TAIGÜTHUM 11:7 - Cho Bible Common Language 2016

⁷ Vawk kä nami ei vai. Vawk cu kä theingcim ci, vawk cu a khawpaw ng’kye ci, cung phi ei kä m’däuh ci,

TAIGÜTHUM 11:7 Referans Kwoze

ISAIAH 66:17

Bawipa naw pyen ci, “Khongzo khawihnah vai ah ami mät thing thap sak ci gui, hing ciah dum ah ng’tän ne htit ci gui, vawksa, k’puish la a hei shemshai ci ei ci gui ah ami ng’pyi nak vai ah akhin cu gawk lawk ci nei.

ISAIAH 66:3

“Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.

ISAIAH 65:4

Ngami cu khomü ah khuügui, ng’phuh hmun gui ah hteit ne, aksi gui mum cha gui cu ng’ge ng’pai püi ci gui. Ngami cu vawksa ei u ne, khongyo am khawihnah douthakah meh tui ca awk ci gui.

THULÄÄN NAK 14:8

Vawk kä nami ei vai, vawk cu kä theingthap ciah kyak ci. Ami khopaw ng’kye ci, cun ung phi ami ei kä m’däuh ci gui. Shin ah khisa gui kä nami ei vai; sik ciah apumsa phi kä nami tawn en vai.

LUKA 15:15

Cun ah kyasei, cun ah chang tumat cu pan ne om tuk ci. Cun ah chang naw, ani cu lo ah vawk gui ngäng sak ci

LUKA 8:33

Bawipa Jesuh naw ä ya pe gui sei, chang ungka lut law ne vawk gui ung lut ci gui. Acun vai-am vawk gui cu tui kam keing ung ng’hlü ne dawng u ne, tuili ung lut yawp ci gui.

MATTHE 7:6

‘Ak theingcim cu ui gui-am kä nami peit vai, cuh ah nami peit ung ng’hlat law ba ne ning htui gui khai. Ghui k’cünglung cu vawk gui ah ma ah kä nami m’shän vai, nami m’shän ung ami kho awn leh ne kai na khai gui.

TAIGÜTHUM 11:3

Cun gui cu a khawpaw ng’kye ci la a ei m’däuh ciah kyak khai.

TAIGÜTHUM 11:8

Cun ah khisa gui cu kä nami ei vai. Sik ciah a pumsa phi kä nami tawn vai, cun cu kä theingcim ci.