SUKI GUI 9:49 - Cho Bible Common Language 2016

⁴⁹ Cun ah kyasei ak chang sing naw sing ban tu u ne; Abimelek cu läk ci gui, cun ah im khäng ung hnu ng’tuk khai ah sing pum ci gui. Ngami naw akyong ah om ci gui mah ah mei awn m’khih ci gui, cun ah kim nu ung om ciah chang ami van sik ci gui, ami van hnumi pami phia gha vai lawk ci gui.

SUKI GUI 9:49 Referans Kwoze

JAMES 3:16

M’thüi m’khang nak la m’yawmhau nak cun naw, kä ng’käkhtäng nak la shetkat nak a hlü hlü om sak ci,

KALATIAN 5:15

Cun ung phi kawng, khawm gui ami ng’tohpah ah mäih ah nami kyak ung, tumat la tumat nami dishum nak ah kyak khai nei.

SUKI GUI 9:20

Kä cun ah a kyak ung, Abimelek ung ka mei tho law ne, Shekhem la Bethmillo ung chang gui cu ui yawp sä. Shekhem la Bethmillo ung chang gui ung ka mei tho ne Abimelek cu ui sä” cik ci.

SUKI GUI 9:15

Hing-kyam naw, “Kei cu nami ghangpughang ah akcang ah nami na hmoh hlü ah a kyak ung, kei ah hnim ung law ne nami ng’zii law vai. Cun ah kä nami kyak ung ka hlin ban gui ung ka mei lut law ne Lebanon sing gui cu ui yawp khai” cik ci.

SUKI GUI 9:48

Ani cu ak chang gui awn Zalmon m’htung ah hang kai ci gui. Acu ah ani naw ghei la ne sing ban tupit neta, ak phleing ung tai ne kawt ci. Ani naw ak chang gui phi ang ghit ah ami cit u vai ah pyen na gui sei, acun ah ci tuk ci gui.

SUKI GUI 9:50

Cun kawn ah Abimelek cu Thebez ah hteit ne, mang gaw k’koi neta tu ne chäm ci.