TAIGÜTHUM 10:6 - Cho Bible Common Language 2016

⁶ Cun kawn ah Moses naw Aaron la a hta goi Eleazar la Ithamar am, “Nani lu kä huih ne kä nani om en vai, nani thüisei ciah mäih ah nani sui kä nani k’teh en vai. Cun ah nani bi ung nani sik khai, chang van ah khan ah Bawipa cu m’lungshe khai. Cun ung phi nami Israel chang gui ami van cu Bawipa naw a yuk chah law ah mei awn sik ciah phäh ah ami kyah vai nei.

TAIGÜTHUM 10:6 Referans Kwoze

JOSHUA 22:18

Tuhbäi nangmi ani läk vai ah nami mak khai ma? Tuhngawi nangmi naw Bawipa nami hnungtuk ciah a kyak ung, ngawi ung ani naw Israel chang päng ah khan ah m’lungshe khai nei.

JOSHUA 7:1

Bawipa naw Israel ang thumkhän ah, Jerikho ungka api phi a i phi kä lak vai, m’di m’shum yawp vai, cicu kä läk ci om ci. Achan ming nak ciah chang naw cun ah thukbäi cu kä läk ci. Cun ah kyasei Bawipa cu Israel gui ah khan ah m’lungshe ci. (Achan cu Karmi ah hta, Zabdi ah tu, Zerah pahta, Judah pakhui ah kyak ci.)

KHEI NAK 16:22

Cun ung phi Moses la Aaron naw ani hmai m’dek ung tawn khai ah ng’boop ni neta, “O Khanpughi, nang cu ghin nak avan ah a phung ah na kyak ci, chang tumat akat ung chang bum van ah khan ah na m’lungshe ne ma?” cik ci goi.

KHEI NAK 1:53

Cun ung phi Levit gui naw cun ah Phung koi ne, shaum pigaw co ne ngäng khai gui. Cun ah kyasei acun ah pei ah a u kä ng’et lawk khai. Israel changbum ah khan ah kei ah m’lungshe nak cu, a u naw kä khan khai.”

2 SAMUEL 24:1

Bawipa cu Israel gui ah khan ah m’lungshe ba mä ci, ani naw David cu, ami khan ah yaica nak abi vai ah bik ci. Bawipa naw ani am, “Hteit ne Israel gui la Judah chang gui cu khei gui ä” cik ci.

JOSHUA 22:20

M’didap vai ah khawh gui ah mawng ung Zerah ah hta Akhan naw thumkhän kä a ngaih cu nami shüm ba vai. Acun ah phäh ah Israel chang bum avan cu m’kuk nak gah ci. Akatnak ah phäh ah Akhan amät bäng sik ciah kä kyak ci nei” cik ci gui.

TAIGÜTHUM 13:45

Kheilei ung gaw ciah chang naw sui kheei a sui vai, alu kä a huih vai, a hmai ak ka lam a uk vai, “Kä theingthap ci, kä theingthap ci” cine am lau vai.

KHEI NAK 18:5

Nang la na hta gui bäng naw Atheing Hmun ung la sonkiang ung kümbe khai ah nami bi vai. Cun ung kei ah m’lungshe nak naw Israel chang gui cu phyak ne kä hnungtuk püi ba gui khai.

MIKHAH 1:16

Judah chang gui, nami m’hni ah nami hta gui ah hmawk ah nami thüi nak ah nami lu k’plut vä. Nami hta gui cu omktu khaw ah hteh püi gui khai gui kyasei langta ah mäih ah nami lu plut vä.

JEREMIAH 7:29

“Jerusalem chang gui thüi kyap vä; Nami lu k’tei u ne a hei ah ghawt vä, m’htung lai ah gook kyah ng’äi mi cu vä, a i ah kyasei ci ung kei, Bawipa cu m’lungshe ne, ka chang gui ka hnungtuk gui ci nei.

JOSHUA 7:11

Israel gui hmakak ci gui nei! Kei awn ami yum ghawm ah, ami k’pan vai ah kei ah thukbäi cu plawh pyi ci gui nei. M “dimshum vai ah phyuntam ah khawh amshah cu lak ci gui nei. Ngami cu m’gu u ne, acun ah mawng ung hleei u neta ami mät ah khawh ah tha ci gui nei.

THULÄÄN NAK 33:9

Ngami naw ami pupa, phäi nau, hta nau gui ah ta, dämduh pi ciah bekhüt nak cu nang ung m’dang ci gui. Ngami naw nang thumkhän gui cu läk ci gui. Nang ah thukhän ung bekhüt ci gui.

KHEI NAK 14:6

Nun ah hta Joshua la Jephunneh ah hta Kaleb sübük hnih cu thüisei ne ani sui k’teek ni neta,

KHEI NAK 5:18

Ani naw hnumi ah lusam cu maih sak neta, douthak vai ah m’htut den cu, hnumi ah kut ung a tha vai. Plah tam nak ah tui kha awn be ciah k’am cu taigü naw a kut ung a kawh vai.

PHYAWN NAK 33:5

Moses naw chang gui am’thein gui vai ah Bawipa ah thumkhän cu, “Nangmi cu m’lung liing chang ah nami kyak ci. Kei cu nangmi awn a täng ah a shäng hta ka hteh ung phi, ka ning m’di gui yawp khai kyak ci. Tuhbäi nami ghui lung gui cu suut vä, cun kawn ah nangmi ah khan ah a i ka bi vai cu kei naw ka k’bäi khai” cik ci.

PHYAWN NAK 6:23

Aaron naw Amminadab ah hta, Nashon ah be, Eisheba cu chu nak ci; ani cu Nadab, Abihu, Eleazar la Ithamar ah hta ci.

KHEI NAK 20:25

Aaron la a hta Eleazar cu Hor M’htung ah hteh püi goi ä,

EZRA 7:5

Bukki cu Abishua ah hta, Abishua cu Phmehas ah hta, Phinehas cu Eleazar ah hta Elesyar cu Aaron ah hta ah kyak ci.