Biblia Todo Logo
Bib sou entènèt

- Piblisite -




TAIGÜTHUM 12:8 - Cho Bible Common Language 2016

8 Hnumi naw htome cu kä a m’hnüt law hning ah a kyak ung, ani naw mümkha hnih baw, mümbawk hnih baw a law püi vai. Tumat cu m’khih ne douthak nak vai, tumat cu katphyawn douthak nak vai ah kyak khai. Taigü naw ani ah kä theing nak cu k’täm ne nawt heng pek khai, ani cu akcang ah theingthap khai.

Gade chapit la Kopi




TAIGÜTHUM 12:8
14 Referans Kwoze  

Cun ah chang naw htome baw, me baw kä am hnüt hlawt ah a kyak ung, ani naw akatnak ah phäh ah Bawipa am a pek vai ah, müm kha hnih, käcung mümhta hnih a law püi vai. Tumat cu katphyawn ne douthak nak ah kyak khai, tumat cu m’khih ne douthak vai ah kyak khai.


Cun kawn ah ani naw a thau avan cu sonkiang ah khan ah am khih vai. Cun cu hmuhchum-douthak nak ah seime ah thau am khih ah mäih ah kyak ci. A shicha ah taigüpa naw uktu ah katnak ah phäh ah khawihnah nak cu a douthak vai. Ani cu m’geinsei nak gah khai.


Ani naw mümbawk hnih baw, mümkha hnih baw a law püi vai, tumat cu katphyawn douthak nak vai, tumat cu m’khih ne douthak nak vai.


Chang tumat naw m’khih ne douthak ah kha a douthak law ah a kyak ung cun cu mümkha käcung müm bawk ah kyak khai.


Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.


A hnüüp cheit hnüüp ung cun ah hnumi naw mümbawk hnih, käcung mümkha hnih cu Bawipa ah om nak ah Phung valuh nak ung, taigü ah ma ah a law püi vai.


A hnüüp cheit hnüüp ung ani naw mümbawk hnih käcung mümkha hnih cu Bawipa ah om nak ah Phung valuh nak ung a law püi vai, taigü am a pek vai.


Bawipa Jesuh naw pum im kyong ah hteit netah, pum im kyong ah sumlei ci gui cu k’täm gui ci. Ngui m’thawng ci gui ah tawnglan la mümkha yoi ci gui ah m’küm gui cu gäi ne lat yawp ci.


Ani ah douthak nak cu taigü naw Bawipa am pek khai, cun ung ani ah kä theing nak cu k’täm ne nawt heng pek khai, ani cu akcang ah theingthap khai. Shin cu hnumi naw a hta kawn ung abi vai ah kyak ci.


Bawipa naw Moses la Aaron am shin ah thungyo gui cu pe goi ci.


Chang tumat cu douthak ne a i kä a pek hning ah a kyak ung, ani naw ang ng’gängsei nak vai ah thung ba douthak ah htome hta tumat bäng a law püi vai. Cun cu taigü ah phäh ah Bawipa am aktung ah m’cümhnah ah kyak ci. Ani naw htang douthak ah oliv situi awn k’caw ah m’htut den a pie la oliv situi k’am ung bum thum a ät a law püi vai.


Cun ah chang naw mümkha hnih, käcung mümhta hnih kä am hnüt hning ah a kyak ung, katphyawn douthak nak ah, m’htut den a pie a law püi vai. Cun cu oliv situi awn phi kä shawi vai, ang ui phi kä shum vai, a i ah kyasei ci ung cun cu katphyawn-douthak nak ah kyak ci, htang douthak nak ah kä kyak ci.


Taigü naw tumat cu katphyawn douthak nak, tumat cu m’khih ne douthak nak ah a douthak vai. Ani naw chang ah ng’gängsei nak vai cu shikcha ah a bi vai.


Swiv nou:

Piblisite


Piblisite