SUKI GUI 9:7 - Cho Bible Common Language 2016

⁷ Cun ah a mawng cu Jotham naw ng’ya neta, Kerizim m’htung lai ah hteit ne ng’düi ne, m’lau ne a pyen nak gui cu, “Na ngai vä, Shekhem chang gui aw, cun ung Khanpughi naw ning ngai gui khai nei!

SUKI GUI 9:7 Referans Kwoze

THULÄÄN NAK 11:29

Nangmi naw nami khäm law vai ah khaw ung Bawipa naw a ning hteh püi gui ah a kyak ung, nangmi naw nami ng’shäu vai cu, Kerizim M’htung ungka hriham la Ebala m’htung ungka plah taam ah kyak ci.

JOHAN 4:20

Keimi Samaritan chang gui naw, shin ah m’htung ung Khanpughi kami khawihnah ci, nangmi Jew chang gui naw, Jerusalem ah Khanpughi nami khawihnah ci” cine pyen nak ci.

THULÄÄN NAK 27:12

“Nangmi naw Jordan tuinu nami kah kawn ah chang gui ah khan hriham ami ng’shäu yah ung shin ah pakhui gui cu Kerizim M’htung khan ah ami ng’düih vai. Simeon, levi, Judah, Isskhar, Joseph, la Benjamin,

ISAIAH 1:15

“Nangmi naw taigü nak ung nami kut nami shäng ung, Kei nan kä ka ning teng gui khai nei. A i Chü ah nangmi nami taigü ung phi kei naw kä ka ngai khai nei, a i ah kyasei ci ung nami kut cu si naw k’plüm ci nei.

NG'THU K'THUUK~ 28:9

Thukhän kä na läk ah a kyak ung nang ah taigü cu Khanpughi naw teng ne thüinak aih vai ah ng’yak ci.

NG'THU K'THUUK~ 21:13

Dukhaih ciah chang ah kyah kä na ngaih hlü ah a kyak ung, ami ning m’htei vai ah na mät naw kyap ne na ng’yoih cu a u naw kä ng’yak khai.

JOSHUA 8:33

Israel gui la ami ng’vai gui, bawi ui, suki gui la ami ng’lung ah om tuk ciah khuihei chang gui cu, Bawipa ah Thukhän M’küm ah vang goi vei ung, acun kawt ciah Levit taigü gui täng ah mang ne düi ci gui. Ateih naw Keriyim m’htung hnu na ne ng’düi ci gui, ateih naw Ebala m’htung hnu na ne ng’düi ci gui. Bawipa ah changshäm Moses naw shin ah abi vai ah a thumkhän gui ah mäih ah, ngami ah hmawk ah hriham ami dou nak vai ah akhin cu gawk lawk ci.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

THULÄÄN NAK 11:30

(Shin ah khomhtung gui cu, Jordan tuinu ak khei täng, Jordan khawg nawi ung om ci gui ah Kanaanit chang gui ah khopäng ah kyak ci. Cun gui cu ak khei täng ah vang shawng ci, Kilkal gawnu pei ah Morah sing ghing theing gui awn kä ng’shawng ci.)

SUKI GUI 9:6

Cun kawn ah Shekhem la Bethmilo ung chang gui ami van cu a täng ah ng’bum u neta, Shekhem ung hlim ghing theing ah hteit ci gui, acu ah Abimelek cu ghangpughang ah m’düih ci gui.

SUKI GUI 9:8

Huü ät ung sing ghing gui cu ami mät naw, ami mät ah ghangpughang ghü khai gui ah ng’bum ci gui. Ngami naw Olive-sing am ‘Kami ghangpughang ah kya ä’ cik ci gui.

ATÜNNAK 37:6

Ani naw, “Ka ng’mang ka shui khai, ngai vä.