TAIGÜTHUM 11:32 - Cho Bible Common Language 2016

³² Acun ah aksi gui ah pumsa naw a kyak shi phi kä theingcim ci. Shin ah thungyo naw am dang cu sing, suisak, savun, samu ah khan ah a kyak shi ung phi, kä mang düt vai, cun cu tui ung hnawm vai. Cun ung phi cun cu mühun güt ung kä theingcim ci.

TAIGÜTHUM 11:32 Referans Kwoze

TAIGÜTHUM 15:12

Cun ah chang naw a tawn ah m’dek am phung cu m’sheiuh vai, a tawn ah sing k’bei phung cu m’si ba ge vai.

TITUS 3:5

mikmi cu hun nak mi gah ci. Cun cu mikmi naw mi bi ah nikiom nak awn nah kä kyak ci, ak thai ah ng’tüi nak la tui hnim nak awn ghin nak thai nak pe gui ciah Mumcha Theing ung amät ah chihna nak awn ana hun gui ah kyak ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

TAIGÜTHUM 6:28

A sa shon nak ah m’dek am phung cu, sheiuh vai, m’sii k’am ah a kyak ung tui awn k’tuh ne m’si ba vai.

TAIGÜTHUM 11:31

A cun gui la acun gui aksi ah pumsa tawn ciah chang phung cu khaw mühun güt ung kä theingcim ci.

TAIGÜTHUM 14:46

Cun ah im khai yah ung lut ciah chang phung cu, khaw mühun güt ung kä theingthap ciah kyak ci.

TAIGÜTHUM 15:15

Taigü naw tumat cu katphyawn douthak nak, tumat cu m’khih ne douthak nak ah a douthak vai. Ani naw chang ah ng’gängsei nak vai cu shikcha ah a bi vai.

TAIGÜTHUM 16:26

Bung hmu Azazela ah om nak ah me k’täm ciah chang cu shaum pigaw ah kä a law ba pha ung, asui am su vai, tui angsi vai.

TAIGÜTHUM 17:15

A u phi, Israel chang, kä cung khuihei chang; amät sik ciah asa, kä cung a i naw bawh a lawh ah asa, ei ciah chang phung naw, a suisak am su vai, tui angsi vai, ani kä a theingthap ba pha ah chuih, mühun güt ung a güin vai.

TAIGÜTHUM 22:6

a u taigü phi kä a theingthap kawn ung, mühun güt kä theingthap ci. Ani cu tui kä angsi ba pha ah chuih api ah phi theing ciah douthak cu kä ah ei en vai.

KHEI NAK 19:7

Cun kawn ah ani naw asui cu amsu vai. Apum tui awn a shawi vai. Cun kawn ah shaum ung lut ba hning ci. Cun ung phi ani cu khaw mühun güt kä theingthap ci.

KHEI NAK 19:15

Shaum kyong ah om ciah a khüm kä om ciah hlüng k’am päng cu kä theingthap ci.