TAIGÜTHUM 1:11 - Cho Bible Common Language 2016

¹¹ Ani naw sonkiang ah alu täng ah a ngawn vai, taigü gui naw sonkiang ah akit phli ung asi cu ami k’peh vai.

TAIGÜTHUM 1:11 Referans Kwoze

TAIGÜTHUM 1:5

Ani naw sei cu acu ah ngawn khai, Aaron taigü gui naw asi cu Bawipa am pek khai gui. Cun kawn ah Phung ah luh nak ung om ciah sonkiang ah akit phli ung k’peh khai gui.

EZEKIEL 8:5

Khanpughi naw nap yen nak ci, “Hnicim Chang, a siiptäng ah tengä.” Kei naw teng neta sonkiang pei, m’kawtung va luk nak ung, khanpughi naw kä a teng hlü ah a gup cu ka hmuk ci.

TAIGÜTHUM 7:2

Shi ah douthak nak vai ah seime cu sonkiang ah alu täng ah ngawn vai, cun cu m’khih ne douthak nak ah seime ngawn nak ah kyak ci. A si cu sonkiang ah ak kit phli avan hnungtuk nak khai ah huk vai.

TAIGÜTHUM 6:25

Aaron la a hta gui am katphyawn-douthak nak ah phäh ah shin ah thungyo gui na pek vai. Katphyawn douthak nak ah seime cu sonkiang ah alu täng ah ngawn vai. Cun cu m’khih ne douthak nak ah seime gui ngawn nak ung ah kyak ci. Shin cu ang htei ah theingcim ciah douthak ah kyak ci.

PHYAWN NAK 40:22

Ani naw tawnglang cu Phung ah kyong ah hei tha ne, asiip lam yihdung ah akpung ah hmoh ci.

PHYAWN NAK 24:6

Moses naw sei si amshah cu la ne khawk gui ung kei neta, amshah cu sonkiang hnu na ne k’peh ci.

TAIGÜTHUM 4:29

Ani naw cun ah khan ah a kut taih neta, sonkiang ah alu täng ah a ngawn vai, cun cu m’khih ne douthak nak vai ah seime gui ami ngawn nak ah kyak ci.

TAIGÜTHUM 8:19

Moses naw cun cu ngawn neta, asi cu sonkiang ah angleng phli avan ung huk ci.

TAIGÜTHUM 14:13

Ani naw cun ah htome hta cu katphyawn douthak nak la m’khih ne douthak nak ah seime gui ami ngawn nak ah theingcim ciah hmun ung ngawn khai. Ani naw shin cu a bi bä bä vai, a i ah kyasei ci ung katphyawn douthak nak ah mäih ah thungba nak douthak cu taigü ah kaa ah kyak ci, ang htei ah theingcim ci.

EZEKIEL 43:18

Uktu Bawipa naw na pyen nak ci, “Hnicim chang, kei naw ka ning m’thein cu ngai ä. Sonkiang cawh law ung, nang naw na ap khai, akhan ung khawihnah nak m’khih ne, khawihnah nak ah seime gui ah asi cu akhan ung k’peh ne na cik khai.