TAIGÜTHUM 1:9 - Cho Bible Common Language 2016

⁹ A chi kyong ah kaa la a khaw gui cu chang naw tui awn am si vai, taigü bawi gui naw sonkiang ung khawihnah nak avan cu ami m’khih vai. Cun ah ei-douthak ah ang ui cu Bawipa naw yei nak ci.

TAIGÜTHUM 1:9 Referans Kwoze

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

TAIGÜTHUM 1:13

Cun ah chang naw apuk kyong ah kaa gui la a khaw gui cu m’si khai, taigü naw khawihnah nak cu Bawipa am pe ne, cun avan cu sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

2 KORIN 2:15

Mikmi cu Bawi Khrih naw Khanpughi a khawihnah nak ah ng’ui ah mäih ah, hun nak gah sang ci gui la chükmaih sang ci gui ah ng’lung ah mi ng’ui ci.

EZEKIEL 20:41

Kei naw nami püipiang nak ah khopäng gui ungka ning law püi ba gui ne atäng ah ka ning k’bum law ba gui ung, kei naw nami m’khih ah khawihnah nak cu ka ning dou pe gui khai, changpakhui gui naw kei ka Theingcim cu hmuk khai gui.

TAIGÜTHUM 3:11

Shin gui avan cu Bawipa am ei-douthak ah sonkiang ah khan ah taigü bawi naw am khih vai.

PHYAWN NAK 29:18

Htome avan cu sonkiang ah khan ah m’khih ne, ei ah douthak vai. Cun ah douthak ah ang ui cu kei naw yei ne ka dou khai.

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

EZEKIEL 20:28

Kei naw ka pek gui vai ah shaitak ka bi ah khaw ah ka hteh püi gui ci. Ngami naw khomhtung hlüng gui la sing ghing m’kim gui ami hmuh law ung ngami naw cun gui ami van am khawihnah nak cu douthak ci gui. Ngami naw khawihnah m’khih ami douthak nak la sapyit tui douthak vai ah ami law püi nak awn kei cu na m’lungshe sak ci gui.

JEREMIAH 4:14

Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!

SAM 66:15

Sonkiang ung m’khih vai ah htome cu ka ning pek khai; seipat la me gui awn phi ka khawihnah khai, meikhu cu khankhomik pha khai nei.

SAM 51:6

Bä nak la ng’düng nak cu na m’hni ci kya ne, Na cüivai nak awn ka m’lung na k’be ä.

TAIGÜTHUM 9:14

Ani naw a chikyong gui la a phei khaw gui cu m’si neta, sonkiang ung m’khih ne douthak gui ah a khan ung m’khih ci.

TAIGÜTHUM 1:17

Ani naw ang phia gui ung k’pang ne apum cu hleei ne, ang phia cu kä hleei en neta, avan cu sonkiang khan ah am khih vai. Cun ah ei-douthak ah ang ui cu Bawipa naw yeikyai nak ci.

PHYAWN NAK 29:25

Cun kawn ah ngami ungka la ba neta, mei awn m’khih ne douthak nak ah sonkiang khan ah m’khih vai, cun cu kei am ei nami na douthak ah kyak ci. Shin ah ng’ui ciah douthak nak naw kei cu na yeikyai sak ci nei.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

PHYAWN NAK 12:9

Ak ching la hmin pawlat cicu kä ei vai. Alu, a khaw gui la akchi kyong, apum avan cu hmin khai ah ng’shai neta ei vai.

TAIGÜTHUM 4:31

Hmuhchum-douthak nak ah ngawn ah me ah thau lawh ah mäih ah cun ah thau avan a lawh vai, cun kawn ah ani naw sonkiang ung am khih vai. Cun ah kyasei cun ah ng’ui naw Bawipa cu yei sak ci. A shicha ah taigüpa naw chang ah katnak ah phäh ah khawihnah nak cu douthak sei, ani cu m’geinsei nak gah khai.

