TAIGÜTHUM 1:4 - Cho Bible Common Language 2016

⁴ Acun ah lu ah khan ah chang naw a kut a taih vai, Cun ung ani ah katnak hteh püi pyi ciah kyasei cun ah khawihnah nak cu dou pek khai.

TAIGÜTHUM 1:4 Referans Kwoze

TAIGÜTHUM 4:26

Cun kawn ah ani naw a thau avan cu sonkiang ah khan ah am khih vai. Cun cu hmuhchum-douthak nak ah seime ah thau am khih ah mäih ah kyak ci. A shicha ah taigüpa naw uktu ah katnak ah phäh ah khawihnah nak cu a douthak vai. Ani cu m’geinsei nak gah khai.

TAIGÜTHUM 4:20

Ani naw katnak-douthak nak abi ah mäih ah a shin ah vantang awn bik khai, a shin ah mäih ah chang gui ah katnak ah phäh ah ani naw khawihnah nak cu bik khai, ngami cu m’geinsei nak gah khai gui.

TAIGÜTHUM 3:8

htome ah lu khan ah a kut taih neta, Phung ah düma ah a ngawn vai. Taigü gui naw asi cu sonkiang ah akit phli avan ung ami k’peh vai.

TAIGÜTHUM 3:2

Cun ah chang naw sei ah lu k’khan ah a kut taih neta, Bawipa ah om nak Phung valuh nak m’kawt ung a ngawn vai. Aaron tuu taigüpa gui naw asi cu sonkiang ah hnu akit phli ung ami k’peh vai.

PHYAWN NAK 29:15

“Htome hta tumat cu la neta, Aaron la a hta gui naw alu khan ah ami kut ami taih vai ah na pyen nak gui vai.

PHYAWN NAK 29:10

“Vantang hta cu ka om nak ah phung ah ma ah law püi neta, Aaron la a hta gui naw alu khan ah ami kut ami taih vai ah na pyen vai.

1 JOHAN 2:2

Mi cheishoh nak nam geinsei gui cicu Bawi Khrit amät ah kyak ci, mikmi bäng ah kä kyak ci, hnicim chang avan cu m’gein ne ana k’phiawn gui ah kyak ci.

ROMAN 12:1

Cun ah kya sei phäi nau gui aw, Khanpughi naw a nam gein nak gui cu däm aih ci kya sei, kei naw ka ning m’cäi gui hlü cu: Ak ghing ah m’küi m’khän nak ah Khanpughi ung ng’ap u ne, a khuut bi nak ung ngün kyük ne nami yei vai nei. Cun cu nang mi naw nami ng’ap nak cu akcang ah khawihnah nak ah kyak ci nei.

TAIGÜTHUM 4:31

Hmuhchum-douthak nak ah ngawn ah me ah thau lawh ah mäih ah cun ah thau avan a lawh vai, cun kawn ah ani naw sonkiang ung am khih vai. Cun ah kyasei cun ah ng’ui naw Bawipa cu yei sak ci. A shicha ah taigüpa naw chang ah katnak ah phäh ah khawihnah nak cu douthak sei, ani cu m’geinsei nak gah khai.

PHYAWN NAK 29:19

“A hei htome, ng’ap nak ah htome cu la neta alu ah khan ah Aaron la a hta gui naw ami kut ami taih vai ah na pyen nak gui vai.

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

ISAIAH 56:7

“Kei naw theing cim ciah ka m’htung Zion ung ka ning law püi gui khai, taigü nak ah ka cn ung yeikyai nak ka ning pe gui khai, ka mang kiang ung nami douthak law ah khawihnah nak cu kei naw ka dou khai. Kei ah Tigü lm cu chang pakhui avan ung chang gui ah taigü nak ah lm ah khü khai gui.”

KHEI NAK 15:25

Taigü naw chang bum ah hmawk ah ng’gängsei nak cu abi vai, cun ung ngami cu m’geinsei gui khai. A i ah kyasei ci ung ami hma nak cu kä ngaih-tüh ne bi ah kyak ci. Ngami naw ei-douthak nak ah kat-phyawn douthak nak cu Bawipa ah law püi ci gui.

TAIGÜTHUM 16:24

Ani cu atheingcim hmun ung tui ng’si neta, amät ah sui cu a sui ba vai. Cun kawn ah ani cu hteit ba ne, amät ah katnak la cun ah chang gui ah katnak nawt heng nak ah m’khih ne douthak nak cu a douthak vai.

TAIGÜTHUM 16:21

Ani naw a kut avan cu me ah lu khan ah taih neta, Israel chang gui ah ami shetkat avan, ami katnak avan, ami thüngphyong nak avan cu, acun ah khan ah ng’yu ne ng’paa nak ci, cun cu me ah lu khan ah k’plon yawp ah kyak ci. Cun kawn ah ami m’hnüt bäi ah chang am, me cu bung ah k’täm ne gawt sak ah kyak ci.

TAIGÜTHUM 9:7

Cun kawn ah ani naw Aaron am, “Sonkiang ah hteit ne chang gui ah katnak la ami katnak nawt heng khai ah katphyawn douthak nak la m’khih ne douthak nak cu na douthak vai. Bawipa ah thumkhän ah mäih ah chang gui ah katnak nawt heng nak ah shin ah douthak cu na bi vai” cine pyen nak ci.

TAIGÜTHUM 8:22

Cun kawn ah Moses naw ak hnih nak ah htome khla cu la ci, cun cu taigü gui phyuhtheh nak gui vai ah kyak ci. Cun ah alu ah khan ah Aaron la a hta gui naw ami kut taih ci gui.

