TAIGÜTHUM 10:12 - Cho Bible Common Language 2016

¹² Moses naw Aaron la om ba ciah a hta goi Eleazar la Ithamar am, “Bawipa am ei-douthak ungka pawih ciah htang-douthak cu na lak vai, acun awn k’caw kä shum ah m’htut cu pyang neta, sonkiang pei ah nami ei vai, a i ah kyasei ci ung cun ah douthak cu anghtei ah theingcim ciah kyak ci.

TAIGÜTHUM 10:12 Referans Kwoze

TAIGÜTHUM 21:22

A cun ah mäih chang naw, kei am ami na thak law ah ei cu a ei vai. Theingcim ciah ei-douthak la atheingcim pikbäih ah ei-douthak avan ah kyak ci.

EZEKIEL 44:29

Htang-douthak nak, kat ah phäh ah douthak nak la thungba-douthak nak gui cu taigü ah ei vai ah kyak ci, Israel khaw ung kei ah phäh ah ami hei tha nü cu ngami ah gah vai ah kyak ci.

TAIGÜTHUM 7:9

Meibum ung ng’shai, hlaw k’am ung hlaw la m’sii k’am ung hlaw ah htang douthak phung cu, acun Khanpughi am douthak ciah taigü naw khäm ci.

PHYAWN NAK 29:2

K’caw kä shum ah k’htang deen, amshah cu olive situi awn shon ah m’htut, amshah cu situi awn kä shon, la situi awn m’thau ah m’htut ang pam gui cu na mang vai.

PHYAWN NAK 6:23

Aaron naw Amminadab ah hta, Nashon ah be, Eisheba cu chu nak ci; ani cu Nadab, Abihu, Eleazar la Ithamar ah hta ci.

TAIGÜTHUM 10:13

Cun cu a theingcim nak ung nami ei vai, cun cu Bawipa am douthak ah ei ungka, nang la na hta gui ah chaw ah kyak ci, cun cu Bawipa naw kei ung ana thumkhän ah kyak ci.

KHEI NAK 3:2

Aaron ah a hta gui phli lawk ci gui; angvaipi Nadab, Abihu, Eleazar, Ithamar.

PHYAWN NAK 29:33

Hmakat nak m’geinsei nak ah, ngami phyutheh nak ah mawng ah kyasei, ngami naw ami ei vai. Shin ah ei cu theingciim ci kyasei taigü gui bäng naw ami ei vai.

TAIGÜTHUM 24:9

M’htut cu Aaron la a hta nau gui ah kaa ah kyak ci. Ngami naw atheingcim nak ah hmun ung ami ei vai, a i ah kyasei ci ung taigü gui ah hmawk ah Bawipa am douthak ah ang htei ah theingcim ciah avang ah kyak ci.

2 SHONTÄP NAK 31:14

Imnah ah htapa Kore, Levit chang cu Taigüim ah a kiangtäng m’kawt ngäng angvaipi cu Bawipa am ami pek ah m’cümhnah gui dou khai la a cun gui tei tawng khai ah angvaipi ah tha ci gui.

EZRA 7:5

Bukki cu Abishua ah hta, Abishua cu Phmehas ah hta, Phinehas cu Eleazar ah hta Elesyar cu Aaron ah hta ah kyak ci.