SUKI GUI 9:19 - Cho Bible Common Language 2016

¹⁹ Tuhbäi, tuhngawi nangmi naw Kideon la akyongchang ah khan ah nami bi cu dung ne nik ciah a kyak ung Abimelek awn nami yeikyai khai, ani phi nangmi awn yeikyai khai.

SUKI GUI 9:19 Referans Kwoze

ISAIAH 8:6

Ani naw, “Chang gui naw dinggei ne long ciah shiloah tui lawng cu hnungtuk püi u ne, Ghangpughang Rezin la ghangpughang pekah ah ma ah ami ng’hlet ah hmawk ah,

JAMES 4:16

Cun ung phi nangmi tuhbäi chang ah ng’shei ne nami khähghah ci, cun ah khähgha nak phung cu cheishoh nak ah kyak ci.

PHILIPPIAN 3:3

Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.

SUKI GUI 6:32

Acun ung tün ne, Kideon cu Jerubbaala ah ming ci, a i ah kyasei ci ung Joash naw, “Baala cu a mät gung sä; Shin ah chukpit cu ani ah sonkyang ah kyak ci nei? a ciah phäh ah kyak ci.

SUKI GUI 9:18

Cun ung phi tuhngawi nangmi naw kapa ah kyong chang cu ng’hlat ne nami hnu ng’tuk püi ci nei. Nangmi naw a hta gui, chih kip cu lung tumat ah khan ah nami ngawn ci, Abimelek, akchang sham hnumi awn ani hta cu Shekhem ghangpughang ah nami hmoh ci.

SUKI GUI 9:20

Kä cun ah a kyak ung, Abimelek ung ka mei tho law ne, Shekhem la Bethmillo ung chang gui cu ui yawp sä. Shekhem la Bethmillo ung chang gui ung ka mei tho ne Abimelek cu ui sä” cik ci.