TAIGÜTHUM 11:44 - Cho Bible Common Language 2016

⁴⁴ Kei cu Bawipa nami na Khanpughi ah kyak ci, nangmi cu nami theingcim vai, a i ah kyasei ci ung kei cu ka theingcim ci.

TAIGÜTHUM 11:44 Referans Kwoze

PHYAWN NAK 20:2

“Kei cu Bawipa, nami Khanpughi, changshäm ah nam kyak nak ah Egypt khaw ungka, ka ning law püi ba gui ciah ka kyak ci.

TAIGÜTHUM 19:2

Israel chang gui a pyen nak gui vai ah am thein cu, “Nami theingcim vai, a i ah kyasei ci ung kei, Bawipa, nami na Khanpughi cu ka theingcim ci.

TAIGÜTHUM 20:7

Nami mät naw nami mät nami theingcim sak vai, a i ah kyasei ci ung kei cu Bawipa nami na Khanpughi ah kyak ci.

1 THESSALONIAN 4:7

Khanpughi naw m’gukplet humhlam vai ah a na khü gui ah kä kiak ci, ak theingcim ah om vai ah ana khü gui ah kyak ci.

TAIGÜTHUM 20:26

Nangmi nami theingcim vai, kei bäng ung nami ng’khäm vai. A i ah kyasei ci ung kei cu Bawipa, kei cu ka theingcim ci. Kei naw chang khuihei gui ungka ka ning k’pai gui ci, cun ah kyasei nangmi cu kei bäng ung nami ng’khäm vai.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

TAIGÜTHUM 21:8

Chang gui naw taigü cu theingcim ciah ami k’bäi vai, a i ah kyasei ci ung ani naw ei-douthak nak cu kei am na pek ci, kei cu Bawipa, ka theingcim ci, ka chang gui ka theingcim sak gui ci.

THULÄÄN NAK 14:2

Nangmi cu Bawipa nami Khanpughi naw ning khäm gui ci. Khomdek khan ung om ciah chang avan ungka, nangmi cu amät ah chang ah ning ghü gui ci.

THU PHLAAN 22:11

Akshe bik ciah chang cu akshe bi lä sä, cheishoh ciah chang cu cheishoh lä sä, akni bik ciah chang cu akni bi lä sä, theingciim ciah chang cu theingciim lä sä” cine na kyak nak ci.

SAM 99:9

Bawipa mi Khanpughi cu m’taam vä, Theingcim ciah khomhtung ung khawihnah vä! Bawipa mi Khanpughi cu Theingcim ci nei.

SAM 99:5

Bawipa mi Khanpughi cu m’taam vä; A mang kiang ah pei ah khawihnah vä! Ani theingcim ci nei!

MATTHE 5:48

Khankho ah nami Pa akümbe ah mäih ah nangmi phi nami kümbe vai nei.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

PHYAWN NAK 23:25

Kei, Bawipa, nami Khanpughi cu nami na khawihnah ah a kyak ung tui la ei ka ning m’shumphyuk gui khai, nami natnak avan ka k’täm yawp khai.

PHYAWN NAK 19:6

Kei bäng ung ng’ap ciah nami kyak khai. Nangmi cu taigü ah kya ne ka khuut nami bik khai” cik ci.

ISAIAH 43:3

Kei cu Bawipa nami khanpughi, ning hun gui ciah theing cim ciah Israel khanpughi ah ka kyak ci nei. Nangmi nami luat vai ah Egypt khaw cu kei naw ka m’lungsi khai, Sudan la seba cu kei naw ka m’lungsi khai.

1 SAMUEL 6:20

Beth Shemesh ah chang gui naw, “Theing cim ciah Khanpughi, Bawipa ah ma ah a u ng’düi hning khai ang? Mikmi ungka naw ani a hei ah hteit khai ah a hawi mi tüi khai ang?” cik ci.

