TAIGÜTHUM 10:15 - Cho Bible Common Language 2016

¹⁵ Cun ah khin ung ngami naw aphei khaw la amakaw cu ami law püi vai, a thau cu ei-douthak ah Bawipa am pek vai. Shin avan cu Bawipa ah thumkhän ah mäih ah nang la na htanau gui naw ngawiyä nami khäm vai ah kyak ci.

TAIGÜTHUM 10:15 Referans Kwoze

TAIGÜTHUM 7:34

Seime ah amakaw cu aktung m’cümhnah ah, akpat täng a khaw cu aktung pektak ah, Bawipa naw Israel chang gui ah la neta, taigü gui am pe gui ci. Shin cu Israel chang gui naw Taigü gui am lawk ciah akhin päng ung, ami pek vai ah kyak ci.

ATÜNNAK 17:17

Abraham naw a hmai naw m’dek tawn khai ah kawp neta, amlung kyong ah gaih ne, a khawkum phia law pyi ciah chang cu hta ba hning khai aw? Khawkum 90 law pyi ciah Sarah cu hta hning khai aw?” cine amlung kyong ah ngaih-tüh neta;

ATÜNNAK 17:13

Changshäm ah hta la chang hleih phi vun-ah nak nami bi pek vai. Cun cu ka thukhän nangmi ung angtäi ah a om ah mawng pumsa awn m’hnüt nak ah kyak ci.

ATÜNNAK 17:8

Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

ATÜNNAK 13:15

Na hmuh bäät ah khaw avan cu nang la na htangshon am ka ning ap khai nei. Cun cu khawnglän ung na khaw ah kyak khai nei.

PHYAWN NAK 29:27

“Taigü cu phyutheh nak pek ah a kyak ung phyutheh nak ung mang ah ang kyang la ak phleing cu aktung ah m’cümhnah nak ah kei am nami na ap vai. Cun cu tagü gui ah phä ah kyak khai.

TAIGÜTHUM 3:17

Athau la asi cu a u Israel chang naw phi kä a ei en vai. Cun cu Israel chang phung naw ami om nak päng ah angtäi sei ami k’pan vai ah thungyo ah kyak ci.

KHEI NAK 5:9

Israel gui naw aktung ah pektak ah Bawipa am ami douthak phung cu, taigü ung ami pek ah kyasei, taigü ah kaa ah kyak ci.

PHYAWN NAK 29:28

Shin cu kä ng’thawng ciah ka m’hnüt bäi nak ah kyak ci. Ka chang gui naw hmuhchum douthak nak ami bi ah a kyak ung htome ah ang kyang la ak phleing cu taigü gui ah hmawk ah kyak ci. Shin cu kei Bawipa am chang gui naw ami na pek ah m’cümhnah nak ah kyak ci.

TAIGÜTHUM 2:3

Pawih ba ciah htang-douthak cu taigü gui naw khäm ci gui. Cun cu ang htei ah theingcim ci, Bawipa am douthak ah ei ungka lak ah kyak ci.