TAIGÜTHUM 12:6 - Cho Bible Common Language 2016

⁶ A hta pami, käcung hnumi ah phäh ah ang ng’gängsei nak ah akhin, a khüm ah a kyak ung, ani naw Bawipa ah om nak ah Phung ah luh nak ung, taigü am m’khih ne douthak vai ah kum ät lawk ciah htome hta la katphyawn douthak nak vai ah mümkha baw, mümbawk baw a thak law vai.

TAIGÜTHUM 12:6 Referans Kwoze

LUKA 2:22

Moses ah thukhän ah mäih ah theingcim nak bi vai akhin gawk lawk ci kyasei, ak hmawhta cu Mari la Josef naw Jerusalem ah law püi ni ne, Taigüim ah Bawipa am ap ci goi.

HEBRU 7:26

Cun ah kyasei Bawipa Jesuh cu mikmi ung hlü ci awn ng’müi ciah Taigü Tung ah kyak ci. Ani cu theingcim ci, shetkat nak ani ung kä om ci. Ani cu shetkat nak ungka m’chah ne, khan mawpi ah a thawh ba sak ah kyak ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

TAIGÜTHUM 15:29

A hnüüp cheit hnüüp ung cun ah hnumi naw mümbawk hnih, käcung mümkha hnih cu Bawipa ah om nak ah Phung valuh nak ung, taigü ah ma ah a law püi vai.

KHEI NAK 6:10

A hnüüp cheit hnüüp ani naw müm bawk hnih la mümkha hnih cu Bawipa ah om nak ah Phung ung luh nak ung taigü ah om nak ah a law püi vai.

TAIGÜTHUM 15:14

A hnüüp cheit hnüüp ung ani naw mümbawk hnih käcung mümkha hnih cu Bawipa ah om nak ah Phung valuh nak ung a law püi vai, taigü am a pek vai.

TAIGÜTHUM 14:22

Ani naw mümbawk hnih baw, mümkha hnih baw a law püi vai, tumat cu katphyawn douthak nak vai, tumat cu m’khih ne douthak nak vai.

TAIGÜTHUM 12:2

Israel chang gui ah hmawk ah pek ci. Hnumi cu pami ah a hta ung hnüüp chih ung kä theingcim ci, cun cu a chashui a om khin ah mäih ah kyak ci.

ATÜNNAK 15:9

Ani naw, “Kum thum ci kum nak ciah seipat tumat, me tumat, htawme hta akhla tumat, la müm bawk tumat, müm tumat cu kei ah law püi vä” ci sei,

TAIGÜTHUM 12:5

Hnumi cu hnumi hta ah a hta kawn ah hnüüp gha lei phli ung kä theingthap ci, ani cu a chashui a om yah khin ah mäih ah kyak ci. Cun cu asi ang chawt nak ungka naw akcang ah kä a theingthap ba nak pha hnüüp chukip lei chuk ah akyong ah kyak ci.

TAIGÜTHUM 12:7

Ani ah douthak nak cu taigü naw Bawipa am pek khai, cun ung ani ah kä theing nak cu k’täm ne nawt heng pek khai, ani cu akcang ah theingthap khai. Shin cu hnumi naw a hta kawn ung abi vai ah kyak ci.