TAIGÜTHUM 10:1 - Cho Bible Common Language 2016

¹ Aaron ah hta gui Nadab la Abihu naw mei-dawn la phäh phäh ni ne, acun ung meicak tha ni ne, tui ng’ui awn shawi neta, Bawipa am pek ci goi. Cun ung phi cun ah mei cu kä theingcim ci, a i ah kyasei ci ung cun ah ani pek vai ah Bawipa naw thumkhän kä pe goi ci.

TAIGÜTHUM 10:1 Referans Kwoze

KHEI NAK 26:61

Nadab la Abihu cu Bawipa am kä theingcim ciah mei douthak ni neta sik ci goi.

TAIGÜTHUM 16:12

ani naw sonkiang ungka meicak awn be ciah meidawn la, ang ui akni shum goi cu la neta, a theingcim nak pikbäih ung a law püi vai.

THULÄÄN NAK 12:32

“Ka ning thumkhän gui phung cu nami bi vai. Api awn phi kä nami m’khah vai, api phi kä nami lak vai.

KHEI NAK 16:46

Moses naw Aaron a pyen nak cu, “Mei khawk cu la ä, sonkiang ungka ghing ciah meicak la ne a cun ung tha ä. Cun kawn ah tui ng’ui cu meicak ah khan ah tha ä. Chang gui cu yangkhai sak gui ne ng’gängsei nak ak-yang ah bi pe gui ä. Bawipa ah m’lungshe nak cu kya law pyi ne, leigai cu ng’tün pyi ci nei” cik ci.

PHYAWN NAK 24:1

Bawipa naw Moses am, “Nang, Aaron, Nadab, Abihu la Israel chang pa 70 cu kei ah om nak m’htung ah nami kai law vai, nangmi naw api ang shawng nak ung kawp ne nami khawihnah vai.

PHYAWN NAK 6:23

Aaron naw Amminadab ah hta, Nashon ah be, Eisheba cu chu nak ci; ani cu Nadab, Abihu, Eleazar la Ithamar ah hta ci.

SAM 141:2

Ka taigü cu ang ui ah mäih ah kakut ka shäng cu mühun lam ah khawihnah ah mäih ah na dou pe ä,

TAIGÜTHUM 22:9

“Taigü gui ami van naw kei ah ka pek ah thungyo gui cu ami ngaih nak vai. Kä cung ngami cu cheishoh ne sik khai gui, a i ah kyasei ci ung ngami naw theing ciah thungyo kä ami läk ah phä ah ah kyak ci. Kei cu Bawipa nei, kei naw ka theingcim sak ci nei.

PHYAWN NAK 28:1

Na phäi Aaron la a hta gui, Nadab, Abihu, Eleazar, la Ithamar gui cu a täng ah ng’bum sak gui ä. Ngami cu Israel chang ungka k’pai gui ä. Cun ung taigü ah kya ne ka bi bik khai gui nei.

PHYAWN NAK 24:9

Moses, Aaron, Nadab, Abihu la Israel chang pa 70 cu m’htung ah hang kai u neta,

TAIGÜTHUM 16:1

Aaron ah hta goi ani sih kawn ah Bawipa naw Moses am ng’thu pyen nak ci, ngani cu kä theingcim ciah mei Bawipa am douthak ni khäta, a ngawn goi ah kyak ci.

TAIGÜTHUM 9:24

Ang ghit ah Bawipa naw mei yuk chah sei, acun naw sonkiang khan ungka m’khih ne douthak la a thau gui cu ui yawp ci. Chang gui naw cun cu hmu u neta, ami van m’lau u ne, ami hmai naw m’dek tawn khai ah kawp ci gui.

PHYAWN NAK 27:3

M’vut m’cuun nak ah k’am pyan vai, m’sawngchawi, khawk, kimkoi, la mei k’am gui cu pyan vai. Cun ah khawk gui avan cu kyei awn pyan vai.

HEBRU 9:4

Acun ah kyong ah ang ui gui mei awn ami m’khih nak ah ghui mangkiang la, ghui bäng awn pyan ah Thukhän M’küm om ci. Cun ah m’Küm khui ah manna m’htut ah om nak ah ghui-am, lim ne hnah ciah Aaron ah ng’shopawng la thukhän gui guk ah lung k’paang hnih om ci.

