TAIGÜTHUM 13:4 - Cho Bible Common Language 2016

⁴ Cun ung phi khei cu bawk ne, a pei yung ah avun ah kä thuuk pi ne, amu cu kä a bawk ah a kyak ung, taigü naw cun ah chang cu hnüüp chih ung amät kheei ne a om sak vai.

TAIGÜTHUM 13:4 Referans Kwoze

KHEI NAK 12:15

Meriam cu Phung ah akpung ah hnüüp chih ung tha ci gui. Ani akyong ah kä ami law püi ba pha ah chuih chang gui cu kä ng’plon ci gui.

1 TIMOTHI 5:24

Chang amshah gui ah cheishoh nak cu dang ge sei, ngahmi m’khoichaa nak cun phi gawk law ge ci. Cun ung phi chang am shah gui ah cheishoh nak läi cu a ngawi ah vah dang lawk ci.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

EZEKIEL 44:10

Bawipa naw na pyen nak ci, “K’pawih ba ciah Israel chang gui awn atäng ah kei na nawng ne, agup gui khawihnah ci gui ah Levit gui cu kei naw ka m’kyuk gui ci nei.

THULÄÄN NAK 13:14

Cun ah mäih ng’thu htau düt nak ng’yak ung ng’kheing khai ah nami dät dam vai. Cun ah akshe bi cu hman ne ng’khän ciah a kyak ung

TAIGÜTHUM 13:3

Taigü naw akhei nak cu ng’shi thäh neta, ani ah khei ung amu cu bawk ne, akhei cu a pei yung ah avun na ta, a thuuk law pi ah a kyak ung, kyih vai ah kheilei ah kyak ci. Cun cu taigü naw kä theingthap ciah chang ah kyak ciah ang ng’shäu vai.

TAIGÜTHUM 13:5

Taigü naw a hnüüp chih hnüüp ung ang shi thäh ba mä vai. A khei cu acun ah kiane kä pung law pi ciah ang ngaih ung, ani cu hnüüp chih ung kheei ne a om sak ba mä vai.

TAIGÜTHUM 13:11

cun cu kä ng’mang yäi ciah kheilei ah kyak ci. Taigü naw ani cu kä theingthap ciah ang ng’shäu vai. Ani kheei ne om sak vai kä hlü ci, a i ah kyasei ci ung ani kä theingthap ciah hmat yäi vai ah phäh ah kyak ci.

TAIGÜTHUM 13:31

Taigü naw ng’shi thäh neta, hlut cu a pei yung avun ung kä thuuk law pi ne, acun ung amu gui cu kä khüi ba ne a kyak ung, ani naw hnüüp ung kheei ne a om sak vai.

TAIGÜTHUM 13:25

taigü naw ang shi thäh vai. Ak khei ung amu gui cu a bawk ah ng’lat ne, a pei yung avun ung thuuk law pi ne a kyak ung, cun cu mei ah uih nak ung tün ne, kheilei ah kya lawk ciah kyak ci, taigü naw kä theingthap ciah ang ng’shäu vai.

TAIGÜTHUM 13:26

Cun ung phi khei ung a mu gui cu a bawk ah kä ng’lat ne, a pei yung ah avun ung phi kä thuuk law pi ciah a kyak ung, ng’haam lawk ciah a kyak ung, taigü naw hnüüp chih ung kheei ne a om sak vai.

TAIGÜTHUM 13:50

Taigü naw ng’shi thäh neta, hnüüp chih ung cun cu kheei ne a gim vai.

TAIGÜTHUM 14:38

ani naw im cu hteh ta ne, hnüüp chih ung a khai vai.

KHEI NAK 12:14

Bawipa naw, “Ani cu apa naw a hmai ung am thui ah a kyak ung ani cu hnüüp chih ung a thüisei nak om khai. Cun ah kyasei ani cu hnüüp chih ung Shaum pigaw ah akpung ah nami om sak vai, cun kawn ah akyong ah nami law püi ba vai.