SUKI GUI 9:17 - Cho Bible Common Language 2016

¹⁷ Nami shüm vai nei, kapa naw nangmi ah phäh ah ng’tuk bik ci. Ani naw a hnunggui pe ne Midianit gui ah kut tung ka ning hun gui ci.

SUKI GUI 9:17 Referans Kwoze

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

ROMAN 16:4

Ngah ni cu kei ah hmawk ah ani hnun gui pe ne bi bik ci goi nei. Ngah ni cu kei bäng ah kä kyak ciah khui hei chang khritha bum avan naw yei na goi ci gui nei.

ROMAN 5:8

Cun ung phi mikmi naw katnak mi bi k’chung ung Bawi Khrit naw mikmi ah hmawk ah si nak awn Khanpughi naw a i hlawk ah anam hni gui cu m’dang ci.

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.

SUKI GUI 9:16

Jotham naw k’täi ne pyen ne, “Cun kawn ah, nangmi cu Abimelek ghangpughang ah nami hmoh yah ung akcang ah yum nak la m’tam nak om ne ang? Kideon naw shüm vai ah abi gui cu nami chang m’sui ne ang, akyong chang gui mä abi awn khinkha khai ah nami m’htei ciah kya ne ang?

SUKI GUI 9:18

Cun ung phi tuhngawi nangmi naw kapa ah kyong chang cu ng’hlat ne nami hnu ng’tuk püi ci nei. Nangmi naw a hta gui, chih kip cu lung tumat ah khan ah nami ngawn ci, Abimelek, akchang sham hnumi awn ani hta cu Shekhem ghangpughang ah nami hmoh ci.

1 SAMUEL 19:5

Ani naw a hnun gui pe ne Koliath cu ngawn ci, Bawipa naw Israel gui ah phäh ah dämduh ciah näng nak bik ci. Acun na hmuh ung, na yei khai nei. Tuhbäi a i ah kyasei chang ni ah khan ah a hma na bi hlü ang, a mawng kä om ciah David na ngawn hlü ang?”

SUKI GUI 12:3

Nangmi kä nami hteit tuk khai ah hmu neta, kei naw ka hnun gui pe ne, khawgi khum ne ka tu gui ci, Bawipa naw ngami ah khan ah näng nak na pek ci. Cun ah kya lang sei, a i ah kyasei, tuhbäi, nangmi naw law ne, nami na tuk lawi ang?” cik ci.