TAIGÜTHUM 11:8 - Cho Bible Common Language 2016

⁸ Cun ah khisa gui cu kä nami ei vai. Sik ciah a pumsa phi kä nami tawn vai, cun cu kä theingcim ci.

TAIGÜTHUM 11:8 Referans Kwoze

HEBRU 9:10

Cun gui cu ei awk la theingcim nak a hlü hlü bilawh nak gui ung phung ci. Shin gui cu ak pung lam m’hnütbäi nak gui ah kya ne, Khanpughi naw khokthai a pyan nak kä phaa sei ng’pyi khai gui.

KOLOSE 2:16

Cun ah kyasei, ei awk nak ah mawng, hnüüp theing ah mawng, chaa lum la kyin nak ah mawng gui pyein ne, a u am phi thukhän kä bi-en sak vä.

HOSEA 9:3

Israel chang gui cu Bawipa ah khaw ung kä om ba khai gui. Ngami cu Egypt khaw ah hteit ba khai gui. Assiria ah ami yeeih ah ei cu ei khai gui.

ISAIAH 52:11

Taigüim ung ka, khawh gui kawt chang ci gui nami van, Babilon ung ka ang ghit ah hteit vä! Hlawi zeeih phungcu kä nami tawn en vai nei; Nami mät theing cim sak neta hteit vä!

TAIGÜTHUM 5:2

Chang tumat naw kä ngaih-tüh ah kä theingcim ciah khisa aksi a tawn ah a kyak ung, ani cu kä theingcim ciah kyak ci, cun bik ciah a hmat vai am ani cu cheishoh ciah kyak ci.

EPHESIAN 5:11

Hnüp khui ung om ciah chang gui ah bi, kä ak ni gui cu, kä nami bi en tu vai, cun gui cu nami dang sak vai nei.

EPHESIAN 5:7

Cun ah kyasei cun ah mäih chang gui awn api ah phi kä nami ng’ce ng’cäk en vai.

2 KORIN 6:17

Cun ah kyasei Bawipa naw; “Ngami cu nawng shüt gui ne, ngami awn ng’cha ne nami om vai. Kä theingcim cicu kut awn phi kä nami tawk en vai, cun ung ka ning dou gui khai.

1 KORIN 8:8

Ei cu Khanpughi lam ah ak tung ah kä kyak ci; ei kä ei ung phi dishum nak vai kä om ci, ei ei ung phi näng m’khüt nak vai kä om ci.

ROMAN 14:21

Nami phäi nau naw shetkat nak khai a kyak ung, asa phi bäi sapyit tui phi bäi, a hmün a i ei auk phi bäi, avan nami hlawi vai.

LAMKTU 15:29

A gawn kheik ne ngawn ah sa kä ei vai, kä ng’yawpawm dütdüt vai, ciah thukhän nah kawn ah a hei phuih gih nami khan ah kä a gawk law vai ah Mumcha Theing awn keimi kami gup ät ci nei. Shin ah a mawng gui cu nami hlawi ah khoi ung nangmi ah hmawk ah bä ei khai nei. Gai ne yei ne om vä!” ciah guk ci gui.

LAMKTU 10:28

Cun ah chang gui am Peter naw, “Jew chang tumat cu chang pakhui hei ung kä ah khawtsheng tu vai, kä ah ng’et sheng tu vai, ciah yum nak cu nami hmat pyi ci. Cun ung phi, a u shekak ci, a u kä theingthap ci, cine käm khoichaa vai ah Khanpughi naw nam hnuh pyi ci nei.

MAKUH 7:18

Bawipa Jesuh naw, “Nangmi shin hlawk hngaw kä nami hmat hlawt ci ma?

MAKUH 7:15

Ak pung ah kaa chang ung lut ci naw, chang cu kä shetkat sak hlawt ci, chang ah puk kyong ungka lut lawk ci naw chang cu shetkat sak ci.

MAKUH 7:2

Cun yah ung ang düihpüi gui naw ami kut kä theingthap ci awn ei ami ei cu hmuk ci gui.

MATTHE 15:20

Cun gui naw chang cu shetkat sak ci gui. Kut käm si ah ei ei naw chang cu kä shetkat sak ci nei,” cine m’thein gui ci.

MATTHE 15:11

Chang shetkat sak cicu m’gawnglei ung yulut vük ciah kä kiakci, m’gawnglei ungka lut lawk ciah kya ci,” cine kyak na gui ci.

TAIGÜTHUM 11:7

Vawk kä nami ei vai. Vawk cu kä theingcim ci, vawk cu a khawpaw ng’kye ci, cung phi ei kä m’däuh ci,

TAIGÜTHUM 11:9

Apaai la akphlep om ciah nga phung cu nami ei vai,