng ung ng’vaak shüi shüi ci gui, a u naw phi kä dou chang gui ci.