TAIGÜTHUM 13:45 - Cho Bible Common Language 2016

⁴⁵ Kheilei ung gaw ciah chang naw sui kheei a sui vai, alu kä a huih vai, a hmai ak ka lam a uk vai, “Kä theingthap ci, kä theingthap ci” cine am lau vai.

TAIGÜTHUM 13:45 Referans Kwoze

MIKHAH 3:7

Ma lam ah mawng ng’cä ba cicu a pyen kä bä sei thüi khai. Khanpughi naw kä m’shang sei ami van yung kyak khai gui.

TAIGÜTHUM 10:6

Cun kawn ah Moses naw Aaron la a hta goi Eleazar la Ithamar am, “Nani lu kä huih ne kä nani om en vai, nani thüisei ciah mäih ah nani sui kä nani k’teh en vai. Cun ah nani bi ung nani sik khai, chang van ah khan ah Bawipa cu m’lungshe khai. Cun ung phi nami Israel chang gui ami van cu Bawipa naw a yuk chah law ah mei awn sik ciah phäh ah ami kyah vai nei.

EZEKIEL 24:17

Na hngääk cu a u naw kä ning za en sä. Thüi kyap ciah mäih ah lukä pawng ne phahnak kä ng’leh ne, kä na hteh hton vai. Na hmai kä na shung vai, thüikyap ciah ei ah mäih ah ei kä na ei vai.”

NG’ÄI KYAH 4:15

Chang gui m’lau u ne, “Ahei ah hteit ä, nang na lelawi ci nei, kä na tawn en ä” cik ci gui. Cun ah kyasei ngami cu akhui khaw päng ung ng’vaak shüi shüi ci gui, a u naw phi kä dou chang gui ci.

LUKA 17:12

Pigaw tumat ung ami gawk law ung khei-lei ah ei chang sing ghaa naw Bawipa cu ana dou ci gui. Ngami cu ang shawng pi pi ah ng’düi u netah,

EZEKIEL 24:22

Cun kawn ah kei naw ka bi cu nangmi naw nami bik khai. Nangmi naw nami hmai kä nami shung khai, thüikyap ci gui ah ei kä nami ei khai.

TAIGÜTHUM 21:10

“Taigütung cu alu khan ung shawi nak vai ah phyutheh situi om pyi ci, ani cu taigü sui, sui khai ah ng’ap pyi ci. Cun ah kyasei ani naw alu kä huih ah kä a om en vai, a thüisei nak m’dang ne asui kä ak teh en vai.

LUKA 5:8

Simon Peter cu acun gui hmu netah Bawipa Jesuh ah ma ah m’kuukdong ne, “Bawipa, kei cu katnak bik ciah chang ah ka kyak ci kyasei, kä na k’et ne a hei ah hteit tei-ä” cik ci.

ISAIAH 64:6

Keimi kami van cu kami hmakak ci nei, keimi ah akni pi ah kami hnünthawh cu lelawi pikbäih ci nei. Keimi kami kat ah hmawk cing hnah chawng, khokhi ah zon awn kami täng ci nei.

ISAIAH 6:5

Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”

SAM 51:3

Ka shetkat nak gui cu ng’coi ng’pa ne, ka cheishoh nak gui cu ka ngaih-tüh yai ci nei,

JOEL 2:13

Nami m’lung ah payak nak naw nami thüi nak cvu m’dang sä; nami sui nami k’teh düt cu kä bä khai nei.” Bawipa nami Khanpughi ah law ba vä. Ani cu m’hni nak la chim gein nak awn be ci nei; ani cu hnimgei ne a shaitak paang ci nei; ani naw angtäi sei ning geinsei gui ge ci, kä ning m’kyuk gui ci.

JEREMIAH 36:24

Cun ung phi ghangpughang la bawi gui acun ng’yak ci gui cu, a i ah phi ami kyihkyawk nak, ami ayä nak kä m’dang ci gui.

JEREMIAH 3:25

Mikmi cu thui ngaa ne ng; yän ne, lü ng’aa nak naw na küm gui khin ci nei. Mikmi la mi pupa gui naw angtäi sei Bawipa mi khanpughi hnungtuk ne katnak mi bik ci nei, mikmi naw ani ah thum khan gui cu kä mi läk phung ci nei.

SAM 51:5

Kei cu ka ng’tüi law ge ung ka shetkat ci, ami na käu nak ge ung ka cheishoh pyi ci nei.

JOB 42:6

Cun ah kyasei kei cu ka ng’thu ah phäh ah ng’a ne, ng’yu ba ne m’vut ung ka ngok ci nei.

JOB 1:20

Cun ung Joba cu ng’düi law ne a sui k’teek ci. Ani cu alu teiu ne m’dek ung a hmai gawk khai ah kyu ne ng’baup ci.

2 SAMUEL 13:19

Tamar cu alu ung m’vut awn bu ne, a suinu k’teek ne, a hmai bawm ne, kyap ne dawng ba ci.

ATÜNNAK 37:29

Reuben naw Joseph cu teng law ba sei khui ung kä om ba khäta, a sui shum ne azä ci.

ISAIAH 52:11

Taigüim ung ka, khawh gui kawt chang ci gui nami van, Babilon ung ka ang ghit ah hteit vä! Hlawi zeeih phungcu kä nami tawn en vai nei; Nami mät theing cim sak neta hteit vä!

TAIGÜTHUM 13:44

taigü naw kä theingthap ciah ang ng’shäu vai. Cun cu alu ung kheilei ah ak khei ah phäh ah kyak ci.

2 GHANGPUGHANG GUI 7:3

Kheilei ung gaw ciah chang phli cu Samaria gawnu m’kawt ah akpung ah om u ne ami mät ng’htau ci gui, “A i ah kyasei mikmi mi sih güt ung shin ung mi om vai ang?

KHEI NAK 5:2

“Israel chang gui thumkhän pe gui ä, kheilei ung gaw ci gui, pumsa am thak gui, aksi bi ne kä theingthap ci gui cu, shaum pigaw ungka naw k’täm gui vai nei.