SUKI GUI 9:27 - Cho Bible Common Language 2016

²⁷ Ngami ami van ami sapyit lo ah hteit ci gui, sapyit theih bit u ne, sapyit tui pyang ci gui, cun kawn ah pawi bik ci gui. Ngami cu ami Khanpughi ah pum im ah hteit u ne, a cu ah ei aw u neta, Abimelek ah mawng pyen ne gaih ci gui.

SUKI GUI 9:27 Referans Kwoze

SUKI GUI 9:4

Ngami naw Baala-ah-thukhäm pum im ung ka ngui chih-kip la u neta ani am pek ci gui, acun ah ngui awn ani naw chang pyai gui ng’vat gui ci.

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.

JEREMIAH 25:30

“Nang Jeremiah naw, kei naw ka pyen phung cu na ng’shäu vai nei. Nang naw shin ah chang gui na m’thein gui vai cu, Bawipa cu khankho ah m’ngawk khai ak hlüng nak khankho ung hmum kyeek khai. Ani naw ak chang gui hnungtuk ne m’ngawk khai; ani cu sapyit neen ciah chang ah mäih ah m’lau khai. Khomdek khan ah chang nü naw ng’yak khai.

SAM 109:17

Ani cu ng’plah hlük ci kya sei, ani cu phlah u sä! Hriham pek vai thüi nak ci kya sei, a u naw hriham kä pe-en sä!

1 SAMUEL 17:43

Ani naw David am, “Cän ah htung a i na haw nak vai ang? Kei ui ah na na ngai ne ma?” ci nak ci. Ani naw amät ah Khanpughi khü ne David cu taam ci.

SUKI GUI 16:23

Philistin ghangpughang gui cu a täng ah ng’hmu u neta, ami khanpughi Dakon am dämduh ciah khawihnah nak douthak vai ah k’bäi ci gui. Ngami cu, “Kami khanpughi naw kami ga Samson ah khan ah näng ank na pe gui ci nei!” cine ng’äi ci gui.

SUKI GUI 9:46

Shekhem imlung ung om ciah ami ng’vai gui ami van naw cun ah mawng cu ng’ya u neta, ami phyawn vai ah khäng htek ciah Baala-thukhän pum im kyong ah lut ne om ci gui.

SUKI GUI 8:33

Kideon asih kawn ah Israel chang gui cu Khanpughi ung kä bekhüt ba u ne, Baala cu khawihnah ba ci gui. Ngami cu ami khanpughi Baala awn thukhäm bi u ne,

PHYAWN NAK 32:19

Moses cu ami om nak hmun pei ah gawk law ne, vantang ah gup la ng’lam ciah chang gui cu hmu gui neta, m’lungshe ci. M’htung nawi ah gawk law neta, a kawh law ah lung phe goi cu ghawt ne payak sak ci.

PHYAWN NAK 32:6

A ngawi ung khaw ngawi hta chang gui naw, m’khih ne khawihnah nak seime gui la douthak ne ei vai gui cu law püi ci gui. Chang gui cu ngo ne ei aw u neta, ng’tunglam ne lawklak ci gui.

SUKI GUI 9:26

Ebed ah hta Kaala cu a phäi nau gui awn Shekhem ah lawk ci, Shekhem chang gui naw ani cu yum ci gui.

HOSEA 7:14

Ngami naw m’lung üp nak awn kei ah taigü ci gui, cun ung phi ami mät kyu u ne kä yum ci gui ah mäih ah m’lau ng’pyang ci gui. Ngami naw htang la sapyit tui ah phäh ah ami taigü ung kä yum ci gui ah mäih ah ami mät naw am mät nat sak ci gui. Ngami cu a i hlawk ah ng’küknet ci gui ang?