TAIGÜTHUM 13:2 - Cho Bible Common Language 2016

² Chang tumat ung kheilei ah kya law hning khai ah akhei, am thak, ang gei cu avun ah khan ah a om ah a kyak ung, ani cu taigü Aaron ah ami hteh püi vai.

TAIGÜTHUM 13:2 Referans Kwoze

THULÄÄN NAK 24:8

“Nangmi cu puung ciah kheilei ung gaw ne nami yaica ah a kyak ung Levit taigü gui naw a ning m’thein gui ah akcang ah bi vai ah nami cimvai vai nei. Kei naw ka pek gui ah ami shümthein nak cu ami läk vai.

TAIGÜTHUM 14:3

taigü naw ani cu pigaw pung ah hteh püi neta ng’shi thäh khai. Khei nak cu theek sak pyi ciah a kyak ung,

LUKA 17:14

Bawipa Jesuh naw, hmu law gui netah, “Nangmi hteit ne taigü gui-am nami pumsa vam hnuh gui vä” cik ci. Ngami cu Taigü gui ah ami hteh nak lam ah hteit ba yawp ci gui.

LUKA 5:14

Bawipa Jesuh naw, “Shin ah mawng cu a u-am kä nam thein-en vai nei, taigüpa ah yäih ne hteit ne, na pumsa na teng sak vai, cun ung chang van naw na gai ah mawng hmat tuk khai gui. Cun kawn ah Moses ah thukhän ah mäih ah peit taak nak na bi vai nei” ci ne pyen nak ci.

MAKUH 1:44

“Shin ah a mawng cu a u-am kä nam thein-en vai, taigü ng’vai ah ang ghit ah hteit ne na pumsa cu na vam hnuh vai. Cun kawn ah na theek gai ah mawng chang gui naw ami hmat vai ah Moses ah thukhän ah mäih peitnak cu na bi vai” cine m’cäi ne tüi ba ci.

MATTHE 8:4

Bawipa Jesuh naw, “Shin ah mawng cu a u-am kä nam thein-en vai, cun ung phi taigü ng’vai ah hteit ne na pumsa cu nam hnuh vai, cun kawn ah na gai nak ah mawng ang dang vai ah Moses ah thukhän ah mäih ah peit taak nak na bi vai,” cine pyen nak ci.

MALAKHI 2:7

Khanpughi ah akcang ah hmuhmat nak m’thei vai cu taigü gui ah bi vai ah kyak ci. Kei ah ng’yak hlü ng’thei tuk khai gui ah chang gui cu ngami ah hteit khai gui, A i ah kyasei ci ung ngami cu hlüngtai ciah Bawipa ah ng’shä tüih ah kyak ci gui.

ISAIAH 3:17

Cun ung phi kei naw ka m’kyuk gui khai-kei naw ami lu k’teiu pe gui ne, a luplup ah ka nawng gui khai.”

ISAIAH 1:6

Lu nug ka naw khaw ung khüt khai ah pumsa avan kä a ng’gai nak kä om ci nei. Nangmi cu leim ni, hmaleim ui, ak hma kauh ni bäng ah nami kyak ci vei. Nami leim gui cu kä m’si pha, kä hlawp pha, kä m’tui pha nei.

2 GHANGPUGHANG GUI 5:27

Tuhbäi Naaman ah gaw nak cu nang ah khan ah gawk sä, nang la nang ah hta ng’shon cu ngawi yä a cun ung gaw vä!” cik ci. Kehazi cu a hteh ba vai am, ani ung gaw nak gawk sei ani ah vun cu khüi toi ah mäih ah bawk ci.

2 GHANGPUGHANG GUI 5:1

Naaman cu Siria gabawi ah kyak ci, Siria ghangpughang naw a hlüng ah achang m’sui, am hni ah kyak ci, a i ah kyasei ci ung Bawipa naw Sirian gakap gui am ani ung näng nak a pek gui ah phäh ah kyak ci. Ani cu dämduh ciah gakap ah kyak ci, cun ung phi ani cu kyih vai kyak ciah kheilei ung gaw ci.

2 SAMUEL 3:29

Cun ah phäh ah m’kyuk nak cu Joab la akyongchang van ah khan ah ng’kya sä! Ang shon päng ung ani ah kyongchang m’neh ung gaw sä, kheilei ung gaw sä, hnumi bi bäng bi hning sä, ng’tuk nak ung ngawn u sä, kä tui ei hning sä!” cik ci.

THULÄÄN NAK 28:27

Bawipa naw Egypt chang gui ung abi ah mäih ah nami khan ah hlut nak chah lawk khai. Ani naw nami pumsa cu pyuut awn ning cheiuh gui khai. Nangmi cu vawi bäng ah nami kyak khai. Ning m’thak gui khai, cun ung phi m’tui nak vai kä om khai.

KHEI NAK 12:10

Cun kawn ah khongmei naw Phung cu ng’liim tak ci, Meriam ah vun cu ang ghit ah nat nak naw ui sei, a bawk ah ng’khe ne khüi ah mäih ah kyak ci. Aaron naw ani cu teng neta natnak naw a uk cu hmu neta,

KHEI NAK 12:12

A sa avang ei yawp sei aksi ah ng’tüi ciah mäih ah ani cu kä kyak en sak ä” cik ci.

TAIGÜTHUM 13:1

Bawipa naw Moses la Aaron am shin ah thungyo gui cu pe goi ci.

TAIGÜTHUM 13:3

Taigü naw akhei nak cu ng’shi thäh neta, ani ah khei ung amu cu bawk ne, akhei cu a pei yung ah avun na ta, a thuuk law pi ah a kyak ung, kyih vai ah kheilei ah kyak ci. Cun cu taigü naw kä theingthap ciah chang ah kyak ciah ang ng’shäu vai.

TAIGÜTHUM 13:8

Taigü naw ng’shi thäh ba mä neta, khei cu pung law ba ciah a kyak ung, ani naw kä theingthap ciah ang ng’shäu ba vai. Cun cu kyih vai ah kheilei ah kyak ci.