JEREMIAH 44:15

Ami chu gui naw ahei khanpughi gui ami khawihnah hmat ciah pamigui avan, cun ung ng’düi tuk ciah hnumi gui avan, Egypt a htumtäng ah om ciah Israel gui — chang hli ami van naw — ami na pyen nak cu,

JEREMIAH 44:8

Nangmi naw law ne nami om nak ah shin ah Egypt khaw ung agup gui khawihnah ne, ahei khanpughi gui am khawihniah na douthkne nami kyak nak awn a i ah kyasei kei nami na m’lungshe sak ang? Nangmi naw shin nami bi nak awn nami mät naw nami mät nami m’di ne ang, cun ah kyasei m’dek khan ah om ciah pakhui päng naw ning gaih tu gui ne nami ming cu plah taam nak ah mang khai gui nei?

JEREMIAH 32:35

Ngami nan Hinnom Khongnawi ung Barla am sonkiang cawh pek ci gui, cun cu malek khanpughi an ami htapami hta hnumi gui ami khawihnah nak vai ah kyak ci. Shin ah ani bi vai ah kei naw thumkhän kä ka bi man ci, ngami naw shin ah mäih ah bi ne Judah chang gui katnak bi sak gui khai ah kä ka ngai man ci.”

JEREMIAH 19:5

ngami naw Baala am ami hta nau gui m’khih ne ami khawihnah nak vai ah sonkiang gui phi co ci gui. Kei naw shin ami bi vai ah kä ka thumkhän gui ci; shin cu ka m’lung kyong ge ung kä om ci.

JEREMIAH 7:31

Hinnom khongnawi ung ngami naw Topheth ah ami pyen ah sonkiang co u ne, ami htapami gui la hta hnumi gui cu avan ung mei ung khawihnah ci gui. Kei naw cun ah ami vi vai ah thumkhän kä ka pe gui ci. Cun cu kei ah m’lung ung kä law ge ci.

THULÄÄN NAK 17:3

Cun cu a hei khanpughi gui, kä cun ung khohni, kä cun ung cha, kä cun ung aisi gui khawihnah ne, ami bii bi ne, Bawipa ah thukhän a hnu ng’hlah nak püi ah kyak ci.

THULÄÄN NAK 4:2

Kei naw ka ning pek gui ah thukhän cu api phi kä nami khap vai, api phi kä nami khui vai. Kei naw ka ning pek gui ah Bawipa nami Khanpughi ah thumkhän cu nami läk vai.

PHYAWN NAK 40:27

Ani naw Bawipa ah ang thumkhän ah mäih ah tui hlim ne ng’ui cicu m’khih ci.

PHYAWN NAK 38:3

Ani naw sonkiang ung mang gui vai phi avan pyang ci; amdai, m’sawngdai, khawk, bah khawk, meilung pei, shin gui avan cu kyei awn pyan ah kyak ci.

PHYAWN NAK 37:29

Ani naw theing ciah shawi nak ah situi la ng’ui ne hlim ciah tui ng’ui awn mei m’khih cu pyang ci. Cun cu sei ang ui gui k’caw ne pyan ah mäih ah kyak ci.

PHYAWN NAK 31:11

phyutheh nak situi, a theingcim hmun ah phäh ah tui ne ng’ui ciah ang ui gui ah kyak ci. Shin gui avan pyan nak ung kei naw ka ning pyen nak ah mäih ah akcang ah ami bi vai ah kyak ci” cine pyen nak ci.

1 GHANGPUGHANG GUI 18:38

Bawipa naw mei yuk chah law sei, khawihnah nak ni, sing ni, lung gui ni avan ui ne, m’dek phi ng’khiit ne, m’yawng ung tui phi ket yawp ci.

PHYAWN NAK 8:27

Keimi naw hnüüp thum hteit neta bung ah Bawipa kami Khanpughi cu ana thumkhän gui ah mäih ah kami pektak khawihnah khai nei” cik ci.

KHEI NAK 4:18

“Kohath pahta gui cu kä nami law sak gui vai.