TAIGÜTHUM 13:29 - Cho Bible Common Language 2016

²⁹ Hnumi kä cung pami tumat cu, alu kä cung, ang being ung a hlut ah a kyak ung,

TAIGÜTHUM 13:29 Referans Kwoze

MATTHE 6:23

Nami mik ui a mü ung nami pumsa avan hmüp yawp khai. Cun ah kia sei nangmi ung om ciah akdei cu, ak hmüp ah a kyak lä ung, cun ah hmüp cu anghtei ah mü ne hmüp khai nei.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

ISAIAH 9:15

A ghi gui la m’tamkhah vai ah chang gui cu alu ah kyak ci gui — hleei hlak ne m’theithang ciah prophet gui cu ang mei ah kyak ci gui!

ISAIAH 5:20

Nami khaw mü ci nei! Nangmi naw akshe cu akni, akni cu akshe ah nami khü ci. Nangmi naw a hmüp cu akdei, akdei cu a hmüp ah nami m’hlat ci. Nangmi naw akha cu ak tui ah pyang u ne, aktui cu akha ah nami pyang ci.

ISAIAH 1:5

A i ah kyasei nangmi naw nami hnu ng’tuk püi lä ang? Nangmi naw m’kyuk nak nami ng’ya ba hlü mä ne ma? Israel gui, nami lu cu hmaleim bäng ah kyak ci, nami m’lung la ngaih cu gaw pai pyi ci nei.

SAM 53:4

Khanpughi naw, “Shin ah akshe bik ci gui, a ik cang kä hmat u ne ma? Ka chang gui ah kaa, gut ne ei ci gui, kei ah phi kä taigü man ci gui nei” cik ci.

2 SHONTÄP NAK 6:29

ami taigü cu ngaih pe gui ä. Israel na chang gui amshah cu ang’htei ah thüi sei ne, shin ah Taigüim täng ah mang ne ami kut shäng ne ami taigü ung,

1 GHANGPUGHANG GUI 12:28

Cun ah ang ngaih-tüh kawn ah, ani naw vantang-gup hnih cu ghui awn pyang neta, a chang gui cu pyen na gui ci, “Nangmi cu Jerusalem ah khawihnah vai ah nami hteh nak shou law pyi ci. Israel chang gui, shin goi cu nangmi Egypt khaw ah ka ning law püi ba gui ciah nami Khanpughi goi ne! cik ci.

1 GHANGPUGHANG GUI 8:38

ami taigü cu ngaih pe gui ä. Na chang Israel ungka gui cu ami m’lung thüisei, Taigüim täng ah ami kut shäng ne, ami taigü ung,

TAIGÜTHUM 13:28

Cun ung phi khei cu acun ah kya ne, kä ng’shawng law pi hnga ne, ng’haam law ne a kyak ung, cun cu kheilei ah kä kyak khai. Taigü naw theingthap ciah ang ng’shäu vai, a i ah kyasei ci ung cun cu mei ah uih nak ung ang gaai ah kyak ci.

TAIGÜTHUM 13:30

taigü naw ang shi thäh vai. Cun cu a pei yung avun ung thuuk law pi ne, cun ung amu gui cu ng’ai law ne, am liik law ah a kyak ung, cun cu kheilei ah kyak ci. Ani naw cun ah chang cu kä theingthap ciah ang ng’shäu vai.

EZRA 9:3

Cun cu ng’ya neta ka sui gui k’teek ne ayä ne, ka lu mu la ka m’khamu k’bawt ne thüi aih ne ka ngok ci.

EZEKIEL 5:1

Bawipa naw pyen ci, “Hnicim Chang, khimsem ak ghat la ne, na m’ kha mu la na lumu avan nak’teiu vai. Cun kawn ah lumu gui cu khin neta thum ah na k’pai vai.