TAIGÜTHUM 11:43

Shin ah mäih gui ei aw ne, nami mät naw nami mät kä theingcim khai ah kä nami ci en vai.

PHYAWN NAK 6:7

Nangmi cu ka mät ah chang ah ka ning pyang gui khai, kei cu nangmi ah Khanpughi ah ka kyak khai. Egypt khaw, khleihtein ungka ka ning m’hlawt gui kawn ah, kei cu Bawipa, nami na Khanpughi ah nami hmat khai nei.

AMOS 3:3

Chang hnih cu kä ani ng’ge ung atäng ah ng’gui ne hteit man ni ne ang?

ISAIAH 51:15

“Kei cu Bawipa nami khanpughi nei; Tuinu cu k’hnawk ne, tuinü ng’hnawk ne gaai khai ah ka cik ci. Kei ah ka ming cu m’gäi cia Bawipa nei!

PHYAWN NAK 16:12

Israel gui ah ng’thu m’da cu ka ng’yak ci nei, m’thein gui ä, hni gageim ung ami ei vai meh ghah u ne, khaw ngawi hta ung ami ng’büh nak vai m’htut gah khai gui. Cun kawn ah kei cu Bawipa, ami na Khanpughi ah hmat khai gui, ci nak ci.

PHYAWN NAK 19:10

Bawipa naw Moses am, “Hteit ne chang gui am m’thein gui ä, Kei na khawihnah khai gui ah kyasei, tuh ngawi la ngawi ung ami ng’gangsei vai, ami suisak ami m’su vai,

PHYAWN NAK 22:31

“Nangmi cu ka chang ah nami kyak ci, cun ah kyasei sa lawh ah a meh cu kä nami ei vai. Ui am nami vuh vai.

TAIGÜTHUM 18:2

Israel chang gui am am thein gui vai ah a pyen nak cu, “Kei cu Bawipa nami na Khanpughi nei.

TAIGÜTHUM 19:3

Nangmi a chang sing naw nami nu la nami pa cu nami chang m’sui vai. Kyin hnüüp cu nami k’pan khek vai. Cun cu thumkhän ka ning pek gui ah kyak ci. Kei cu Bawipa nami Khanpughi nei.

KHEI NAK 15:40

Cheipai cüiche gui naw ka thumkhän avan nami k’pan vai ah ning m’shüm gui khai. Cun ung nangmi cu kei naw akbe ah ka ning khäm gui ah kyak khai.

PHYAWN NAK 22:30

Nami sei me ah hta htük gui cu nami na ap vai. Sei me ah hta htük gui cu ani ung hnüüp chih om khäta, a hnüüp cheit hnüüp kei am nami na thak law vai.

TAIGÜTHUM 19:4

“Kei kä nami na nawng vai, a gup kä nami khawihnah vai, m’sii cu Khanpughi ah a gup ah pyang ne kä nami khawihnah vai, kei cu Bawipa nami na Khanpughi nei.

TAIGÜTHUM 19:10

Sapyit lo ung nami hmaa shüt ah am theih gui cu ng’hlat ba ne kä nami k’bih ba vai, kiawi ciah am theih gui cu kä nami kaw ba vai, cun gui cu dukhaih ciah chang gui la a khohei chang gui ah phäh ah nami nawng pek gui vai, kei cu Bawipa nami na Khanpughi nei.

JOSHUA 24:19

Joshua naw chang gui am, “Cun ung phi nangmi cu Bawipa ah bii bi vai ah kä nami khin khaa ci nei. Ani cu theingciim ciah Khanpughi ah kya ne, nangmi ah hmakat nak cu kä ning m’geinsei gui khai. Ani naw ng’kükneet püi ci a u phi kä m’gein ci,

1 SAMUEL 2:2

“Bawipa ah mäih ah theingcim ci, a u kä om ci nei, Mi Khanpughi ah mäih ah shungvong ci, a u kä om ci.