TAIGÜTHUM 10:3 - Cho Bible Common Language 2016

³ Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

TAIGÜTHUM 10:3 Referans Kwoze

PHYAWN NAK 19:22

Taigü gui phi ka pei ah ami law vai ung ami theingciim vai nei, kä cun ung ka m’kyuk gui khai nei cik ci.

ISAIAH 49:3

Ani naw pyen nak cu, “Israel, nang cu ka ning changshäm nei; nang ah hmawk ah chang gui naw kei cu na m’tam khai gui.”

TAIGÜTHUM 21:6

Ani cu a theingcim vai, kei ah ka ming ung kä a thüisei vai. Ani naw ei-douthak nak cu kei ung ana douthak vai, ani cu a theingcim vai.

KHEI NAK 20:12

Cun ung phi Bawipa naw Moses la Aaron cu k’ceet goi ci. Ani naw, “Israel chang gui ah ma ah theingcim ciah ka huham ng’dang khai ah nami bi nak hning yumnak nangmi ung kä om ci, kei naw ka pek gui vai ah shai ka tak ah khaw ung gawk khai ah nangmi naw lam kä nami shüm hning khai,” cik ci.

1 SAMUEL 2:30

Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

THULÄÄN NAK 32:51

A i ah kyasei ci ung nangni nani nik hnih cu Israel chang gui ah om nak ung kei ung kä nani bekhüt ci. Nangni cu Zin bungpuk, Kadesh gawnu pei ah Meribah tuikem ung, chang gui ah ma ah nangi naw kei nani nak shekha nak ci.

ISAIAH 52:11

Taigüim ung ka, khawh gui kawt chang ci gui nami van, Babilon ung ka ang ghit ah hteit vä! Hlawi zeeih phungcu kä nami tawn en vai nei; Nami mät theing cim sak neta hteit vä!

SAM 89:7

Theingcim ci gui ah kongsi ung nang cu kyih aa vai ah na kyak ci, ngami ami van ah ka ah ng’düi ci gui.

1 SAMUEL 6:20

Beth Shemesh ah chang gui naw, “Theing cim ciah Khanpughi, Bawipa ah ma ah a u ng’düi hning khai ang? Mikmi ungka naw ani a hei ah hteit khai ah a hawi mi tüi khai ang?” cik ci.

TAIGÜTHUM 21:21

Aaron ah htangshon taigü cu, a pumsa ung kä küm ci a om ah a kyak ung, acun naw ei-douthak nak cu kei am kä ana douthak en law vai.

TAIGÜTHUM 8:35

Nangmi cu Phung ung valuh nak ah m’kawt ung amü, a hnüüp, khaw hnüüp chih ung nami om vai, Bawipa ah thumkhän cu nami bi vai. Kä nami bi ung nami sik khai. Shin cu Bawipa naw thumkhän ana pek ah kyak ci.

EZEKIEL 20:41

Kei naw nami püipiang nak ah khopäng gui ungka ning law püi ba gui ne atäng ah ka ning k’bum law ba gui ung, kei naw nami m’khih ah khawihnah nak cu ka ning dou pe gui khai, changpakhui gui naw kei ka Theingcim cu hmuk khai gui.

TAIGÜTHUM 22:9

“Taigü gui ami van naw kei ah ka pek ah thungyo gui cu ami ngaih nak vai. Kä cung ngami cu cheishoh ne sik khai gui, a i ah kyasei ci ung ngami naw theing ciah thungyo kä ami läk ah phä ah ah kyak ci. Kei cu Bawipa nei, kei naw ka theingcim sak ci nei.

TAIGÜTHUM 21:17

Aaron am a pyen nak cu, “Nang ah na htangshon ungka a pumsa kä küm ci phung naw ei-douthak nak cu kei am kä ana douthak en law vai. Cun cu ngawi yä a cun ah kyak khai.

TAIGÜTHUM 21:15

Kä cun ung theingthap khai ah a hta nau gui cu kä theingthap ciah kya lawk khai gui. Kei cu Bawipa ah kya ne, kei naw ani cu khei ne taigütung ah ka m’düih ci.”

TAIGÜTHUM 21:8

Chang gui naw taigü cu theingcim ciah ami k’bäi vai, a i ah kyasei ci ung ani naw ei-douthak nak cu kei am na pek ci, kei cu Bawipa, ka theingcim ci, ka chang gui ka theingcim sak gui ci.

EZEKIEL 42:13

Cun ah chang naw na pyen nak ci, “Shin ah im goi cu Theingcim ci. A shin goi ah kyong ah Bawipa ah ma ah va lut ciah taigü gui naw aktheing pibäih ah douthak nak cu ei ci gui. Cun gui cu htang-douthak, katnak ah phäh ah douthak ah khawihnah nak la thungnak-douthak nak gui ah kyak ci.

SAM 39:9

Kei cu adüm ah ka om khai, m’kha ät ah phi kä ka ng’thu khai, a cun ah ka om vai cu nang ah bi ah kyak ci nei.

1 PETER 4:17

M’khoichaa nak ah a khin cu gawk law pyi ci nei, Khanpughi amät ah chang gui cu m’khoichaa nak gah ma khai gui nei. Cun cu mikmi ung a tün ah a kyak ung, Khanpughi ah Thu Ni kä yum ciah chang gui ah khan ah akhüt ung a i cha ah kyak khai ang?

