Cun gui cu ei awk la theingcim nak a hlü hlü bilawh nak gui ung phung ci. Shin gui cu ak pung lam m’hnütbäi nak gui ah kya ne, Khanpughi naw khokthai a pyan nak kä phaa sei ng’pyi khai gui.
Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.
Mang im ungka ei ei ne sapyit tui awk nak awn kä theingthap nak ung kä gawk vai ah Daniela naw amlung pyang pyi ci. Cun ah kyasei ani naw, Ashpenaz naw am thei thang tu vai ah k’thäh ci.
Cun ung phi kei naw m’shang ne “ka nei, uktu Bawipa aw! Kei naw ka mät ai yah ung phi kä ka le lawi sak man ci ne! Kei ka hmaw yah ge ung amät sik ciah khisa la sah nget naw a lawh ah sa cu kä ka ei man ci nei. Kä theing ciah ngaih phung cu kä ka ei man ci nei” ka cik ci.
Cun ungka ei phung cu ei vai kyak ci, cun ung phi cun ah k’am ungka ah tui naw alon phung cu kä theingcim ci. Cun ah k’am ungka awk vai phung cu kä theingcim ci.