SUKI GUI 9:57 - Cho Bible Common Language 2016

⁵⁷ Khanpughi naw Shekhem chang gui cun phi ami shekat ah phäh ah yaica sak gui ci, cun cu Kideon ah hta Totham naw acun ah ami kyak vai ah a pluhtam gui kyak ci.

SUKI GUI 9:57 Referans Kwoze

SUKI GUI 9:20

Kä cun ah a kyak ung, Abimelek ung ka mei tho law ne, Shekhem la Bethmillo ung chang gui cu ui yawp sä. Shekhem la Bethmillo ung chang gui ung ka mei tho ne Abimelek cu ui sä” cik ci.

1 GHANGPUGHANG GUI 16:34

Ani naw a uk sangung Bethela ah ka Hiela naw Jerikho cu co ba ci. Nun ah hta Joshua ung Bawipa naw ng’thu angcäi ah mäih ah, Hiela naw Jerikho mang gaw angnei a cawh yah ung a hta ng’vaipi Abiram cu shum ci, m’kawt gui a cawh yah ung a hta hmawpi Sekub cu shum ci.

SUKI GUI 9:45

Hnüüp pum mü ne ng’tuk ci gui. Abimelek naw mang gaw khäm ne, chang gui ngawn ne, cin gaw phye neta, m’dek phi m’shi awn phyang shut ci.

JOSHUA 6:26

Cun yah ung Joshua naw kükyang ciah m’thein nak pe gui ci.” Tuhchü Jerikho mang gaw cawh ba vai ah tha nak ci phung cu Bawipa ah plahtaam nak ah aka ung om khai nei. Angneei co ciah chang phung cu, a hta ng’vaipi chük khai nei; Am kawt co ciah chang phung cu, a hta hmawpi chük khai nei.”

SUKI GUI 9:24

Shin ah a kyak cu, Abimelek la Kideon ah hta chih-kip ngawn vai ah k’tha pek ciah Shekhem chang gui naw ami hmakat nak ami chaw nak ah kyak ci.

SUKI GUI 9:56

Abimelek naw a phäi nau gui chihkip ngawn gui ne apa hnungtuk püi ne katnak abi ah phäh ah shik cha ah Khanpughi naw am kyuk ah kyak ci.

SUKI GUI 10:1

Abimelek asih kawn ah Dodo ah tu, Puah ah hta, Tola om law ne Israel gui cu hun gui ci. Ani cu Issakha pakhui ung ka ah kia ne, Ephraim khaw-gui Shamiza ung om ci.

1 GHANGPUGHANG GUI 2:32

Joab naw kapa David ah kä hmat ah chang gui ngawn ne akat ah phäh ah ani cu Bawipa naw m’kyuk khai. Joab naw chang ni hnih ngawn ci, ngani cu amät ah ta ni tuba ci goi: ngani cu Abner, Israel gakapbawi la Amasa Judah gakapbawi ah kyak ci goi.

SUKI GUI 1:7

Adonibezek naw, “ghangpughang chih kip, ami kutnu la ami khawnu ka m’chün gui cu, ka tawnglang ka ah ei k’bok kawk ne om ci gui nei. Ngami ah khan ah kei naw ka bi ah mäih ah kei ah khan ah khanpughi naw tuhbäi bik ci nei,” cik ci. Ani cu Jerusalem ah hteh püi u sei a cu ah sik ci.

2 SAMUEL 3:39

Kei cu Khanpughi naw a ghü ah ghangpughang ah ka kyak ung phi, tuh ngawi ka tha ken ci nei. Shin ah Zeruiah ah hta gui cu kei ah phäh ah ta, m’gäi m’cik aih ci gui nei. Shin ah chang chei yeeih gui cu ami katnak ah ciah Bawipa naw m’kyuk gui sä” cik ci.

SAM 7:17

A ng’düng ah hmawk ah Bawipa cu ka m’hlüngtai ci, A hlüngtai säih Bawipa cu ng’ä awn ka m’taam ci.

SAM 94:23

Ani naw ami shetkat ah hmawk ah m’kyuk gui ne, ami cheishoh ah hmawk ah m’di gui khai; Bawipa mi Khanpughi naw m’di gui khai nei.

NG'THU K'THUUK~ 5:22

Changshe ah katnak cu m’hling bang ah kyak ci. Ani cu a mät ah katnak ah ng’vaai ung amät awk ba ci,

ISAIAH 3:11

Cun ung phi changshe gui cu ami khomü khai, chang hei ah khan ung ami bi ah mäih ah ami khan ung gawk law ba khai.