SUKI GUI 9:5 - Cho Bible Common Language 2016

⁵ Ani cu apa im, Ophrah ah hteit neta, lung tumat ah khan ah aphäi nau gui chih-kip, Kideon ah hta gui cu ngawn gui ci. Cun ung phi Jotham, Kideon ah hta ak hmaw pi cu ng’thup pei sei kä ngawn tuk ci.

SUKI GUI 9:5 Referans Kwoze

2 SHONTÄP NAK 21:4

Jehoram naw a uknak khaw cu akni ah akpan kawn ah avan ngawn gui ne, Israel bawi gui phi ngawn gui ci.

SUKI GUI 6:24

Kideon naw acun ung Bawipa am soukiang cawh pen eta ang ming a sui cu, “Bawipa cu Dimdeeih nak” ciah kyak ci. (Cun cu Ophrah ung tuhgüt ng’düi ci, cun cu Abiezer pahta ah ka ah kyak ci.)

MATTHE 2:20

“Tho law ne ak hmaw la anu cu Israel kho ah hteh püi ba goi ä, akhmaw ngawn hlük ciah chang gui cu si pyii ci gui nei,” cine pyein ci.

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

2 GHANGPUGHANG GUI 10:17

A cu ah gawk u neta, Jehu naw Ahab ah mätyah gui avan ngawn gui ci, tumat phi kä k’pawih nak ci. Shin cu kya lawk khai ah mawng Bawipa naw Elijah am, am thein pyi ah kyak ci.

SUKI GUI 9:2

“Shekhem chang gui am ami m’thein gui vai cu, “A i ang nami ghü kaw? Kideon ah hta chih-kip avan ah uknak ang? Käcung tumat bang ah uknak ang? Nami shüm ba vai cu Abimelek cu ami mät ah si la sa ah kyak ci nei” cik ci.

SUKI GUI 8:30

Ani ung a hta chih-kip lawk ci, a i ah kyasei ci ung ani naw akda chu nak ci.

SUKI GUI 9:6

Cun kawn ah Shekhem la Bethmilo ung chang gui ami van cu a täng ah ng’bum u neta, Shekhem ung hlim ghing theing ah hteit ci gui, acu ah Abimelek cu ghangpughang ah m’düih ci gui.

SUKI GUI 9:18

Cun ung phi tuhngawi nangmi naw kapa ah kyong chang cu ng’hlat ne nami hnu ng’tuk püi ci nei. Nangmi naw a hta gui, chih kip cu lung tumat ah khan ah nami ngawn ci, Abimelek, akchang sham hnumi awn ani hta cu Shekhem ghangpughang ah nami hmoh ci.

2 GHANGPUGHANG GUI 10:7

Jehu ah ca gah u neta, Samaria ung ng’vaihta gui naw ghangpughang Ahab ah htangshon chikip avan ngawn u ne, gang ung ami lu gui m’khäp u neta Jezreelaa ung Jehu am thak law ci gui.

SUKI GUI 6:11

Cun kawn ah Bawipa ah khanchang cu Ophrah gawhta ah law neta, Abiezer pahta ung ka, Joash ah akhäm, m’dung ghing ka ah ngok ci. Ani ah hta kideon cu sapyit hung ung adüm ah htang m’häi ne om ci, cun ah kiasei Midianit gui naw kä hmuk ci gui.

1 GHANGPUGHANG GUI 1:12

Na hnun-gui la na hta Solomon ah hnun-gui nak phyawn hlü ah a kyak ung, kei naw ka ning m’shümthein khai,

1 GHANGPUGHANG GUI 1:21

Cun ah kä na bi ah a kyak ung, nang na sih vai am ka hta Solomon la kei cu kä bekhüt ciah pyen ne na pha goi khai gui nei.”

2 GHANGPUGHANG GUI 11:3

Ahtaliah naw a uk yah ung Jehosheba naw ak hmaw cu m’htei ne khokum chuk ung Taigüim kyong ah a thuh ah kyak ci.