TAIGÜTHUM 10:10 - Cho Bible Common Language 2016

¹⁰ Nang naw na ng’thumcha vai cu Khanpughi ah a khäm la mang hmün vai ah ng’lakmah nak, theingcim ci la kä theingcim ci gui ah ng’lakmah nak gui ah kyak ci.

TAIGÜTHUM 10:10 Referans Kwoze

EZEKIEL 22:26

Taigü gui naw ka thukhän cu m’shet u ne, a theingcim cu kä kyih aa ci gui. Ngami naw theingcim ci la kä theingcim cicu kä m’khoi chak ci gui. Ngami naw theithang ci gui, kyiin hnüüp cu nawng ci gui. Ak hnu ah Israel chang gui naw kei cu kä na chang m’sui ci gui.

TAIGÜTHUM 11:47

Nangmi naw geing na ne nami ng’thumcha vai cu, theingcim ci la kä theingcim ciah ng’lakmah nak, ei vai ah khisa la kä ei vai ah khisa ah ng’lakmah nak gui ah kyak ci.

TITUS 1:15

Amät ah m’lung kyong theingcim ciah chang ah hmawk ah a i phi avan theingcim ci; cun ung phi amät kä theingcim ne a yum nak kä om ciah chang ah hmawk ah a i phi kä theingcim ci. A i ah kyasei ci ung ngami ah lung kyong la ami ngaih-tüh nak cu kä ah theingcim nak awn ah kyak ci.

EZEKIEL 44:23

“Taigü gui naw ka chang gui cu, theingcim ci la kä theingcim ci, theingthap ci la ka theingcim ciah ng’lakmah nak cu ami m’thei thang vai.

JEREMIAH 15:19

Cun ci ngäta Bawipa naw, “Nang na law ba ah a kyak ung kei naw ka ning la ba khai, nang cu kei ah changshäm ah na kya ba khai. A kholä ah ng’thu nak vaisü ung bä ciah thu na ng’shäu vaisü ung nang cu kei ah prophet ah na kya ba khai süte. Chang gui cu nang ah law ba khai gui, ngami ah nang na hteh vai kä hlü ci.

TAIGÜTHUM 13:43

Cun cu taigü naw ang shi thäh vai. Cun cu bawk ne hnai ciah hlut ah a kyak ung,

TAIGÜTHUM 14:57

Shin ah thukhän gui naw, a i yah ung kä theingthap ci, a i yah ung theingthap lawk ci, cicu dang sak ci.