TAIGÜTHUM 13:34 - Cho Bible Common Language 2016

³⁴ A hnüüp chih hnüüp ung taigü naw hlut cicu ang shi thäh ba vai. Cun cu kä ng’shawng law ne, a pei yung avun ung kä thuuk law pi ne, a kyak ung ani naw theingthap ciah ang ng’shäu vai. Cun ah chang naw a sui, am su vai, ani cu theingthap khai.

TAIGÜTHUM 13:34 Referans Kwoze

THU PHLAAN 2:2

Nang ah bilawh cu ka hmat ci, nang naw a i hlawk ah nak tha nak, a i hlawk ah na ling k’tha la hniimgei nak a om cu kei naw ka hmat ci. Nang naw changshe gui kä na hniim gei nak gui hlawt la ang düihpüi ah kä kya lang ne, ana ng’düihpüi nei cik ci gui ah chang gui cu, ami hleeihlak dang khai ah nami k’tä gui cun phi kei naw ka hmat ci.

JUDE 1:22

Ngaih gep nak kä om ciah chang gui cu nami chimgein gui vai nei;

1 JOHAN 4:1

Ka teihpüi gui aw, Mumcha Theing ka gah ci cik ci phung kä nami yum men vai nei. Ngami ah gah ah Mumcha cu Khanpughi ung kaa lawk ciah a kyak la kä a kyak cu ng’nüm ne nami teng kheng vai nei. A i ah kyasei ci ung profet hleeihlak gui cu kho nüng ung hteit shüi shüi ci gui nei.

TAIGÜTHUM 13:30

taigü naw ang shi thäh vai. Cun cu a pei yung avun ung thuuk law pi ne, cun ung amu gui cu ng’ai law ne, am liik law ah a kyak ung, cun cu kheilei ah kyak ci. Ani naw cun ah chang cu kä theingthap ciah ang ng’shäu vai.

TAIGÜTHUM 13:33

cun ah alu mu cu k’teiu pek vai, a hlut pei yung cu k’tang vai. Taigü naw ani cu hnüüp chih ung kheei ne a om sak ba mä vai.

TAIGÜTHUM 13:35

Cun ung phi theing ciah ang ng’shäu kawn ah hlut cu ak khei law ba ah a kyak ung,