TAIGÜTHUM 8:14

Cun kawn ah Moses naw vantang hta cu katphyawn-douthak nak vai ah law püi khäta, acun ah lu khan ah Aaron la a hta gui naw ami kut taih ci gui.

TAIGÜTHUM 4:35

Hmuhchum-douthak nak ah htome ah thau lak ah mäih ah ani naw cun ah thau avan cu a lak vai. Bawipa am pek ah ei-douthak nak ah sonkiang awn ng’däih khai ah am khih vai. Ashicha ah taigüpa naw chang ah katnak ah phäh ah khawihnah nak cu a douthak vai, ani cu m’geinsei nak gah khai.

TAIGÜTHUM 4:29

Ani naw cun ah khan ah a kut taih neta, sonkiang ah alu täng ah a ngawn vai, cun cu m’khih ne douthak nak vai ah seime gui ami ngawn nak ah kyak ci.

TAIGÜTHUM 4:24

Ani naw acun ah lu ah khan ah a kut taih neta, sonkiang ah a lu täng ung a ngawn vai. Cun cu m’khih ne douthak nak ah seime gui ami ngawn nak ah kyak ci. Shin cu katnak nawt heng nak ah douthak nak ah kyak ci.

TAIGÜTHUM 4:15

Ami pahta ung ang vai gui naw vantang ah lu ah khan ah ami kut taih u neta, a cun ung ami ngawn vai.

TAIGÜTHUM 4:4

Ani naw Phung ung luhnak ung vantang cu law püi neta, alu khan ah a kut taih ne, Bawipa ah ma ah acun ung a ngawn vai.

TAIGÜTHUM 3:13

me ah khan ah a kut taih neta, Phung ah düma ah a ngawn vai. Taigüpa gui naw asi cu sonkiang ah akit phli avan ung k’peh khai gui.

HEBRU 10:4

A i ah kyasei ci ung sei ah si la me ah si naw cheishoh nak cu kä nawtpet hlawt ci nei.

ROMAN 5:11

Cun bäng ah kä kyak ciah Khanpughi naw mikmi cu, Bawi Khrit ung a teihpüi ah ana pyan gui pyi ah kya sei, yeikyai nak phi mi gah ci.

ROMAN 3:25

Jesuh Khrit ah a sih nak awn chang gui cu, katnak ungka ami phiawn vai ah Khanpughi naw, ani cu chang m’küi nak ah m’hnüt ne k’bäi ci. Chang gui cu ani ami yum nak awn katnak ungka phiawn nak gah ci gui. Khanpughi naw cun ah abi cu, a i chaa ah chang gui ang düng sak gui ah mawng am dang nak ah kyak ci. Yanä akhin ung chang gui ah katnak cu, Khanpughi naw hnimgei nak awn m’düm gui ci.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

KHEI NAK 25:13

Ani la ani ah htangshon gui cu, angtäi sei taigü ah m’düih gui nei. Ani cu kei na küknet püi ciah khanpughi ah khan ah am lung kä sau ci. Cun ung phi chang gui ah katnak ah hmawk ah geinsei nak law püi ci” cik ci.

KHEI NAK 15:28

Sonkiang ung taigü naw cun ah chang katnak ungka a theingthap nak vai ah ng’gäsei nak cu bik khai, cun ung ani cu m’geinsei nak gah khai.

KHEI NAK 8:12

Levit gui naw sei hta gui ah lu khan ah ami kut ami taih vai, Tumat cu kat phyawn douthaknak ah a hei tumat cu m’khih ne douthak nak ah douthak vai. Cun cu Levit gui ah hmawk ah ng’gängsei nak bi ah kyak ci.

TAIGÜTHUM 22:21

Chang tumat mat naw shaitak ah kümbe nak, kä cunung, pängye douthak ah hmuhchum douthak nak abi ah a kyak ung, seime cu api ah phi kä kheihlik ciah kyak khai, cun cu dou pek vai kyak khai.

TAIGÜTHUM 6:7

Taigüpa naw chang ah katnak ah phäh ah khawihnah nak a douthak vai, cun ung ani cu m’geinsei nak gah khai.

TAIGÜTHUM 5:6

Akatnak a gei nak vai ah htome ak khik baw, me baw Bawipa am douthak vai ah a law püi vai. Taigü naw cun ah chang ah katnak ah phäh ah khawihnah ne douthak pek khai.

PHYAWN NAK 28:38

Aaron naw am calai ung cun cu a sawm vai, Cun ung Kei, Bawipa naw, Israel chang gui naw ap ne ami douthak law avan cu, ka dou pe gui khai. Chang gui naw ami douthak nak ung ami katnak a om ung phi.

PHYAWN NAK 29:33

Hmakat nak m’geinsei nak ah, ngami phyutheh nak ah mawng ah kyasei, ngami naw ami ei vai. Shin ah ei cu theingciim ci kyasei taigü gui bäng naw ami ei vai.

TAIGÜTHUM 4:33

Acun ah khan ah ani naw a kut taih neta, sonkiang ah alu täng ah a ngawn vai, cun cu m’khih ne douthak nak ah seime gui ngawn nak ah kyak ci.

KHEI NAK 8:10

Levit gui ah ami lu khan ah Israel gui naw ami kut ami taih vai.

TAIGÜTHUM 8:18

Cun kawn ah Moses naw htome akhla cu m’khih ne douthak vai ah law püi khäta acun ah lu khan ah Aaron la a hta gui naw ami kut taih ci gui.