MATTHE 10:37

‘Kei ah mä, anu apa m’hni pi ciah chang cu kei ah düihpüi ah kä kya hlawt khai. Kei ah mä, a hta m’hni pi ciah chang cu, kei ah düihpüi ah kä kya hlawt khai.

JOB 2:10

Job naw mshang ci, “Nang akholä ah na ng’thu ci! Khanpughi naw akni ana pek gui ung yei ne mi dou ci, ani naw khuikha nak ana pek law ung mä a i hawkcha ah maa thei vai ang? A i chü ah akhuikha ung phi Joba naw Khanpughi ka hnungtuk ci.

JOHAN 12:28

Cun ung phi kei cu shin ah caiya nak ah a khin cu ka aut khai ah ka lawk ci nei. O Kapa, Na ming theing ung na bämang nak dang sak ä” cine kyak ci. Acun vai-am Khankho ah kaa thang lawk ciah k’aw naw, “Kei naw ka ming theing ah bämang nak cu kang dang sak pyi ci nei, cun kawn ah phi ka dang sak ba khai nei” cine pyein ci.

1 SAMUEL 3:18

Cun ah kyasei Samuel naw a päng m’thein ci; a i hta phi kä m’zih ci. Eli naw, “Ani cu Bawipa nei; ani ung om ciah aknipi phung cu ani naw bik khai nei” cik ci.

PHYAWN NAK 14:4

Kei naw ani ka ling sak khai, ghangpughang la a gakap gui ah khan ah ka näng nak naw na m’taam khai. Cun ung Egypt chang gui naw kei cu Bawipa ah na hmat khai gui” ci sei, a pyen nak gui ah mäih ah Israel gui naw bik ci gui.

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

2 THESSALONIAN 1:10

Cun gui cu ak chang gui ah m’hlüngtai nak la yum ciah chang gui ah m’tamkhah nak gah khai ah a kyum law nak ah kho Hnüüp ung ah kiak khai. Nangmi cun phi keimi ah ning m’thein gui ah ng’thu nami yum ci kyasei, cun ah Hnüüp ung Bawipa cu nami m’hlüngtai m’tamkhah tuk khai.

JOHAN 14:13

Cun ah däm pi ci phi bi hlawt khai, a i ah kyasei ci ung: kei cu Kapa ah om nak ah hteit netah, nangmi naw kei ah ming awn nami taigü phung cu, ka bik khai nei. Cun cu Khanpughi ah bämang nak A Htapa ung ang dang vai hmawk ah kyak ci.

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

ISAIAH 39:8

Ghangpughang Hezekiah naw ani ah ghin sang ung dimdeeih nak la ngaih gep nak om khai ciah ngai neta, ani “Bawipa ung ka ng’thu na na pek law cu nik ci nei” cik ci.

PHYAWN NAK 14:17

Kei naw Egypt chang gui cu akcang ah ka ling sak gui khai, ngami naw ning läk law gui khai gui. Ghangpughang, a gakap gui, yatha gui la ng’cum ci gui ah khan ah ka näng nak awn m’taam nak ka gah khai nei.

PHYAWN NAK 30:30

Cun kawn ah Aaron la a hta gui cu, phyutheh gui ne taigü ah kya ne ka khuut bik khai gui ah phyisä gui ä.

KHEI NAK 16:5

Cun kawn ah Korah la a hnu ah läk ci gui am pyen na gui ci. “Ngawi ung khaw ngawi Bawipa naw na m’hnuh gui khai. A u cu ak chang ah kyak ciah mawng; a chang ah kyak cicu ani naw m’dang khai. Cun cu ani naw a ghü ah kyak khai, ani cu sonkiang ung et sak khai.

SAM 148:14

Ani naw a pakhui cu khüighat sak ci, Cun ah kyasei ak chang avan naw m’tam ci gui. Israel chang gui naw ani cu m’hni aih ci gui. Haleluyah!

EZEKIEL 38:16

Nang naw ka chang gui Israel gui cu püikhokhi ne khaw ung anglam ah mäih ah na tu lawk khai. Cun khin a gawk law ung, kei a u cicu changpakhui gui am m’dang nak vai la nang ung ka bi awn kei ah ka theingcim nak cu m’dang nak vai ah, kei naw nang cu ka khaw na tuk khai ah ka ning tüi khai.

EZEKIEL 40:46

a siiptäng ah mang ciah akhan cu sonkiang ung bi bik ci gui ah taigü gui ah phäh ah kyak ci. Taigü gui ami van cu Zadok ah ng’shon gui ah kyak ci; Levi pakhui ungka cu ngami bäng ah kyak ci, ngami cu Bawipa ah ma ung hteit ne abii bik khai ah ami k’bäi gui ah kyak ci.

PHYAWN NAK 19:24

Bawipa naw, “Yu hteit ba ne Aaron cu khah law püi ä, cung phi taigü gui la chang gui naw, ng’gii phlän ne kei ah kä ami kai en law vai nei. Kä cung kei naw ka m’kyuk gui khai nei” cik ci.

SAM 39:10

Cun kawn ah kä na m’kat en ba ä! Na na tukthah ah hmawk ah ka si lawk khai kyak ci nei.

SAM 93:5

Bawipa, na thumkhän gui cu angtäi ah om ne, na Taigüim cu akcang ah theing cim lä ci nei.