TAIGÜTHUM 10:9 - Cho Bible Common Language 2016

⁹ “Nang la na hta gui cu yu baw, beer baw nami awk phung ung kei ah om nak ah Phung ung kä nami valuh en vai, nami luh ung nami sik khai. Shin cu nami htangshon avan naw nami k’pan vai ah thukhän nei.

TAIGÜTHUM 10:9 Referans Kwoze

LUKA 1:15

Ani cu Khanpughi lam ah chang m’gäi ah kya ci. Awktat man phung kä ei awk khai, anu puk ge ung Mumcha Theing awn kümbe khai.

1 TIMOTHI 3:3

Ani cu yu kä aw ne, ng’tuk vook kä lup ne, ng’awi gi ne, dimeih nak ng’yak hlük ciah chang ah kyak khai: ngui m’hni aih ciah chang ah kä kya khai;

TITUS 1:7

Khritha k’tahnga cu Khanpughi ah khuut kutshum ne bik ciah kyasei m’kat vai kä om-en ciah chang ah kyak khai. Ani cu m’ghämce ci, m’lungshe ci, awktat ci, ng’tuk ghüh ci, ngui ng’ya hlü aih ciah kä kia-en khai.

EPHESIAN 5:18

Ning m’gämce sak gui khai ah yu cu kä nami awktat vai, Mumcha awn nami kümbe vai nei.

EZEKIEL 44:21

Taigü gui naw cham ah kyong ah kä ami hteh pha ung api ah phi wine ka ami awk vai.

ISAIAH 28:7

Prophet gui la taigü gui pui cu awktat u ne kyu shüi shüi ci gui. Ngami cu sapyit tui akda la awktat vai gui akda aw aih u neta gawk vaak kiungtäng ci gui. Prophet gui cu aw aih u neta khanpughi naw ak chaak law gui ah muimang cu kä hmat ci gui, taigü gui phi aw aih u neta, ami law püi ah amawngma gui cu kä phupit kaih yawih hlawt ci gui.

1 TIMOTHI 3:8

Krithabum ung bik’bi gui cun phi, ami om ih ni ne, ami m’lung ngaih ng’ciim ciah kyak khai. Ngah mi cu kä khleei ne, kä ei awk tat ne, ngui kä ng’ya hlü aih ciah kyak khai gui.

KHEI NAK 6:3

sapyit tui la yu cu a hlawi vai. Ani naw suing thein awn pyan ah awk man phung cu kä a awk vai, sapyit theih ak ket ak ching a i phi kä a ei vai.

1 TIMOTHI 5:23

Nang cu a shäng shäng na gawpyam thei ci kyasei, tui bäng kä aw ne, na theek nak vai ah sapyit tui phi na awk vai nei.

HOSEA 4:11

Bawipa naw pyen ci, “Yu phyim la yu k’thai ami awk naw kei ah ka chang gui ah cüivai nak cu gut gui ci nei!

NG'THU K'THUUK~ 20:1

Yu akda awk cu pyam nak la gu nak ah kyak ci. Awktat cicu gu taak ci.

KHEI NAK 6:20

Cun tawi ne taigü naw cun gui cu aktung ah m’cümhnah ah Bawipa am a peik vai. Cun gui cu taigü ah hmawk ah theingthap ciah douthak ah kyak ci. Cun kawn ah hlü ba ciah meh ah ang kyang la a khaw gui cun phi thukhän thung ah taigü ah khäm ah kyak ci. Cun kawn ah Nazirit naw sapyit tui cu aw hning ci.

TAIGÜTHUM 3:17

Athau la asi cu a u Israel chang naw phi kä a ei en vai. Cun cu Israel chang phung naw ami om nak päng ah angtäi sei ami k’pan vai ah thungyo ah kyak ci.

TAIGÜTHUM 10:8

Bawipa naw Aaron am,

PHYAWN NAK 27:21

Aaron la a hta gui naw kei ah om nak ah phung ah kyong ah mei im ami m’däi vai, cun cu yihdung ah akpung, Thukhän M’küm ah a ma ah kyak ci. Acun ah kei ah ma ah mühun ung tün ne khaw ngawi ung khüt sei, ami m’däi vai nei. Shin ah thumkhän cu Israel gui la ami hta ng’shon gui naw ngawiyä ami läk vai ah kyak ci nei.