KHEI NAK 15:3

Vantang tumat, htome m’ca tumat, htome hta tumat, kä cun ung me hta tumat cu Bawipa am pe vai, cun cu m’khih ne douthak, kä cun ung thukhän k’be nak ah khawihnah nak, kä cun ung pängye douthak nak, kä cun ung yum nak täng ah nami pawi man ah pawi ung nami douthak ah kyak ci. Shin ah ei-douthak ah ang ui cu Bawipa naw yei nak ci.

KHEI NAK 28:11

A cha tä ah ang tün nak päng ung m’khih ne douthak nak cu Bawipa am pek vai: vantang hta hnih, htome douthak nak ah m’htut den oliv-situi awn k’caw ne douthak vai: vantang tumtumat, kum ät lüng ciah htome m’ca chih, ami van cu kä leimbai en khai.

THULÄÄN NAK 12:27

Bawipa ah sonkiang avan m’khih vai ah khawihnah nak cun phi acu ah douthak vä. Si k’peh nak ah sonkiang la me nami ei nak ung khawihnah nak cu, nami douthak vai.

TAIGÜTHUM 2:2

Cun kawn ah Aaron tuu taigü gui ah a law püi vai. Taigü bawi naw htang den shum ät, la situi ni, ang ui ni avan la neta, sonkiang khan ah am khih vai. Cun cu Bawipa am avan douthak m’khih nak ah kyak ci. Cun ah ei-douthak ah ang ui cu Bawipa naw yeikyai nak ci.

TAIGÜTHUM 2:9

Taigüpa naw amshah cu lak khai, cun cu Bawipa am avan douthak ah m’hnüt nak ah kyak khai, ani naw sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

TAIGÜTHUM 2:16

Taigüpa naw ei la situi ateih la ne am khih vai, cun cu m’hnüt nak ah bi ah kyak ci, ang ui gui avan phi a cun ah bi ah kyak ci, Cun cu Bawipa am ei-douthak ah kyak ci.

TAIGÜTHUM 3:5

Cun gui cu m’khih ne douthak nak gui awn a täng ah sonkiang khan ah taigüpa gui naw ami m’khih vai. Cun ah ei-douthak ah ang ui cu Bawipa naw yei nak ci.

TAIGÜTHUM 6:14

Shin gui cu htang douthak nak ah thungyo gui ah kyak ci. Aaron taigüpa gui naw Bawipa am htang douthak nak cu sonkiang ah ma täng ung ami bi vai.

TAIGÜTHUM 8:28

Cun kawn ah Moses naw ei cu ngami ungka la neta, phyuhtheh douthak ah kyak khai ah m’khih ne douthak ah sonkiang khan ah m’khih ci. Cun cu ei-douthak ah kyak ci, ang ui naw Bawipa yeikyai sak ci.

KHEI NAK 28:7

Ak htük bäih ah htome awn a täng ah sapyit tui douthak nak ah, sapyit tui khap ät cu sonkiang ah kung ah lawn vai.

KHEI NAK 28:8

Mühun täng ah phi a hnih nak ah htome cu, khaw ngawi täng ah douthak ah mäih ah bi ba vai, sapyit tui douthak nak awn a täng ah bi vai. A cun phi Bawipa naw ang ui a yeikyai nak ah ei-douthak ah kyak ci.

1 SHONTÄP NAK 6:34

Elkanah, Jeroham, Eliela, Toah,

2 SHONTÄP NAK 4:6

Tuikhawk gha ah pyan u ne, Taigüim ah a htumtäng ung hma, a siiptäng ung hma tha ci gui. Cun gui cu mei ung m’khih ne khawihnah nak ah seme gui m’sa ne m’si nak ah kyak ci. Tuikan nu ung tui läi cu taigü gui naw ami m’si k’pyo nak vai ah kyak ci.

EZEKIEL 40:38

Akpung täng chaam ung a siiptäng m’kawt awn m’dün ne ak cawh ah tangkup om ci. Cun ungka naw luh nak ah khan ung hteit ne chaam ung mang ciah luh nak ah khan ah luh vai kyak ci. Cun ah im cu ngami naw apum lung m’khih ne khawihnah nak ah seime gui ami m’si nak ah kyak ci.