TAIGÜTHUM 11:45 - Cho Bible Common Language 2016

⁴⁵ Kei cu Egypt ungka ka ning law püi ba gui ciah Bawipa, cun ah kyasei kei cu nami Khanpughi ah ka kyak ci. Nangmi cu nami theingcim vai, a i ah kyasei ci ung kei cu ka theingcim ci.

TAIGÜTHUM 11:45 Referans Kwoze

TAIGÜTHUM 11:44

Kei cu Bawipa nami na Khanpughi ah kyak ci, nangmi cu nami theingcim vai, a i ah kyasei ci ung kei cu ka theingcim ci.

PHYAWN NAK 20:2

“Kei cu Bawipa, nami Khanpughi, changshäm ah nam kyak nak ah Egypt khaw ungka, ka ning law püi ba gui ciah ka kyak ci.

1 PETER 1:16

“Kei cu ka theingcim ci kyasei, nangmi phi nami theingcim vai nei,” ciah cacim naw pyein ci.

PHYAWN NAK 6:7

Nangmi cu ka mät ah chang ah ka ning pyang gui khai, kei cu nangmi ah Khanpughi ah ka kyak khai. Egypt khaw, khleihtein ungka ka ning m’hlawt gui kawn ah, kei cu Bawipa, nami na Khanpughi ah nami hmat khai nei.

1 THESSALONIAN 4:7

Khanpughi naw m’gukplet humhlam vai ah a na khü gui ah kä kiak ci, ak theingcim ah om vai ah ana khü gui ah kyak ci.

HOSEA 11:1

Bawipa naw pyen ci, “Israel cu a hmaw sangung kei naw ka m’hni ci. Ka hta ah tha ne Egypt khaw ah ka, ka khü law ba ci.

TAIGÜTHUM 25:38

Shin cu Bawipa nami Khanpughi ah thumkhän ah kyak ci, ani naw Egypt khaw ah ka, ning law püi ba gui ne, Kanaan khaw cu ning pe gui ci, acu ah ani cu nami Khanpughi ah kyak khai.

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

PHYAWN NAK 19:10

Bawipa naw Moses am, “Hteit ne chang gui am m’thein gui ä, Kei na khawihnah khai gui ah kyasei, tuh ngawi la ngawi ung ami ng’gangsei vai, ami suisak ami m’su vai,

TAIGÜTHUM 11:46

Shin cu khisa gui la kha gui ah mawng thukhän, tui ung om ci nü ah mawng, kawng ung hnüntho ci nü ah mawng, thukhän ah kyak ci.

TAIGÜTHUM 19:2

Israel chang gui a pyen nak gui vai ah am thein cu, “Nami theingcim vai, a i ah kyasei ci ung kei, Bawipa, nami na Khanpughi cu ka theingcim ci.

TAIGÜTHUM 22:33

Kei naw Egypt khaw ah ka, ning law püi ba gui ne, nami Khanpughi ah ka kyak ci. Kei cu bawipa nei.”

TAIGÜTHUM 26:45

Ami pupa gui ung thukhän ka bi cu kei naw ka m’thai ba khai, cun cu Egypt khaw ah ka, ka chang gui law püi ba gui ne, pakhui avan am ka huham ka m’dang nak ah kyak ci. Cun ah kyasei, Kei, Bawipa cu ami Khanpughi ah ka kyak ci.

KHEI NAK 15:40

Cheipai cüiche gui naw ka thumkhän avan nami k’pan vai ah ning m’shüm gui khai. Cun ung nangmi cu kei naw akbe ah ka ning khäm gui ah kyak khai.

1 SAMUEL 6:20

Beth Shemesh ah chang gui naw, “Theing cim ciah Khanpughi, Bawipa ah ma ah a u ng’düi hning khai ang? Mikmi ungka naw ani a hei ah hteit khai ah a hawi mi tüi khai ang?” cik ci.

PHYAWN NAK 19:6

Kei bäng ung ng’ap ciah nami kyak khai. Nangmi cu taigü ah kya ne ka khuut nami bik khai” cik ci.

PHYAWN NAK 22:30

Nami sei me ah hta htük gui cu nami na ap vai. Sei me ah hta htük gui cu ani ung hnüüp chih om khäta, a hnüüp cheit hnüüp kei am nami na thak law vai.

TAIGÜTHUM 19:36

Düng ciah nüt nak, düng ciah khiin nak, düng ciah nän nak cu nami mang vai. Kei cu Bawipa nami na Khanpughi nei. Kei naw Egypt khaw ah kaa ka ning law püi ba gui ci.

TAIGÜTHUM 20:7

Nami mät naw nami mät nami theingcim sak vai, a i ah kyasei ci ung kei cu Bawipa nami na Khanpughi ah kyak ci.

JOSHUA 24:19

Joshua naw chang gui am, “Cun ung phi nangmi cu Bawipa ah bii bi vai ah kä nami khin khaa ci nei. Ani cu theingciim ciah Khanpughi ah kya ne, nangmi ah hmakat nak cu kä ning m’geinsei gui khai. Ani naw ng’kükneet püi ci a u phi kä m’gein ci,

1 SAMUEL 2:2

“Bawipa ah mäih ah theingcim ci, a u kä om ci nei, Mi Khanpughi ah mäih ah shungvong ci, a u kä om ci.