Biblia Todo Logo
Bib sou entènèt

- Piblisite -




TAIGÜTHUM 11:24 - Cho Bible Common Language 2016

24-28 Aka ungka ah khisa gui ah sik ciah pumsa tawn ciah chang phung cu, khaw mühun güt sei kä theingcim ci. A khawpaw mah gui avan, cun ung phi a khawpaw kä ng’kye ci gui la ei kä m’däuh ci gui cu nawng ne, phli khaw nak ciah apha mah gui avan ah kyak ci. Acun gui ah aksi pumsa phui ci phung naw asuisak am su ba ge vai, cun ung phi ani cu khaw mühun güt ung kä theingcim ci.

Gade chapit la Kopi




TAIGÜTHUM 11:24
36 Referans Kwoze  

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.


Akda vei lut khai ah a kyak vai sü ung Khanpughi naw kho akhan atüi pyan ung tün ne akda vei sih nak aut khai sü ah kyak ci. Tuhbäi kho a khüt law vai khin ung ang bäng ge ah hnü ät kium law ne, a hnun gui pe ne, cheishoh nak cu nawtpet yawp pyii ci.


Nangmi cu Bawi Khrit ung nami sih nak awn kho ak kaa ah om ciah mumcha ah uknak ungka nami phyawng pyi ci nei. A i ah kya sei khomdek khan cu khäm ne nami om ba hlü ang? A i ah kyasei,


Hnüp khui ung om ciah chang gui ah bi, kä ak ni gui cu, kä nami bi en tu vai, cun gui cu nami dang sak vai nei.


Cun ah kyasei Bawipa naw; “Ngami cu nawng shüt gui ne, ngami awn ng’cha ne nami om vai. Kä theingcim cicu kut awn phi kä nami tawk en vai, cun ung ka ning dou gui khai.


Ang lih lat ah kä ngai en vä. “Ang khawt püi a shet ung chang k’ni shek ci.”


Uktu m’gäi ciah Bawipa amät naw kei na ng’thu püi ne a pyen cu, “Shin ah akshe ah phäh ah ngami ami ghin ah chuih kä m’geinsei gui vai nei. Kei, m’gäi ciah uktu Bawipa naw ka pyen nei.”


A cun gui la acun gui aksi ah pumsa tawn ciah chang phung cu khaw mühun güt ung kä theingcim ci.


Cun ah khisa gui cu kä nami ei vai. Sik ciah a pumsa phi kä nami tawn vai, cun cu kä theingcim ci.


Cun ung phi ang phia om ciah khamkhaw ak yaw hta gui la ng’vaak ci gui avan cu kä theingcim ci.


“Aaron ah hta ng’shon a u phi kheilei ung gaw ci, käcung, khei nak om ciah chang cu kä a theingthap ba pha ah chuih theingthap ciah douthak cu kä a ei en tu vai. Taigü phung naw shin ah kä theingthap ci gui, a tawn ah a kyak ung ani cu kä theingthap ci, kä theingthap ciah sih gook, bilawh nak, a patui lut lawk ciah pami,


Chang tumat naw kä ngaih-tüh ah kä theingcim ciah khisa aksi a tawn ah a kyak ung, ani cu kä theingcim ciah kyak ci, cun bik ciah a hmat vai am ani cu cheishoh ciah kyak ci.


A cun ah mäih ah chang tumat naw kä theingcim ci a tawn kawn ah cun ah douthak ah sa a ei ah a kyak ung, chang ungka ah a kyak ung phi, sei ungka ah a kyak ung phi, ani cu Khanpughi ah chang ah kä kya ba khai.


Cun ah im khai yah ung lut ciah chang phung cu, khaw mühun güt ung kä theingthap ciah kyak ci.


Ani ah a ih nak tawn ci phung, kä cung


ani ah ngoh nak ung ngok ci phung naw a suisak, am su ge vai, tui angsi vai, ani cu khaw mühun güt ung kä theingthap ciah kyak ci.


Kheihnai ciah chang tawn ci phung naw a suisak, am su vai, tui angsi vai, ani cu khaw mühun güt ung kä theingthap ciah kyak ci.


Theingthap ciah chang cu kheihnai ciah m’shitui naw ang peh ah a kyak ung, cun ah chang cu asui am su vai, tui angsi vai, ani cu khaw mühun güt ung kä theingthap ciah kyak ci.


Cun ah chang ah ngoh om nak a i phi tawn ciah chang phung cu khaw mühun güt ung ka theingthap ci. Cun ah chang ah ngoh om nak sochang ciah chang phung naw, asui am su vai, tui angsi vai, ani cu khaw mühun güt ung kä theingthap ciah kyak ci.


Kheihnai ciah chang naw a kut kä m’si ah a hei chang tumat a tawn ah a kyak ung, a tawn ah chang naw asui am su vai, tui angsi vai, ani cu khaw mühun güt ung kä theingthap ciah kyak ci.


Taigü naw tumat cu katphyawn douthak nak, tumat cu m’khih ne douthak nak ah a douthak vai. Ani naw chang ah ng’gängsei nak vai cu shikcha ah a bi vai.


Ani ah ngoh nak, ani ah ih nak tawn ciah chang phung naw, a suisak am su vai, tui angsi vai, ani cu khaw mühun güt ung kä theingthap ciah kyak ci.


Cun ah hnumi tawn ciah chang phung cu kä theingthap ci, ani cu asui am su vai, tui angsi vai, ani cu khaw mühun güt ung kä theingthap ciah kyak ci.


Bung hmu Azazela ah om nak ah me k’täm ciah chang cu shaum pigaw ah kä a law ba pha ung, asui am su vai, tui angsi vai.


Cun m’khih ciah chang cu shaum pigaw ah kyong ah kä a law ba pha ung, asui am su vai, tui angsi vai.


kä theingthap ciah khisa baw, chang baw, ngawn ah a kyak ung,


a u taigü phi kä a theingthap kawn ung, mühun güt kä theingthap ci. Ani cu tui kä angsi ba pha ah chuih api ah phi theing ciah douthak cu kä ah ei en vai.


Cun kawn ah ani naw asui cu amsu vai. Apum tui awn a shawi vai. Cun kawn ah shaum ung lut ba hning ci. Cun ung phi ani cu khaw mühun güt kä theingthap ci.


Swiv nou:

Piblisite


Piblisite