Biblia Todo Logo
Bib sou entènèt

- Piblisite -




TAIGÜTHUM 13:3 - Cho Bible Common Language 2016

3 Taigü naw akhei nak cu ng’shi thäh neta, ani ah khei ung amu cu bawk ne, akhei cu a pei yung ah avun na ta, a thuuk law pi ah a kyak ung, kyih vai ah kheilei ah kyak ci. Cun cu taigü naw kä theingthap ciah chang ah kyak ciah ang ng’shäu vai.

Gade chapit la Kopi




TAIGÜTHUM 13:3
29 Referans Kwoze  

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.


Khanpughi ah ng’thu ning m’thein law gui te ciah nami ng’vai gui cu, nami shüm gui vai nei. Ami ghin nak la ami sik nak cu vang ngai ba u netah, ami yum nak cu nami thei leh gui vai nei.


Chang shekha chang thuvi gui cu, shekha m’thüikhang law pi k’täi khai gui, chang naw phi phiui hnawk gui khai, chang phi phiui hnawk khai gui.


Acun gui ung Himenaeus la Alexander phi om tuk ci goi. Shin ah mawng naw m’theithang gui sei, nangmi naw Khanpughi ami shetkat nak ami nawng vai ah, kei naw ngami cu Satan ah kut ung ka ap gui ci.


Cun ah a kyak ung thukhän amät cu katnak ah mi pyein khai ang! Cun ah kä kyak ci! Cun ung phi katnak cu a i ang, cicu thukhän naw na hmat sak ci. A vaisü ah, “Chang ah khawh kä ng’yak hlü düt vai,” ciah thukhän naw kä a pyein vai sü ung, ng’yak hlü nak düt ah mawng cu kei naw kä ka hmat khai sü te,


Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.


Nangmi naw chang gui ah katnak cu nami m’gein ung, ngami cu phyawng khai gui; nangmi naw kä nami m’gein ung ngami naw phiawn nak kä gah khai gui.


Kei naw nang-am khankho hmawn nak ah htawh gui cu ka ning pek khai. Khomdek khan ung nang naw na khih pawn cu, khankho ah phi khih pawn nak om khai. Khomdek khan ung nang naw na chah cu khankho ah phi chah nak om khai,” cine pyen nak ci.


Khanpughi ah akcang ah hmuhmat nak m’thei vai cu taigü gui ah bi vai ah kyak ci. Kei ah ng’yak hlü ng’thei tuk khai gui ah chang gui cu ngami ah hteit khai gui, A i ah kyasei ci ung ngami cu hlüngtai ciah Bawipa ah ng’shä tüih ah kyak ci gui.


“Taigü gui cu uknak ah mawng shikcha ah na ng’shi gui vai,


Akhui hei chang gui ami ngaih u nak naw ami thagui aguh tep gui cu ngami naw kä hmat ci gui. Ami hnüüp cu khei ci gui, cun ung phi ngami naw kä hmat ci gui.


“Taigü gui naw ka chang gui cu, theingcim ci la kä theingcim ci, theingthap ci la ka theingcim ciah ng’lakmah nak cu ami m’thei thang vai.


Shin cu uktu Bawipa ah pyen ah kyak ci: “Nang naw shin gui avan cu kä ng’aca ciah pletbeng Chang ah mäih ah na bik ci.


Chang tumat ung kheilei ah kya law hning khai ah akhei, am thak, ang gei cu avun ah khan ah a om ah a kyak ung, ani cu taigü Aaron ah ami hteh püi vai.


Nang naw na ng’thumcha vai cu Khanpughi ah a khäm la mang hmün vai ah ng’lakmah nak, theingcim ci la kä theingcim ci gui ah ng’lakmah nak gui ah kyak ci.


Cun ungka ani cu ng’plon ba shüi shüi neta, Bethela khaw täng ah hteit ba ci. Ani ayan a om nak man te ah kyak ciah Bethela lah Ai ah ng’lak ah gawk ba ne,


Cun ung phi khei cu bawk ne, a pei yung ah avun ah kä thuuk pi ne, amu cu kä a bawk ah a kyak ung, taigü naw cun ah chang cu hnüüp chih ung amät kheei ne a om sak vai.


Chang tumat naw kä ngaih-tüh ah kä theingcim ciah chang ah shämtawng a tawn ah a kyak ung, a i ah a kyak ung phi, cun bik ciah a hmat vai am ani cu cheishoh ciah kyak ci.


Taigü naw ng’shi thäh ba mä neta, khei cu pung law ba ciah a kyak ung, ani naw kä theingthap ciah ang ng’shäu ba vai. Cun cu kyih vai ah kheilei ah kyak ci.


Ani cu taigü naw ang shi thäh vai. Acun ah khan ah ak khei cu bawk ne, mu gui phi bawk ne, hnai tui be ciah a kyak ung,


Taigü naw ang shi thäh vai, ak khei cu a pei yung avun gui pum ung, thuuk law pi ne, cun ung amu gui cu a bawk law ah a kyak ung, ani naw kä theingthap ciah ang ng’shäu vai. Cun ah khei cu kheilei ah kya pyi ci.


kheilei ah mawng cu ang shi thäh vai. K’paang ung kheilei ah kya ne ei ciah ang kying gui, asen gui, khei nak a om ah a kyak ung,


Shin gui cu kheilei gaw nak ah mawng thukhän gui ah kyak ci.


Swiv nou:

Piblisite


Piblisite