TAIGÜTHUM 10:2 - Cho Bible Common Language 2016

² Ang ghit ah Bawipa naw mei yuk chah law sei, acun naw Bawipa ah ma ge ung sik khai goi ah k’ui goi ci.

TAIGÜTHUM 10:2 Referans Kwoze

KHEI NAK 26:61

Nadab la Abihu cu Bawipa am kä theingcim ciah mei douthak ni neta sik ci goi.

KHEI NAK 16:35

Cun kawn ah Bawipa naw mei yuk chah sei, acun däi law ne tui ng’ui pek ciah chang 250 cu ui gui ci.

TAIGÜTHUM 9:24

Ang ghit ah Bawipa naw mei yuk chah sei, acun naw sonkiang khan ungka m’khih ne douthak la a thau gui cu ui yawp ci. Chang gui naw cun cu hmu u neta, ami van m’lau u ne, ami hmai naw m’dek tawn khai ah kawp ci gui.

2 SAMUEL 6:7

A cun vai am Bawipa Khanpughi cu m’lungshe neta, kä ak chang m’sui ah phäh ah m’kyuk sei, Uzzah cu sik ci. Uzzah cu Thukhän M’küm ah pei ah sik ci,

1 KORIN 10:11

Ngahmi ung cun ah a kyak gui cu a hei gui ah ng’shümhmuh nak vai ah kyak ci. Mikmi cu kho ah khüt law nak vai ah khin ung mi ghing om ciah kyasei, ami na khäntam nak gui ah shin gui cu ami guk ah kyak ci.

LAMKTU 5:10

Acun vai am cun ah hnu micu Peter ah khaw pei ah kiuh ne sik ci, Ak hmaw chang gui naw cun ah a sih cu hmuh u ne tah kawt ne hteh püi neh a cei ah pei ah m’cim tuk ci gui.

LAMKTU 5:5

Cun ah ng’thu ang yak vai am Ananias cu, kiuh ne sih seih, acun hmuh ng’yah tuk ciah chang gui cu ang htei ah kyikyawk ci gui,

ISAIAH 30:33

Cau nu ge ung Assirian mang bawi meinu naw a uih nak vai ah hmun cu pyan pyi ah kyak ci. Cun cu thuuk ne, ng’shawng ci, awn ung sing akdäm ah pum ah kyak ci. Bawipa naw akdang ung meimlei m’hluh law ne, acun cu m’khih khai.

1 SHONTÄP NAK 24:2

Adab la Abihu cu ani pa kä a sih pha ung sik ci goi, ngani cu ani hta kä om ci, cun ah kyasei ani nau goi Eleazar la Ithamar cu taigü ah kya ba ci goi.

1 SHONTÄP NAK 15:13

Akhtük ung cun m’kawn nak ung nangmi kä nami om ci, mikmi naw khawihnah nak vai sü ah kä mi khawihnah ah phäh ah Bawipa mi Khanpughi naw ana m’kyuk gui ah kyak ci” cik ci.

1 SHONTÄP NAK 13:10

A cun vai am Bawipa cu Uzzah khan ah m’lungshe neta Thukhän M’küm atawn ah phäh ah ani cu ngawn ci. Ani acun ung Khanpughi ah ma ah sik ci,

2 GHANGPUGHANG GUI 1:12

Elijah naw, “Kei cu Khanpughi ah chang ah ka kyak ung, khankho ah ka mei kya law ne, nang la na chang gui cu ning ngawn gui sä!” cik ci. Acun vai am Khanpughi ah mei kya law ne cun ah bawi la achang gui cu ngawn gui ci.

2 GHANGPUGHANG GUI 1:10

Elijah naw, “Kei cu Khanpughi ah chang ah ka kyak ung, khankho ah ka mei kya law ne, nang la na chang gui cu ning ngawn gui sä!” cik ci. Acun vai am mei kya law ne cun ah bawi la achang gui cu ngawn gui ci.

1 SAMUEL 6:19

Bawipa naw Beth Shemesh ung ka chang chih kip ngawn ci, a i ah kyasei ci ung Thukhän M’küm akyong ami teng ah phäh ah kyak ci. Chang gui cu thüi sei ci gui, a i ah kyasei ci ung Bawipa naw ami ng’lung ah chang khli a ngawn ah phäh ah kyak ci.

KHEI NAK 16:49

Cun ung sik ciah chang avan khei ung 14,700 lawk ci. Korah ah hnungtuk nak ung sik ciah chang gui kä khei tu ah kyak ci.

TAIGÜTHUM 16:1

Aaron ah hta goi ani sih kawn ah Bawipa naw Moses am ng’thu pyen nak ci, ngani cu kä theingcim ciah mei Bawipa am douthak ni khäta, a ngawn goi ah kyak ci.

TAIGÜTHUM 10:5

Ngani naw law ni ne gook gui cu suisak mah ah, Moses naw thumkhän ne a pyen nak goi ah mäih ah Phung ah akpung ah hteh püi ci goi.

PHYAWN NAK 24:1

Bawipa naw Moses am, “Nang, Aaron, Nadab, Abihu la Israel chang pa 70 cu kei ah om nak m’htung ah nami kai law vai, nangmi naw api ang shawng nak ung kawp ne nami khawihnah vai.

1 GHANGPUGHANG GUI 18:38

Bawipa naw mei yuk chah law sei, khawihnah nak ni, sing ni, lung gui ni avan ui ne, m’dek phi ng’khiit ne, m’yawng ung tui phi ket yawp ci.

JOB 1:16

Ani naw ang thu pyen kä a phleh pha ung, ahei changshäm naw law ne, “Ng’kyeek naw deng sei htome gui la htoshäm gui avan si yawp ci gui nei, Kei bäng phyang ne ng’thu ka ning m’thein lawk ci nei” cik ci.

SAM 50:3

Mi Khanpughi kyum lawk ci, kä chawkchek ne kä om ci, a ma ung mei m’lei tawt ne, pui kho khi nu naw kiung ci.

1 GHANGPUGHANG GUI 13:28

ani cu k’se ng’cum ne hteit neta, prophet ah a pum cu lam ung ng’yän sei, a pei ah ng’se om ci, phongkawng phi ng’düi lä sei hmuk ci. Phonkawng naw chang phi kä ei ci, ng’se phi kä lou ci.