TAIGÜTHUM 11:42 - Cho Bible Common Language 2016

⁴² Cun gui cu ng’vaak ciah phi kyak khai, a khaw phli awn hteit ciah phi kyak khai, a khaw akda awn hteit ciah phi kyak khai.

TAIGÜTHUM 11:42 Referans Kwoze

TITUS 1:12

Cretan chang ami mät ah profet tumat naw, “Cretan chang gui cu angtäi sei hleeihlak ci gui, ngetngawng m’ghämce ci gui, damduh ci gui,” nei cine pyein ci. Cun ah kyasei ak ghaat ah nami m’cäi gui vai, cun ung ami yum nak khänghtek lawk khai.

2 KORIN 11:13

Cun ah chang gui cu ang düihpüi akcang ah kä kyak ci gui, ng’hlukhlei ci gui ah kyak ci; Bawi Khrih ah ng’düihpüi akcang ah ng’hlawk u ne, hleeihlak ne bilo ci gui ah kyak ci.

2 KORIN 11:3

Eve cu k’phyu naw theileh ne am hleeihlak ah mäih ah — nami m’lung cu ng’gogan sei, Bawi Khrih yum ne nami ap nak ang chei vai ah kan ng’ä ci.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

MATTHE 23:23

“Thuvi ciah pharisee gui la thukhän saya gui, nangmi ung thüisei nak om ci. Nangmi cu m’lui, k’bei, an mai nüng bum gha bum ät nami peit ung phi, taga nak, m’gein nak, düngnak gui ah thukhän ung küikyang pi ci gui cu nami nawng ci. Nangmi naw bum gha bum ät phi pe khenggeng ne thukhän phi nami läk vai.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

MIKHAH 7:17

Ngami cu k’phyu ah mäih ah m’vut ung ng’yawi u ne, ami yai nak ungka lawk khai gui, ng’thüng ne kyik khai gui, ngami cu kyikyawk u ne Bawipa ami Khanpughi ah ng’hlat khai gui nei.

ISAIAH 65:25

Hnei la htome gui ei vun ne ei khai gui; Seipat ah aräih ah phongkawng naw m’gahw ei khai, k’phyn ung am äm kä om ba khai. Kei ah theingcim ciah Zion m’htung khan ah, nat nak la shetkat nak ai phi kä om ba khai.”

ATÜNNAK 1:20

Cun kawn ah Khanpughi naw, “Tuinu tui ung om ciah akghing gui om u sä, khankho häu ung kha gui cu yong u sä” cik ci.

TAIGÜTHUM 11:41

M’dek ung hnüntho ciah khisa aläm hta gui cu kä nami ei vai.

TAIGÜTHUM 11:43

Shin ah mäih gui ei aw ne, nami mät naw nami mät kä theingcim khai ah kä nami ci en vai.