TAIGÜTHUM 1:1 - Cho Bible Common Language 2016

¹ Bawipa ah om nak ah Phung ungka naw Bawipa naw Moses cu khü neta, shin ah thu gui cu pek ci;

TAIGÜTHUM 1:1 Referans Kwoze

PHYAWN NAK 19:3

Moses cu Khanpughi hmuk khai ah m’htung ah hang kai ci. Bawipa naw khomhtung ah om ne, ani cu khü neta, Jakob ah hta ng’shon Israel gui a pyen nak gui vai ah thu m’thein gui ci.

PHYAWN NAK 25:22

Kei naw a cun ung ka ning hmuk khai, a khüm ah khan, cherubim goi ah ng’lak ung, kei naw ka thukhän gui avan cu, Israel chang gui ah phäh ah ka ning pek khai.

PHYAWN NAK 29:42

Akhin päng ung angtäi sei, shin ah douthak nak cu kei ah om nak ah phung ah m’kawt ung kei ah ma ah douthak ah kyak ci. Cun cu kei naw ka chang gui hmu gui ne ka ning thu püi nak gui ah kyak ci.

JOHAN 1:17

Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.

KHEI NAK 7:89

Moses cu Bawipa ng’thu püi khai ah Phung ah kyong a hlut neta, thumkhän m’küm ah a khüm ah khan, Cherubim hnih goi ah ng’lak ung, om neta, Bawipa naw ng’thu a pyen cu cun ng’yak ci.

PHYAWN NAK 39:32

Bawipa ah om nak ah Phung bi nak cu ak hnu ah ng’pyi phleh ci. Bawipa naw Moses am thumkhän a pek ah mäih ah Israel gui naw bii vai avan cu bi yawp ci gui.

PHYAWN NAK 33:7

Israel chang gui naw hmun im ami cawh ah phung, cun ah hmun im ah akpung ang shawng nak ung Moses naw phung theing cu co ci. Cun cu Bawipa ah om nak ah Phung ah pyen ci gui. A u chang phi Bawipa ah ng’yoi thäh hlük ci phung cu a cu ah hteit ci gui.

PHYAWN NAK 24:12

Bawipa naw Moses am, “M’htung khan ah ka om nak ah hang kai law ä, shi ah na om yah ung, lung palap hnih ka ning pek khai. A cun ung chang gui m’shüm thein nak ah thukhän avan cu ka guk nei” cik ci.

TAIGÜTHUM 7:38

Shin cu bungpuk, Sinai M’htung khan ah, Bawipa naw Moses am a pek ah thumkhän gui ah kyak ci. Cun cu Israel chang gui naw douthak nak ami bi vai ah am thein nak gui ah hnüüp ung ah kyak ci.

TAIGÜTHUM 9:16

Ani naw m’khih ne douthak vai ah seime cun phi la neta, thungyo ah ciah douthak ci.

PHYAWN NAK 3:4

Bawipa naw Moses ang et law cu hmu neta, Pluup ah ng’lung ah om ne khü ci, “Moses! Moses!” Moses naw, “äi, shi ah ka om ci nei” cik ci.

PHYAWN NAK 40:29

Acun ah yihdung ah hmai ung douthak m’khih nak ah sonkiang cu tha ci, a cun ah khan ah m’khih ne douthak nak la geit m’shi douthak nak cu bi ne khawihnah ci, cun cu Bawipa ah thumkhän ah mäih ah abi ah kyak ci.

KHEI NAK 1:1

Israel chang gui naw Egypt khaw ami hteh tak nak akum goi nak ah akcha goi nak, ak hnüüp ät hnüüp ung Sinai Bung ah Bawipa ah a om nak ah Phung ung Bawipa naw Moses cu ng’thu püi ci. Ani naw,

THULÄÄN NAK 27:6

A i ah kyasei ci ung a i sonkiang phi Bawipa nami Khanpughi ah phäh ah nami cawh ah a kyak ung kä ng’keng ciah lung awn nami pyan vai. Acun ung nangmi naw m’khih ne khawihnah nak cu nami douthak vai.

2 GHANGPUGHANG GUI 16:13

Cun ah kyasei ani naw a cun ah khan ah seme m’khih ne khawihnah nak la htang-douthak nak cu bik ci, tui-douthak la khawtsheng-douthak nak ung asi awn yuk shawi ci.

2 SHONTÄP NAK 29:32

Ngami naw vantang chihkip, htome phia, htomehta phia goi cu Bawipa am m’khih ne douthak vai ah law püi ci gui;