SUKI GUI 9:24 - Cho Bible Common Language 2016

²⁴ Shin ah a kyak cu, Abimelek la Kideon ah hta chih-kip ngawn vai ah k’tha pek ciah Shekhem chang gui naw ami hmakat nak ami chaw nak ah kyak ci.

SUKI GUI 9:24 Referans Kwoze

1 GHANGPUGHANG GUI 2:32

Joab naw kapa David ah kä hmat ah chang gui ngawn ne akat ah phäh ah ani cu Bawipa naw m’kyuk khai. Joab naw chang ni hnih ngawn ci, ngani cu amät ah ta ni tuba ci goi: ngani cu Abner, Israel gakapbawi la Amasa Judah gakapbawi ah kyak ci goi.

SAM 7:16

Ami mät ah shetkat nak cu ami mät ah lu khan ah ng’taih ba ci, ami kat nak, a mi mät ah khan gawk ba ci.

ESTA 9:25

Cun ung phi Esther cu ghangpughang ah hteit sei ghangpughang naw ca gu ne ng’thukbäi tei ci. Ak hnu ah ani naw Jew gui ah phäh ah a pawngpüi cu Haman amät naw ma nak ci, ani la a hta gui cu ng’awh k’tung ung m’awh gui ci gui.

1 SAMUEL 15:33

Samuela naw, “Nang ah na khim naw nu nu akda cu a hta kaa ah kyak sak ci, cun ah kyasei, tuhbäi na nu cu a hta ah kyak khai nei” cik ci. Ani naw Gilgal sonkyang ma ah Agag cu tupit pit ci.

THULÄÄN NAK 27:25

“Khanpughi ah plahtaam nak cu changni ngawn vai ah ngui dou ciah chang päng ah khan ah gawk sä. “Chang avan naw ami m’shan vai cu, ‘Amen!’

KHEI NAK 35:33

A shin ah mäih ah nami bi ah a kyak ung, nami om nak ah khaw nami cheishoh sak ciah kyak khai. Chang ngawn nak naw khaw cheishoh sak ci, chang ngawn nak ah khaw ng’gängsei nak vai cu, chang ngawn ciah chang a sih tuba vai ah kawn ah a hei lam kä om ci.

SUKI GUI 9:25

Shekhem chang gui naw Abimelek hnu ng’tuk püi u ne, m’htung lai ung mah khai ah chang tha ci gui. Ngami naw cunah lam ung hteit ciah chang päng guttep ci gui. Acun ah mawng cu Abimelek am chang gui naw m’thein ci gui.

SUKI GUI 1:7

Adonibezek naw, “ghangpughang chih kip, ami kutnu la ami khawnu ka m’chün gui cu, ka tawnglang ka ah ei k’bok kawk ne om ci gui nei. Ngami ah khan ah kei naw ka bi ah mäih ah kei ah khan ah khanpughi naw tuhbäi bik ci nei,” cik ci. Ani cu Jerusalem ah hteh püi u sei a cu ah sik ci.

1 GHANGPUGHANG GUI 2:33

Chang ami ngawn ah phäh ah m’kyuk nak cu Joab la a hta ng’shon ah khan ah ngawi yä kya lawk khai. Cun ung phi a mangkiang ung ngok ciah David ah hta ng’shon gui läi am Bawipa naw ang’täi sei näng nak pe gui khai.”

SAM 7:17

A ng’düng ah hmawk ah Bawipa cu ka m’hlüngtai ci, A hlüngtai säih Bawipa cu ng’ä awn ka m’taam ci.