TAIGÜTHUM 1:13 - Cho Bible Common Language 2016

¹³ Cun ah chang naw apuk kyong ah kaa gui la a khaw gui cu m’si khai, taigü naw khawihnah nak cu Bawipa am pe ne, cun avan cu sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

TAIGÜTHUM 1:13 Referans Kwoze

TAIGÜTHUM 1:9

A chi kyong ah kaa la a khaw gui cu chang naw tui awn am si vai, taigü bawi gui naw sonkiang ung khawihnah nak avan cu ami m’khih vai. Cun ah ei-douthak ah ang ui cu Bawipa naw yei nak ci.

TAIGÜTHUM 2:11

Htang douthak Bawipa am nami pek law phung cu, k’caw awn kä pyan en vai. Bawipa am douthak vai ah ei ung k’caw la khoitui kä nami shum phung vai.

TAIGÜTHUM 4:31

Hmuhchum-douthak nak ah ngawn ah me ah thau lawh ah mäih ah cun ah thau avan a lawh vai, cun kawn ah ani naw sonkiang ung am khih vai. Cun ah kyasei cun ah ng’ui naw Bawipa cu yei sak ci. A shicha ah taigüpa naw chang ah katnak ah phäh ah khawihnah nak cu douthak sei, ani cu m’geinsei nak gah khai.

KHEI NAK 15:4

Bawipa am m’khih ne douthak vai ah htome hta, kä cun ung, me hta law püi ciah chang phung naw seime tumat ci awn a täng ah Htang douthak vai ah m’htut den a pye, oliv situi khap ät awn k’caw la sapyit tui khap ät a law püi vai.

KHEI NAK 28:11

A cha tä ah ang tün nak päng ung m’khih ne douthak nak cu Bawipa am pek vai: vantang hta hnih, htome douthak nak ah m’htut den oliv-situi awn k’caw ne douthak vai: vantang tumtumat, kum ät lüng ciah htome m’ca chih, ami van cu kä leimbai en khai.

THULÄÄN NAK 12:27

Bawipa ah sonkiang avan m’khih vai ah khawihnah nak cun phi acu ah douthak vä. Si k’peh nak ah sonkiang la me nami ei nak ung khawihnah nak cu, nami douthak vai.

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

TAIGÜTHUM 2:2

Cun kawn ah Aaron tuu taigü gui ah a law püi vai. Taigü bawi naw htang den shum ät, la situi ni, ang ui ni avan la neta, sonkiang khan ah am khih vai. Cun cu Bawipa am avan douthak m’khih nak ah kyak ci. Cun ah ei-douthak ah ang ui cu Bawipa naw yeikyai nak ci.

TAIGÜTHUM 3:5

Cun gui cu m’khih ne douthak nak gui awn a täng ah sonkiang khan ah taigüpa gui naw ami m’khih vai. Cun ah ei-douthak ah ang ui cu Bawipa naw yei nak ci.

TAIGÜTHUM 6:14

Shin gui cu htang douthak nak ah thungyo gui ah kyak ci. Aaron taigüpa gui naw Bawipa am htang douthak nak cu sonkiang ah ma täng ung ami bi vai.

KHEI NAK 15:3

Vantang tumat, htome m’ca tumat, htome hta tumat, kä cun ung me hta tumat cu Bawipa am pe vai, cun cu m’khih ne douthak, kä cun ung thukhän k’be nak ah khawihnah nak, kä cun ung pängye douthak nak, kä cun ung yum nak täng ah nami pawi man ah pawi ung nami douthak ah kyak ci. Shin ah ei-douthak ah ang ui cu Bawipa naw yei nak ci.

KHEI NAK 28:8

Mühun täng ah phi a hnih nak ah htome cu, khaw ngawi täng ah douthak ah mäih ah bi ba vai, sapyit tui douthak nak awn a täng ah bi vai. A cun phi Bawipa naw ang ui a yeikyai nak ah ei-douthak ah kyak ci.

2 SHONTÄP NAK 4:6

Tuikhawk gha ah pyan u ne, Taigüim ah a htumtäng ung hma, a siiptäng ung hma tha ci gui. Cun gui cu mei ung m’khih ne khawihnah nak ah seme gui m’sa ne m’si nak ah kyak ci. Tuikan nu ung tui läi cu taigü gui naw ami m’si k’pyo nak vai ah kyak ci.

EZEKIEL 40:38

Akpung täng chaam ung a siiptäng m’kawt awn m’dün ne ak cawh ah tangkup om ci. Cun ungka naw luh nak ah khan ung hteit ne chaam ung mang ciah luh nak ah khan ah luh vai kyak ci. Cun ah im cu ngami naw apum lung m’khih ne khawihnah nak ah seime gui ami m’si nak ah kyak ci.